【年年今日之感觸】

今日係爸爸新曆死忌.

突然心血來潮, 想回顧番由畢業離開讀書生涯直而家間發生所有事……

畢業後第一份工, Sogo past time sales 維持左半年,斷斷續續工作, 好討厭. 終於經Agent 搵到份 Full time Shipping, 但青衣返工, 好彩有公司車接送.

4年後被收購, 幸運地轉去大公司, 6年後公司要北移, 再一次幸運地轉部門直至而家, 年尾就10年喇 !

前度BF, 相識由ICQ起, 仲咁啱係住樓上樓下, 由佢一無所有直至同左我一齊, 順利投考差佬, 4年感情, 最終都係完結, 個陣覺得分手好痛. 失戀3個月, 麻目再拍拖, 1個月就散, 好彩甩得快, 估計佢想呃我錢, 雖然我無錢… 再過2個月, 經朋友介紹就識左而家個老公. 而我又係一個唔黐家既人, 好快就搬左出去住.,仲要山長水遠住新界. 2人5貓生活.

4年後結婚, 從無打算要小朋友. 因為大家唔鐘意. 街頭見到,會街尾調頭走. 所以第一個就放棄左.

經過爸爸離開, 身邊朋友開始有小朋友, 我既想法就改變, 婚後2年, 家希就出現了….可惜係…公公見唔到呢個孫 !!

爸爸離去直至而家最遺憾係, 無帶過佢去旅行, 後悔當年Honeymoon拒絕爸爸媽媽跟隨. 時光可以倒流嗎 ?

爸爸經過1年既病魔纏繞, 我嘗試過第一次打 999, 第一次坐白車, 第一次去殮房, 第一次帶考, 第一次拜山.