【脾氣】

呢個家希既脾氣越黎越難搞.

每當我地向佢訓話, 佢都會表現咁既樣, 合埋眼, 用手撳住耳仔. 明顯係向我地表示唔想聽唔想理.

之後會走埋一二邊唔望我地.

今次係因為佢賴左尿, 皆因瞓晏覺前, 已經三番四次叫佢去屙O署O署, 佢就死都唔肯去, 又係咁話無無無.
最後咪出事囉.

呢方面, Mama 我真係幾唔鐘意, 次次去街又好, 食嘢又好, 經過廁所都問佢有無, 見佢幾粒鐘都未屙, 又加上佢飲左好多水, 一定有, 佢就死都話無, NO. 耍晒手, 擰晒頭.

好啦, 真係當佢無, 遠離廁所又或去左搭車, 佢先至話要屙, 你話激唔激死.