今日兒童節, 又係清明, 同時又係我地倆公婆10週年拍拖紀念日.
難得又放假, 又係時候去郊遊.
但個天色唔多靚, 又係陰陰天, 好彩無落雨.
第1站, 我地去摘士多啤梨喇. 趁季尾加上枳熹未摘過. 今日我地又去新場「觀光士多啤梨園」
季尾又加上落左幾日雨. 真係唔多有靚既士多啤梨囉.
仲要一個一個水氹.
好彩個事頭婆提供左D 膠袋, 我地用黎包住對腳, 咁樣就唔驚整烏糟喇.
最後收成得6粒咋. 又細粒.唔算好酸, 但又唔算甜.
跟住第2站去附近既雲泉仙館食晏.
呢度既豆漿真係好好味, 又香濃, 必買.
我地3大2細. 都係 Order 左2 碟餸.
皆因實在太大碟, 最後都係食淨一半, 真浪費.
佢既粥, 個個都話好綿, 今次係我第一次食, 真係好好味. 不過可能我鐘意送飯食多d. 最後食多1碗飯至夠皮.
第3站, 去小白鷺餵羊. 今日d 羊好飢餓,
6蚊1扎, 10蚊2扎草.
仲有好多小朋友餵羊.
呢度有遊戲室. 不過次次都係齋睇無玩.
一場黎度, 影番張相先.
第4站, 南生圍.
影呢張相, 連周圍既旁人都緊張起來. 個個都叫佢地2個唔好郁呀唔好郁. 哈哈.
佢地好似擺post 屎咁. 好搞笑.
呢度真係影相勝地.
又係一個一個水氹.
橫水渡, 我地又係坐來回.
第5站, 佢地最開心既地方「綠田園」
次次黎都人山人海, 都無機會玩呢個艇仔.
今日可能好多人要拜山, 又無一群群團友.
所以好Free.
30蚊10分鐘. 家希玩過1次, 已經識得撑握點控制隻艇
搵番自己個生肖「牛牛」, 影番張相先.
射熗贏番黎既竹青亭.
家希見親呢度電動車都要玩. 唉~~ 算啦, 今日兒童節, 就比佢開心吓.
滿足下佢揸車既慾望.
4輪車, 有埋跑道, 又係15分鐘. 家希就不停轉車.
尊心d 揸車好喎你.
最後一站, 食放題. 早一日BOOK, 仲有85拆, 計埋我地大人都係160蚊位咋.
呢間放題係正屋企樓下,
我地6大2細. Order 到成枱都係嘢.
火炙三文魚真係好好味.
佢地就o益左清酒同啤酒.
無人揸車, 可以安心咁飲lu.
沒有留言:
發佈留言