【初次 Salon 飛髮】

小朋友最易出汗, 就算我地覺得溫度啱啱好, 佢地都可以流晒大汗.
尢其瞓完覺, 成個頭都濕晒, 唔知仲以為乜洗頭黎咩 ?

家希既御用髮型師係婆婆. 閒時婆婆都只不過係修一修, 不過婆婆一直都提議要幫家希剷. 夏天喎~ 得佢無咁熱喎 !!

我又唔想家希個頭剷到一忽忽.

順便今日約我地既髮型師黎幫家希搞一搞.

估唔到家希唔駛我地抱住, 肯自己坐定定.

【郊遊 の 迪欣湖】

辰咁早, 收到朋友既 Whatapp, 提議去郊遊 - 地點: 迪欣湖 ! 多雲o牛雨天, 無乜風, 熱就熱左少少, 但起碼無曬到豬頭咁啦 !!

之前黎左幾次, 唔覺有呢個水池, 好多人都尊誠帶小朋友黎呢度玩水.
起初仲好斯文咁掂吓D 水.

【病得攞命】

 

由陀B到而家, 今舖真係病得重.

咪話我僥張, 一向公司四週呢個病完到果個, 空調環境, 細菌周圍傳. 我一一都可以捱得住. 梗係要抵抗力好啦.

仲要係放假前開始病, 真掃慶不得止. 病前己有先兆, 連續2日食完老麥就KFC, 抵抗力下降. 怪不得捱唔住啦, 一日最衰都係自己, 食乜鬼咁熱氣既嘢啦.今舖清晒我袋.

【Day 1 - 3 の HⒶPPY Eaⓢter】

【Day 1】
由病假計起, 一連8日假,湊埋家希返黎渡假, 開心屎呢個傻仔.

復活節既第一日, 成朝陰陰天, 老公提議去歷史博物館.入場10蚊, 有2層, 值得一去.

準備踏入4千年前既地球喇!

【新界西北遊@清明節】

由於Mama 病, 原定收工湊家希放復活假要延期一日.

休息左一日, 終於精神晒, 今朝辰早去婆婆度, 順便拜埋老豆.

中午出發去玩喇~

老公提議去錦田, 我提議叫埋姑奶, 多d人一齊玩開心d.

呢度都幾僻吓, 如果唔係揸車都幾唔方便, 又係唔駛入場費, 自由出入, 一樣有得燒烤, 但我地選擇周圍行吓玩吓.

呢個係士多卑利園, 不過勁少士多卑利囉. 佢勝在唔駛比入場費都可以入園, 當然要自律, 未比錢就唔好紮啦.
家希鬼鬼鼠鼠, 皆因佢搣人地D葉囉.