【3歲前大回顧】

【2 歲】
一日仲係Keep 住2-3餐奶, 既然佢仲係飲奶, 當然繼續 Keep 住啦.

片片仲未搣得甩, 不過當佢屎急尿急會向我地表達有吾吾, 比佢坐 Potty又唔肯.
閒時係婆婆家口不停咁食, 可能生活比較規律, 所以連吾吾都屙 2-3次, 相反黎到Mama屋企, 玩得顛, 太多嘢吸引佢, 搞到佢亂晒龍.

【元旦日‧舅侄生日】

元旦日. 老公一早就要去睇醫生, 咪又係感冒, 仲係咁咳.

抖左整個朝早, 晏晝出發.

帶埋婆婆家希去食火煱雪糕, 雖然貴左少少, 不過未食過, 試下, 大家又開心吓 !

家希居然對生果興趣大D 喎, 咁都好, 仲驚佢會狂食雪糕添.

不過話是話, D 雪糕真係好迷你囉, 一口可以食晒.

不過條友仔未開餐, 見到個火煱有蠟燭係個底度, 係咁吹呀吹.
叫佢唔好吹, 佢就尊登係我地不經意時, 再吹.

【脾氣】

呢個家希既脾氣越黎越難搞.

每當我地向佢訓話, 佢都會表現咁既樣, 合埋眼, 用手撳住耳仔. 明顯係向我地表示唔想聽唔想理.

之後會走埋一二邊唔望我地.

【我家聖誕樹】

咁多個節日, 聖誕節係Mama 我至鐘意一個, 特別有氣氛同開心既節日.
聖誕樹, 當然係聖誕節必備.

年年係舖頭見到, 都好想買.

今年終於買左喇~
呢棵樹連埋LED 燈同埋裝飾.

家希一返黎見到, 已經開心到不得了.

【學做 Cashier】

去完姑奶度, 又拎左堆玩具返黎. 家希總係幸福, 排行最細, 衫褲鞋襪玩具書本一一都接收.

收銀機, 其實 Mama 我都幾鐘意呢度玩意, 兒時無玩過丫嘛.
 

【戒片初體驗】

呢一個禮拜, 婆婆決定要同家希戒片片, 朝早家希屙左吾後就唔再著片, 不過婆婆做法, 唔會時不時問家希要唔要去, 只係隔中問吓, 大部份時間都等家希自己講急, 至拿拿林同佢除褲, 頭第1日, 好多時家希講都無講就賴左出黎, 第2日, 有好轉, 不過呢頭講, 個頭就屙左, 又要抺餐死, 所以婆婆話要手快喎.

呢個Weekend, 我都效應番婆婆同家希戒片, 由於 Mama我唔想抺餐死, 唯有煩d, 時不時都問家希有無尿尿. 仲時不時捉佢坐啖罐o薯, 最好笑, 家希會拍 Mama 我個咀, 話唔好o薯, 佢要自己o薯喎 !!

【初次 Salon 飛髮】

小朋友最易出汗, 就算我地覺得溫度啱啱好, 佢地都可以流晒大汗.
尢其瞓完覺, 成個頭都濕晒, 唔知仲以為乜洗頭黎咩 ?

家希既御用髮型師係婆婆. 閒時婆婆都只不過係修一修, 不過婆婆一直都提議要幫家希剷. 夏天喎~ 得佢無咁熱喎 !!

我又唔想家希個頭剷到一忽忽.

順便今日約我地既髮型師黎幫家希搞一搞.

估唔到家希唔駛我地抱住, 肯自己坐定定.