【遊市中心】

完左畫班, 原本想出尖沙咀, 不過見帶唔夠衫, 個天又陰陰, 都係返屯門食Tea就算.
家希係前一晚已經o益住要食壽司, 我地揀左去別府. 老公可以食拉麵, 家希又可以食加洲卷. 一舉兩得.
市廣場今年聖誕裝飾好靚.

罕有禮拜六下畫唔算多人. 得幾個排隊玩呢個咖啡杯, 每人限玩2分鐘, 側邊企左個食蕉睇住.

中途有D 大6人真係十下十下, 唔知係咪盲, 有條隊都睇唔到, 想插入黎, 好彩個食蕉出手.

家希,你比D 笑容好喎!!

咁就差唔多.


周圍影吓相, 最好娛樂去Toyrus 睇玩具, 有哥哥示範緊個搖控車,
家希又要玩, 睇佢幾尊心. 唔駛錢又玩左幾個字, 抵喇~

呢個搖控車既手制都幾難控制, 唔係平時玩開個D, 要一隻手撳完, 另一隻手負責扭.
大過仔, 小肌肉控制得唔錯喎~
 

之後Papa 又提議去冒險樂園, 其實Mama 我唔多贊成, 差不多個個禮拜都去一次. 我個人覺得去得太密唔多好.

家希去親都要玩bowling.

其實騎下馬仔唔駛入錢都唔錯.


玩左成個下晝, 係時候要返歸休息下.

家希居然食過晚飯, 未夠8點就暈左. 無瞓過晏覺係咁架啦.