【新竇๑開始】

終於有屬於自己個竇, 雖然個竇好細, 但起碼唔駛每個月捱貴租. 成6千蚊既租金, 真係每個月流住血比囉.

不過要由大屋搬細屋, 真係有好多嘢煩.

由03年同老公搬左出黎住,直至而家都成 8年喇~ 計計埋埋d 租金都可以自己供層樓, 之不過無首期囉.

黎緊既日子, 就要煩搞間屋, 又要裝修, 而家D傢俬起碼有一大部份唔要, 由於間屋好細, 仲要塞我地3個大人 + 一個BB, 其實淨係我地2公婆+家希都OK, 之但係又要有人湊家希. 唉~

第時仲要大家你眼望我眼, 以前就話唔鐘意咪閂埋房門, 而家邊鬼匿埋.

如果家希快d可以入學就好, 放係學校等我收工再接番, 咪幾好...

呢度得個2個幾尺, 講真2大1細都可以接受.

【1001 Baby Birthday Party】

經舊同事介紹, 帶家希Join bb care搞既 ❶歲生日會. 又係類似 Playgroup gum 咁.

 

今次比上次試玩堂多人好多. 場會震撼, 由3點半至5點, 玩成個幾鐘. 好彩家希無怕生保而扭計咋 ! 可以鬆一口氣 !

好多bb仲已經識行添..不過家希仲未得囉....

 

每次講師講嘢, 呢個家希梗係好似好留心聽人地講嘢, 查實你係咪明人地講乜架?

 

【年年今日之感觸】

今日係爸爸新曆死忌.

突然心血來潮, 想回顧番由畢業離開讀書生涯直而家間發生所有事……

畢業後第一份工, Sogo past time sales 維持左半年,斷斷續續工作, 好討厭. 終於經Agent 搵到份 Full time Shipping, 但青衣返工, 好彩有公司車接送.

4年後被收購, 幸運地轉去大公司, 6年後公司要北移, 再一次幸運地轉部門直至而家, 年尾就10年喇 !

前度BF, 相識由ICQ起, 仲咁啱係住樓上樓下, 由佢一無所有直至同左我一齊, 順利投考差佬, 4年感情, 最終都係完結, 個陣覺得分手好痛.

【2010之大事回顧】

終於有時間回顧番 2010........

2010年我地小寶貝出世喇~ 真正嘗試過生仔既感受. 從未試過咁辛苦. 湊B日子真係好好好辛苦, 但睇住佢一日一日咁大, 睇住佢學識唔同嘢, 覺得好滿足好開心. 從此2人行變成3人行.

由一個唔鐘小朋友既人, 變成愛上, 又一個唔落廚既人, 變成倒塔起身準備, 又一個新手mama, 變成可以照顧起居飲食. 由一個妝不離臉, 變成睇情況可以素顏, 不過由一個EQ勁低既人, 仍未感到EQ高喎, 哈哈 !!  

【生日快樂 @ 1 歲生晨】

1.12............家希已經1 歲喇~ 時間好似眨吓眼咁禮拜日搞左個小型生日會, 簡簡單單o益左家姐細妹上黎order Pizza,KFC 返黎食, 因為舅父仔業餘係整蛋糕, 而家 order多左, 所以我都早成半個月叫定舅父仔整左個3D蛋糕賀家希1歲生晨, 祝家希快高長大, 健健康康, 聽聽話話, 唔好咁激心就得架啦同埋做個有用既人.

個蛋糕真係好靚...舅父仔手工真一流!

【半歲後1歲前大回顧】

【BB ♥ Lai @ 7  Month】
吽左幾個月牙仔, 終於見到個窿, 完全好似d人 mook 完牙, 淨番個窿咁. 好奇妙呀 !!

【辛苦 Mama 】

禮拜六家希第一次嘔 (唔計嘔奶), 足足嘔左成碗粥, 搞到成身都係.....

 

之後直至今日, 連繼發燒, 又升又降, 最高可以去到39幾.

【 Happy New Year 2011】

唔話咁快就 2011年 ~

仲好記得上年今日, 好心急等家希出世. 如今...家希都就快1 歲 lu.

 

又係返半日就收工返屋企, 帶埋家希遊車河送婆婆返屋企.

途經科學園, 有個巨蛋, 好靚丫 !!