9月開學月. 係時候要留意吓D 幼稚園資料. 做定Re-seach.
2013年家希就要入K1, 即出年要入表.
而家仲考慮緊比唔比家希讀 N , 其實個心有D想, 但又唔想佢返全日, 此終有婆婆湊. 半日對我黎講已經OK.
婆婆條邨無乜選擇, 得2間幼稚園, 1間心儀既就無N 班, 另一間只有全日N 班.唯有向下再睇. 即係要轉一程小巴落山.
點知打去問吓D資料啫, 就話入表同面試要同步.
就係咁, 約左呢個禮拜六In.
其實我都未諗定比唔比家希入N 班, 不過去In 吓又無防, 當攞個經驗都好呀.
真係唔該晒朋友仔既出力, 幫我印左一疊回郵信封, 仲貼埋郵票.
公司出左Meno. 中秋有得收工, 個個人齊齊走, 唔駛再好似以前咁, 分2批人係度Back up.
轉眼間又一年.
今年 Papa 生日想北上鬆一鬆. 而家要北上唔似以前我地2條友,話上就上. 對上個次鼠上去係情人節既事.
正日又係開學日, 尊登拎半 Day 假, 撇低家希, 我地老公婆悠悠閒咁向北出發.
今次揀左去水立方. 老公個老細話由羅胡去, 可以係 Shuttle Bus 度買套票, 118人仔可以揼中港泰. 由於我想做磨砂. 皆因個背脊成日都覺得好痕, 磨完後, 確實係滑一滑.
足足係水立方逗留左3個幾鐘, 經皇岡返黎. 太耐無北上, 原來皇岡有個新過關大樓, 要行老十仗遠先過到關, 又要行一大段路至搭到黃巴, 有D似行路上廣州咁. 真係無以前咁方便囉.
