【4歲 Happy Birthday】

 嘩！真係眨下眼，呢個小豆釘就4歲.

呢4年, 好多野都轉變左好多, 真係有血有淚.

4年前既今日, 家希出世個刻,我望住佢個樣直至而家我仲好深刻.

【生日快樂 @ 3 歲生晨】

Woww~~ 3 歲喇 !! 眨下眼, 就3歲, 呢隻馬騮已經唔再係BB, 確確實實係一個細路.
自2歲半識講嘢後, 把口真係唔停架, 嘈嘈閉, 乜鬼嘢都關佢事. 八掛公一名.

駁咀雖然未真正識, 不過佢好多時用番平時聽到我地講既嘢, 運用番出黎講, 有陣時, 真係 O 晒咀囉.

扭計指數都係一樣咁高, 越叫佢唔好做, 佢梗係偏要做, 好似全心同你作對咁.

對住呢條友仔, 真係死左好多細胞.

家希總係令我EQ無法上升, 原本唸住正日忍下口, 最終都係要比我鬧至安樂.

【元旦日‧舅侄生日】

元旦日. 老公一早就要去睇醫生, 咪又係感冒, 仲係咁咳.

抖左整個朝早, 晏晝出發.

帶埋婆婆家希去食火煱雪糕, 雖然貴左少少, 不過未食過, 試下, 大家又開心吓 !

家希居然對生果興趣大D 喎, 咁都好, 仲驚佢會狂食雪糕添.

不過話是話, D 雪糕真係好迷你囉, 一口可以食晒.

不過條友仔未開餐, 見到個火煱有蠟燭係個底度, 係咁吹呀吹.
叫佢唔好吹, 佢就尊登係我地不經意時, 再吹.

【生日快樂 @ 2 歲生晨】

記得上年家希1歲, 我地只係叫左姑奶姑仔同Mama 個Best Fd 黎屋企開個小型生日會.
今年家希 2 歲, 識行識走, 決定去 M記搞生日會.

由於家希正日生日係响閒日, 所以我地預早响星期六度搞.

諗左好耐, 要係美心同聖安娜做決擇, 決定用晒餅咭+錢訂美心.

2磅應該夠食.

【生日快樂 @ 1 歲生晨】

1.12............家希已經1 歲喇~ 時間好似眨吓眼咁禮拜日搞左個小型生日會, 簡簡單單o益左家姐細妹上黎order Pizza,KFC 返黎食, 因為舅父仔業餘係整蛋糕, 而家 order多左, 所以我都早成半個月叫定舅父仔整左個3D蛋糕賀家希1歲生晨, 祝家希快高長大, 健健康康, 聽聽話話, 唔好咁激心就得架啦同埋做個有用既人.

個蛋糕真係好靚...舅父仔手工真一流!

【BB ♥ Lai 生產過程 】

抖左幾日, 終於可以寫低生 B 既過程.

 

呢個過程真係好辛苦好難忘 !!

 

12號朝, 疊埋深水入院摧生, 奇怪成晚個肚既宮縮情況反而少左.

 

朝早6點去廁所, 嚇見見紅, 一D痛都無, 準備沖涼洗頭落街食餐入院, 不過今朝係最凍既1朝.

 

9點前入院搞手續, 9點9產前病房醫生檢查後, 原本係見紅變見血囉, 仲話等聽朝塞藥,  心諗唔係嘛, 仲要等 ?  

 

又唔知點解10點就推我去產房人工穿水.

 

產房地方真係好得人驚. 好多呻吟聲.