【回顧10月份】

頻撲左成個9月, 踏入10月份, 總算安穩晒.  同時可以同表姊佢地聚一聚.
家希確係勁鐘意同表姊們玩.  睇佢地3表姊弟玩得幾咁癲. 玩千秋唔駛落公園,  係屋企玩仲勁加 High.
 

【久別大棠遊】

自從上年話政府收番大棠撻地, 我地都未去過.
原來只不過係收左一少部份.

所以趁今日, 涼涼地, 去一趟.

【入秋 の沙灘】

悠遊既星期六, 等Papa 放工, 去黃金嘆下午茶.

主要目的係, 嘆完Tea 過去沙灘舀下沙喎~

Papa 自創火山.

【重陽迪士尼遊】

相信今日係我地最後一次黎迪士尼,  我地張紅咭12月到期, 但呢2個月既平日都無機會再入黎.

重陽節, 居然我地地紅咭可以入黎, 撞正係假期, 預左人山人海架啦.

到到都排晒長龍, 無論係遊戲又或都影相, 都一樣.

一心想趁 Halloween, 可以同d 特別版既公仔人物影下相,  一係就大排長龍, 再唔係一埋去就截人, 真係好掃興囉.

途經灰熊山谷,  總算可以同d 公仔影下相啦. 好過無.

【學校Open Day】

今日家希間學校 Open Day, 見無乜節目, 一於返學校睇下有咩玩.

一早食完個早餐再去Bank 搞埋d 私人嘢, 差唔到中午, 就過去學校睇下咩環境.

 

哇~ 估唔到佢地Open Day 有咁多遊戲玩.

又有水玩, 又有畫畫.

 

我地足足玩左3粒鐘. 勁~

【初次摸蜆記】

好都無郊遊喇, 突然心血來潮, 學人去摸蜆又親親大自然.

今次我地揀左東涌, 係逸東邨附近個灘. 泊低架車行一陣就到, 景又靚.

我都醒, 之前做定 Re-seach, 準備好工具, 踢晒拖去. 仲帶定後備衫, 污濁都可以換嘛.

呢度全係泥灘, 用寸步難行黎形容就最貼切.

踢拖可能係錯既選擇, 應該要著水鞋至啱.

一踩落d 泥度, 完全係啜實左對拖, 又驚大力扯會扯鬼爛我對拖. 真係苦惱.

 

赤腳行一定易更多, 但又驚唔小心踩到尖銳既殼.

【整餅樂】

忙左成個9月開學月,  佢地幾表姊弟又可以見面.

 

玩千秋唔一定落公園, 係屋企整左呢個千秋真係令佢地班細路High 爆,

 

又到佢地阿茂整餅, 表姊們準備晒材料, 一於整曲奇.

估唔到原來曲奇係咁易整架喎, 只係搓幾搓, 根住吱你想咩既形狀就得.

再用焗爐焗佢前後40分鐘, 就完成.

【小肌肉+ 左右腦 の 訓練 】

上左K1,  最基本係要點樣執筆.

對佢地黎講, 要揸好支筆都有d 難.

而我搞下小小訓練, 整左一疊A4 Size既格仔紙.

等佢家cup 下印仔,  對家希黎講, 不知幾咁鐘意,  可能cup 印仔佢覺得似玩啦.

又可以娛樂又可以練下小肌肉.