【安全意識】

又再一次忟忟地.

奈何屋企人湊總比外人湊係好好多, 照顧係周到. 唔怕無飽飯食.

都唔明點解, 為左唔想個細路大吵大鬧呱呱叫, 就順佢意, 由得佢做.

乜唔係個大人主導細路架咩, 反而係調返轉.

每日婆婆都會插香燭, 家希嘈住要渣住自己插, 咁細個o靚仔又點會識插呀, 又話佢大吵大鬧, 嘈到成條走廊都聽到.

那又如何呢 ? 唔通佢嘈住要攞刀囉, 你就比呀 ?
最終咪真係比d 香燭燒親塊臉囉.

小朋友硬係鐘意玩門, 家希都唔例外, 但係我屋企, 我絕對唔比, 玩慣左第時要嬌正就難.

閂門呢個動作其實好危險, 一陣唔留神又加上扯一扯風, 手指都可以夾斷丫.

平時我地走, 話就咁話叫家希閂心BYE BYE, 實情我地係外面對手係咁頂住對門咋, 做估真係比佢自己閂門咩 ?

話我緊要都係咁講, 點解一d 安全意識都無 ?

呢個年齡既小朋友係鐘意模仿. 學做大人丫嘛. 但係佢咁細, 又點識分對與錯.

到時整親整傷又嘈嘈閉話佢曳, 聽到我都心火燥 !