◣我家◕｡◕じ寶貝◥: ღ 紀念日ღ

顯示包含「ღ 紀念日ღ」標籤的文章。顯示所有文章

2014年9月1日星期一

【開學日。慶祝日】

眨下眼, 暑期完結, 又要收拾心情開學喇.
仲記得一年前既今日, 係忙於搵學校插班, 搞手續買校服, 咁快就一年Lu.

2013年12月1日星期日

【6th Wedding ♥ Anniversary】

話咁快就結婚6週年, 例排無特別慶祝, 只係簡簡單單一家三口周圍行街影下相, 再去大家樂打下邊爐, 估唔到一個煱再額外叫多個麵, 已經食到飽飽..

2013年11月10日星期日

【Mami B-Day 2013】

轉眼間, 又到11月份, 人大左, 真係唔多想有咁多應酬.
每朝6點半鬧鐘響就係我辛勞既一日開始, 忙完8粒鐘, 收工仲要趕住返去接仔, 一入屋, 又開始不停忙,
最後10點半, 總算可以停一來.

老友記既飯聚, 繼02年試過Weekend慶祝後, 今年因為湊住個仔, 又要就我係Weekend慶祝.
第一次黎呢間伊呂波,個爐唔會黐底.

【海運の X'mAS燈飾巡遊】

計起上黎, 今年食親Buffet 都食唔到生蠔, 真係意猶未盡.

所以今年生日, 無論如何, 點都要食Buffet.

2013年9月11日星期三

【補祝Papa Happy Birthday + 自整3D蛋糕篇】

一個月前, 係網上報左個整3D蛋糕既Course.

呢間嘢既 Course 好full, 真係要成個月前去 Book.

2013年4月4日星期四

【反轉新界遊】

返2日工, 又放假喇 !

今日兒童節, 又係清明, 同時又係我地倆公婆10週年拍拖紀念日.

難得又放假, 又係時候去郊遊.

但個天色唔多靚, 又係陰陰天, 好彩無落雨.

第1站, 我地去摘士多啤梨喇. 趁季尾加上枳熹未摘過. 今日我地又去新場「觀光士多啤梨園」

季尾又加上落左幾日雨. 真係唔多有靚既士多啤梨囉.

2013年3月15日星期五

【相識10週年】

眨眼間.我地已經相識10週年. SARS 都係同年同月發生架話咁快就10年, 仔都3歲Lu.

最估唔到, 老公仲搵人送左扎花黎我公司. 計起上黎, 今次都係第二次係公司收花. 但咁大扎都係第1次.
呢度有10支玫瑰, 老公話代表呢10年喎!

2013年2月14日星期四

【情人節 2013 】

今年情人節, 撞正係初五開工日. 坐足8個鐘, 一大半時間都係打機, 真係爽爆.

連續玩左5日, 都洗左唔少錢. 原本Book 左食放題, 最後放棄無去到.

都係去吉之島超市買壽司返屋企食, 呢堆嘢都係佰六蚊咋.

總好過夾硬去餐廳食個d 情人節大餐, 明掠水.

2012年12月1日星期六

【5th Wedding ♥ Anniversary 反轉迪士尼】

結婚5週年,計劃好要去反轉迪士尼, 仲記得1週年我地2公婆都係黎呢度, 如今, 過左5年,已經變左三人行喇.

擔心左成個禮拜, 勁驚今日會落雨, 對上個次用150蚊入場, 但又落足成日雨, 好掃興囉.

估唔到今日天氣勁好, 晏晝時間仲熱到要著短袖衫, 真係 Very Good !

一早老公兜左我地倆母子入去先再收工入黎接應.

家希知道去迪士尼, 鬼咁開心, 成朝咀咪咪咁笑.

膽粗粗倆母子入迪士尼, 已經有朋友係入面接應.

仲幫我地Check 埋時間, 可以晡到薑餅人影相呀. 真係好奇妙, 家希由細開始, 佢完全唔驚呢D公仔人物, 見到佢地仲好興奮. 真係當左佢地係真正卡通人物.

2012年11月10日星期六

【Mami Happy Birthday 2012】

今年生日原本想去海馬公園，不過最後因時間問題，撤銷

老公仲話，生日梗係同阿媽食飯喇，記念當年咁辛苦生我出黎喎，仲話第時我都想家希生日會同我食飯喇，咁又係既！

2012年9月1日星期六

【Papa Happy Birthday @ Disney Buffet 2012 の上】

由於早一個月, 同姑奶不斷研究搵日去迪士尼食 Tea Buffet, 最終揀左Papa 正日生日去.

同事有張白金Annual Pass, 8折喎! 計埋都係$250一個大人, 又可以見到米奇, 其實都好抵下.

揸車仲有Free 泊.

記得對上一次係婆婆生日黎呢度食Lunch Buffet. 個陣家希1歲多, 今次2歲8個月既人仔, 已經成隻馬騮.

今次Tea Buffet 後決定下次食Dinner.

【Papa Happy Birthday @ 2012 下】

預早一個禮拜訂既D.I.Y 蛋糕, 貪佢可以自己揀D 字.
"候" Papa 唔係屋企, 我地快快手準備, 家希真係好比心機去插.

夜晚晚飯後, 點少得要切蛋糕.

2012年2月14日星期二

【情人節 2012 】

舊年情人節請左假返大陸搞新屋裝修嘢.

今年無咩特別, 但老公就忙到不得了, 由13號就煩到14號.

因為佢老細接左Order, 佢要幫手去送花喎...

佢仲話真係咩人都有, 1支花都會搵人送, 甚至幾條三角朱古力扎埋一舊都當係花送. 真搞笑 !

一向我地都無咩點慶祝, 情人節擺明比人 "湯" 啦.

屋企樓下有間放題, 不過情人節升番做原價再加一, 2 個人成4舊幾水, 加上我地細食, 唔抵食.

所以我地轉為 Order. 最後3舊水就飽飽咁走人.

2011年12月1日星期四

【4th Wedding ♥ Anniversary + 燈飾巡】

今日係我地結婚 4 週年, 撞啱婆婆要覆診, 所以叫埋 Papa 同我一齊放假, 趁閒日無咁多人帶家希去老尖度影燈飾.

Mama我一支公湊住家希响婆婆家出發, Papa 就係我落車站度等我地.

其實之前某日上完PG, 我地都有過黎海運影 Toys Story, 不過人多到哩.....基本上插針都插唔入咁囉, 最終放棄.

今日閒日, 已經唔算多人. 起碼可以插得入. 家希明顯大過仔, 佢知道Mama 我同佢影相, 佢都好合作, o益佢企埋去望鏡頭佢都肯唔扭計.

2011年11月10日星期四

【Mami Happy Birthday @ Ocean Park 2011】

一早起身, 雖然係天陰陰, 好彩無雨落, 可以去海洋公園, 壽星女有得free再加公司早排送2張飛, 咁我地1家3口+婆婆都唔駛錢.

10點半去到婆婆度, 執拾行裝. Call Van直接去.

對上一次黎呢度, 係公公臨走前1年, 距離而家都有3年喇.

估唔到呢3年間, 成個海洋公園都唔同晒.

未入場, 係外面影吓相, 換吓飛都擾攘左成半個幾鐘. 而家海洋公園幾似迪士尼, 又係成日有人走埋黎同你影相, 目的係想Sales 你買相, 不過我每次都會叫佢用番我部機影多次.

2011年9月1日星期四

【PaPa Happy Birthday @ 北上鬆一鬆 2011】

轉眼間又一年.

今年 Papa 生日想北上鬆一鬆. 而家要北上唔似以前我地2條友,話上就上. 對上個次鼠上去係情人節既事.

正日又係開學日, 尊登拎半 Day 假, 撇低家希, 我地老公婆悠悠閒咁向北出發.

今次揀左去水立方. 老公個老細話由羅胡去, 可以係 Shuttle Bus 度買套票, 118人仔可以揼中港泰. 由於我想做磨砂. 皆因個背脊成日都覺得好痕, 磨完後, 確實係滑一滑.

足足係水立方逗留左3個幾鐘, 經皇岡返黎. 太耐無北上, 原來皇岡有個新過關大樓, 要行老十仗遠先過到關, 又要行一大段路至搭到黃巴, 有D似行路上廣州咁. 真係無以前咁方便囉.

2011年4月10日星期日

【石澳8 週年】

8年前, 呢度係papa mama 拍拖第一次黎既地方, 4年前 papa mama 重踏舊地, 仲話第時要3個人黎.

今日終於實現喇!

未到夏天, 呢度已經熱到出晒汗. 成個沙灘都滿晒人. 成個車場都係滿晒車, 搵個位泊都幾難, 唯有比30蚊泊爛地.

2011年4月4日星期一

【家希渡假の Pami 相識 8 週年】

新竇搞掂, 終於可以接家希返黎, 只係拎左1日既AL 就連放4 日, 咁樣又可以對家希多幾日.

之前勁驚家希跟番我地會扭計, 因為家希住慣左婆婆家, 就算係婆婆家都黐到實一實, 連mama papa都唔要.

呢4日家希唔算話乖乖, 仲時不時扭計, 又係出佢個招, 唔鐘意唔滿意就大發脾氣, 冚頭落地, 同埋仲摑自己, 而mama我梗係一於少理, 由得佢係度大吵大鬧, 唔駛幾秒, 家希又回復咩事都無, 呢個小朋友真係識得扮嘢.

家希發脾氣就好忟陣...

2011年2月14日星期一

【不一樣之情人節๑2011】

一早同老公夾定今年情人節瞞住婆婆北上, 皆因婆婆會覺得我地掛住去wet 唔湊仔. 所以癈事解釋咁多, 就決定扮返工北上.

大大話話成2年無出過境lu, 佗B一年, 湊B一年. 老公最想揼骨, 而我最想睇吓D 窗簾家居材料. 用左幾個禮拜時間re-seach深圳邊度有家居廣場, 臨出發前一晚狂係個深圳地圖睇睇睇, mark 晒地區, 最後鎖定目標.

朝咁早起身, 預番時間出門, 屋企樓下正正村巴直到上水, 由於繁忙時間又唔想同人迫, 我地係上水搵間冰室嘆早餐再滋滋悠悠上去. 最樣衰過香港境, 拎住張回鄉証過e 道, 勁低能 ~~ 仲要比個好心男士見到, 提我用錯咭, 真瘀皮.