【Mikiki の 燈飾巡遊】

禮拜日唔駛上堂, 其實時間就Free 好多, 可以瞓晏D, 可以晏D 至出門, 可以去下街, 可惜今日天雨路滑.

早幾日知道 Mikiki 有Twin Star, 趁返婆婆度, 順路去一趟.

一直以為呢個商場無乜嘢行, 應該無咩人, 原來唔係既, D人係邊度黎, 原來有一田, 唔怪之得啦.

個超市人山人海, 見到都有D驚. 條龍尾長到想買嘢都無心機囉.

唯有淨影相就算啦~

呢個Twin Star 既裝飾真係幾靚, 又Colorful.

【朗豪 • 青衣城の燈飾巡遊】

落左堂, 拿拿林去衣肚.
之後Papa 提議去朗豪坊影相. 

【Lesson 19 @ BabyGym 動身又動腦 】

由今個星期開始, 家希逢星期六朝早上畫班, 中午過後就上PG. 聽落都覺得好忙咁.

無法啦, 個Pg 由今個Cycle開始無左星期日下晝既時間.
又去到新Cycle, 又有新同學仔. 全班7個小朋友.

【海運の燈飾巡遊】

由於尋日去唔成尖沙咀, 家希尋晚瞓到今朝, 足足12個鐘, 飽飽.

食過早餐, 大家都早D出發.

未夠1點已經係尖沙咀, 咁早出到黎, 周圍都無乜人, 真係好, 泊車影相食嘢都唔駛等, 正 !!

日抖影有日抖既影, 夠光, 影既相都會Sharp D.

【Lesson 18 @ BabyGym 動身又動腦】

今堂又去到呢個Cycle 最後1堂.

呢輪真係唔知乜解究, 家希次次去到CENTRE都O益住要入課室. 但人地仲未落堂. 次次解釋一輪都唔聽,要自己親身睇至心熄.
第一個Exercise.

方Sir 講解中, 家希就不停話自己玩過, 係屋企玩過.

都係練下頭二指肌肉, 用夾con 既夾仔夾下d 細蘋果.

個傻仔一夾起左就係咁show 比姐姐同方sir 睇. 知你做到喇!

【遊市中心】

完左畫班, 原本想出尖沙咀, 不過見帶唔夠衫, 個天又陰陰, 都係返屯門食Tea就算.
家希係前一晚已經o益住要食壽司, 我地揀左去別府. 老公可以食拉麵, 家希又可以食加洲卷. 一舉兩得.
市廣場今年聖誕裝飾好靚.

罕有禮拜六下畫唔算多人. 得幾個排隊玩呢個咖啡杯, 每人限玩2分鐘, 側邊企左個食蕉睇住.

中途有D 大6人真係十下十下, 唔知係咪盲, 有條隊都睇唔到, 想插入黎, 好彩個食蕉出手.

【Interview 結果の觀浸】

終於收埋另外個間既取錄相.

封信係禮拜一, 婆婆去完Sharon交完留位費後就發現.

不過係婆婆既口吻, 佢想家希入讀Sharon多d.

當然地點真係優勢好大原因, 此終湊果個係婆婆, 佢辛苦時, 我都唔多好過.

距離交留位費仲有一段時間. 仲可以考慮下.

【漁屋放題のMami B-Day】

啱啱禮拜六食過放題, 今晚又食喇 !

今次揀左漁屋, 尖沙咀分店, 原來係同金田同一棟大廈.

呢度分2個價錢, $178 同$208, 後者比前者嘢食方面多三十幾種同埋可以食3個鐘.

不過當個待應話有帶子, 大頭甜蝦, 我就扑除揀$208.

【秋風起の錦田俱樂部】

尋晚老公答應左家希, 今日帶家希去餵羊羊.

食過早餐梳洗後, 差不多成點至出門.

老公之前仲不停同家希講, 可以餵羊羊食草草, 白兔食紅羅白.

渣車去, 好快就到.
家希一落車就拍晒手, 好開心.
去到餵羊仲搶住自己買草草.

睇番咁多張家希餵羊既相, 真係忍唔到笑左出黎. 原來佢個樣係咁玉緊.

【Lesson 17 @ BabyGym 動身又動腦】

開始上堂時, 得3個小朋友, 唔通今堂有咁多人唔返, 計起上黎, 真係只有第1堂係返齊8個小朋友. 其它堂總係少1-2個.
呢個發聲捧, 要對垂直拎至會有聲發出, 訓練佢小肌肉.

【Mami Happy Birthday 2012】

今年生日原本想去海馬公園，不過最後因時間問題，撤銷

老公仲話，生日梗係同阿媽食飯喇，記念當年咁辛苦生我出黎喎，仲話第時我都想家希生日會同我食飯喇，咁又係既！

【泰蘭花のMami B-Day】

踏入生日週, 人年齡越大就越唔多想應酬.

簡單一餐飯, 倆個知己談吓心, 都幾開心.

【Interview 結果のSharon】

Interview 完, 莫過於就係等結果.

只隔左2日, 今日收到 Sharon既取錄, 可以鬆一口氣, 起碼有呢間做後備.

不過時間無多, Sharon 下個星期二就要交留位費, $250, 嘩~ 咁平既, 我仲以為6舊水添.

Mama 心儀係KTBC, 不過又唔想婆婆辛苦, 返學放學要斜路落斜路上.

Sharon, 勢在方便.

暫時未知觀浸結果. 真係心急死 !!

【Lesson 16 @ BabyGym 動身又動腦】

排數字1-10 ,家希己經成口好似念口黃咁.
不過佢唔順住黎排, 方Sir 話小朋友係咁, 佢地會根據佢自己意思去排d 數字.

排完數字, 仲可以將佢穿埋一齊.

【K1 の Interview】

 

踏入11月, 非常緊張, 幼稚園開始Interview.
婆婆屋企附近有2間心儀學校, 都係同一日做Interview.


距離Interview 日子越近, Mama 我就越緊張.

一向隔中都有同家希做練習, 佢都識答, 點知臨Interview前2日, 問佢既顏色, 答錯晒 ! 搞到我開始緊張.