【學做 Cashier】

去完姑奶度, 又拎左堆玩具返黎. 家希總係幸福, 排行最細, 衫褲鞋襪玩具書本一一都接收.

收銀機, 其實 Mama 我都幾鐘意呢度玩意, 兒時無玩過丫嘛.
 

【Lesson 2@ BabyGym 動身又動腦】

今日家希又掛住玩, 晏覺唔肯瞓, 好彩係巴士度, 恰左陣. 不過仲未有吾吾.
點知去到Centre, 又成日話有吾吾. 第一次係街上屙吾吾, 好彩呢度 有兒童廁所, 家希坐上去就啱啱好, 值得一讚.

歡迎過後, 第一環節又係練頭3隻手指.,方SIR 做示範,家希已經急不及待.

皆因佢最鐘意夾嘢囉 ! 真係好尊心好努力一粒一粒夾落去.

有興趣既嘢, 玩幾Round 都唔停手.

【游水樂 @ 栢慧會所】

落左成個禮拜雨, 終於放晴喇 !
上個禮拜己經打算今日 去姑奶會所暢泳, 仲以為要改期添, 見個天咁藍, 一於食完個晏就出發.
鐘意去會所游, 原因好簡單, 人唔多, 水又乾淨, 最重要唔曬囉, 至鬼驚曬黑.
由於唔曬相對D 水就涷囉. 世事就無咁完美架啦.

好彩浸左一陣, 家希表姊話另一邊有暖水池. 咁我地梗係拿拿林過池啦.

哇~~ 真係好好多囉, 雖然未去到浸溫泉既溫度, 但起碼唔係冰涷囉.

【怨屈】

心中怒火經過一整夜都未平靜，仲有微微餘溫!

雖然搵朋友發洩過, 但度氣仲Chok 住 Chok 住.

事源尋朝仲未落8號仔既時候，收到我老母來電 !!(原諒我咁既稱呼)

原以為佢問好我地. 原來另有意思~
佢問禮拜日有無見過佢隻鑽介 ? 位置 --廁所 !

老實講，的確個日我入過廁所仲幫家希沖涼，但完全無為意過，再接住佢叫我問我老公，答案如是~

【Lesson 1@ BabyGym 動身又動腦】

呢間PG 係2個月前試堂後由於時間唔啱, 比留位費Hold 位, 終於收到好消息, 有新班開. 家希又要開始上堂去了.

雖然隔左2個月, 小朋友記性真係好到不得了, 仲記得呢度有得射籃, 鞋都未除就係咁益住要去射籃籃.

呢度個 Playround,有sir 滑梯有車仔, 但家希偏偏淨係鐘意係度射籃籃.

【喪玩黃埔 PlayHouse】

今日天氣焗到不得了, 好以入左個火爐咁, 原來吽緊風.

一早 Plan 好約埋軒哥哥去黃埔 Playhouse 喪玩.

但係無瞓晏覺之下既家希, 狀況麻麻, 扭計就梗.

例排第一 Part 實射槍先, 係度玩緊既小朋友都好禮讓. 仲執左一兜波讓比家希.

【燒燒燒の飯聚】

又到一年一度相聚日子, 以往大家仲係單身又無家室, 真係見面仲多過見屋企人. 除住時間飛逝.大家各有各忙, 不過都唔會錯過每年對方既生日既.

算手指, 呢個朋友由中學時代開始, 大大話話都成十五六年喇 ! 佢亦係最了解我既一個好朋友.

諗左成個月, 唔係樣樣都食得, 最後揀左呢間日式燒, 勝在佢樣樣都有得食, 又有刺身.  雖然D 食評麻麻. 不過實在太吸引, 膽粗粗試一試.

【嬉水@ 公家游泳池】

抖左1個禮拜, 尋日行過買左個水泡仔比家希, 原來水泡都有分CM 架, 以家希呢個歲數用最細都係45CM就啱啱好.

個傻仔好鐘意個水泡, 成晚攬住周屋行.

今朝食過早餐就出發. 原本打算去姑奶會所個邊, 不過時間唔夠, 唯有近近地去另一個邨既泳池.
呢個係嬉水池, Mama 我都係第一次去咋. Papa 又話呢個池四邊都有樓圍住唔曬喎, 完全唔覺囉, 曬到Mama 我對眼擘唔大囉. 好彩Mama 我同家希做足防曬措施. 搽足50度無走雞啦.

 

【畫班の初體驗】

其實 Mama 我之前都周圍覓尋畫班, 不過好多都要最少3歲至可以Join, 其中一間2歲就可以Join, 仲要係親子, 可惜好Full, 而家只係 Waiting List 咋.

經朋友介紹, 呢間畫室近近地, 係番原區, 正正又Fit 正Mama 我想要既時間, 星期六上晝.

可能Mama 我係第一次Join 呢類既興趣班, 其實都唔太清楚地上堂運作.

今堂係畫叮噹, Miss 係白板上畫, 而小朋友就跟住係畫紙度畫. 不過以家希呢個階段, 又點能畫到呢 !


【偷影中】

【講故事】

經朋友介紹我買呢疊書, 目的係培養家希有個閱讀習慣.

仲記得舊年呢個時候, 係 Starting B 度返 PG, 亦係家希第一次接觸講故仔既時間.

不過個陣佢完全無興趣, 陳姑娘有佢講, 家希就周身郁. 完全唔入耳咁.

【相機 の保護】

呢個品牌係我 Miss 介紹.

一直以為相機袋都係大大舊舊, 好似皮料書包款, 唔係我杯茶.

點知個日Out-door上堂, Miss 用緊果個幾鬼型, 又唔土. 就咁愛上了.

可惜衰衝動, 買左個細size, 雖然呢個 Size 係好輕便, 亦啱啱fit 晒位塞到部機, 不過想帶多個鏡頭都無可能.

思前想後, 都係後悔, 仲要返到屋企乜鬼牌都剪晒不得止, 連張單隨手掉埋囉.

想換都難啦!! 

尋日又心思思再去睇過, 老公多口問過 Sales, 點知佢肯比我換, 總知係7日內就OK.
真係好開心, 仲諗住要洗多舊錢買多過. 而家又可以慳到錢之餘仲唔駛浪費個唔 Like 既袋.

【反轉360】

中午時份, 老公提議去360.其實佢知我一向都想帶婆婆去. 應該話, 老豆仲在生時, 我地去過幾次都撞正唔係維修就暫停. 帶佢地去係我個心願 !
今日終於得賞所願. 遺憾係老豆已經不在............
未坐360前, 首先去衣肚, 之前朋友仔帶過我地黎呢度食鐵板燒, 坐係個鐵板前面, 師傅燒完煎完D 嘢食就會分係我地面前.

呢度勝在抵食, 四十幾五十蚊一個Set, 有埋碗飯, 好好味 !!

【七一沙灘遊】

繼上個禮拜玩沙失敗,今個禮拜, 又再接再厲.
落左8號波既第二朝, 鬼死咁好天, 藍天白雲.

臨出門今次有準備, 搽足防曬無走雞.

Papa 仲話推埋車仔, 為免上次咁, 唔願行都有車坐, 我地又唔駛咁辛苦.

今次Mama我叮囑Papa唔好咁心急, 慢慢比家希坐係蓆度 Warm up 下先.

【美 の日落】

上晝同完陽光玩遊戲, 下晝約左家希幾個表姊去綠田園玩, 點知家希至愛既彈彈床同渣車仔無晒喎.
仲要連羊仔都無埋, 淨得2隻牛相依為命, 真係慘 !

老公提議去下白泥, 睇日落喎, 幾有詩情畫意.

5個大人, 4個細路, 超晒載喇 !

完全無執過相, 影出黎真係好靚.