【相機 の保護】

呢個品牌係我 Miss 介紹.

一直以為相機袋都係大大舊舊, 好似皮料書包款, 唔係我杯茶.

點知個日Out-door上堂, Miss 用緊果個幾鬼型, 又唔土. 就咁愛上了.

可惜衰衝動, 買左個細size, 雖然呢個 Size 係好輕便, 亦啱啱fit 晒位塞到部機, 不過想帶多個鏡頭都無可能.

思前想後, 都係後悔, 仲要返到屋企乜鬼牌都剪晒不得止, 連張單隨手掉埋囉.

想換都難啦!! 

尋日又心思思再去睇過, 老公多口問過 Sales, 點知佢肯比我換, 總知係7日內就OK.
真係好開心, 仲諗住要洗多舊錢買多過. 而家又可以慳到錢之餘仲唔駛浪費個唔 Like 既袋.

呢個 Size 就 GOOD 喇, 鬆動D, 拎出拎入都唔駛就住就住.

呢個係原本個袋. 細SIZE
雖然我個機, 唔係d 咩單反, 不過同事建議要用防潮箱, 香港天氣太潮濕, 咁樣部機好易打柴.

呢個箱勝在個底有層好厚既棉, 可以墊住部機.