二月初，即興想去大阪遊。
由於家希上左小學，請假無幼稚園咁易，又要追考試又要備課，左度右度，都係得暑期最啱時候。
拿拿林又睇下HK Exp咩價位，２大１小無餐計埋行李費及劃位都要萬三蚊，實在太唔抵～
最後無意睇到HK Airline，包餐包行李都只不過係HK$7XXX喎！ 不過時間無咁靚，去程17:00 回程23:00，老公話啱晒喎，可以做完嘢至去機埸。由於無左第１日，所以決定要去６日。
搞好晒機票，酒店又左睇右睇，都唔知邊間打邊間。亂打亂撞揀左Red Roof Plus。係前日千線，後面就係道地堀。查實我都唔知邊頭，只知近心齋橋囉。不包早住五晚合共HK$5XXX。
朋友介紹用Agoda訂酒店，可以臨出發前幾日先過數，咁呢段時間想改變主意都唔怕啦。
出發日，老公做埋嘢，我地一喼二喼揸車入機場泊６日，加了價, 要HK$7XX。
提早 Checkin，唸住入禁區至衣肚，原來入面人山人海，想搵個位都幾咁難。最後決定去埋閘口附近搵食，點計都應該易搵位。
17:00 On Board，突然又改閘口，明明前一秒係去 Osaka，而家變左去台北。
告示版出了新閘口，得知班機要 Delay，仲要一 De完又De．最後要18:00才順便起飛。
飛左個幾鐘，遠處唔知邊度，仲日落緊！
原定 22:00 到達，因Delay導致23:00才到達，要趕尾班 23:55機鐵，所以一到步，要標快速度行，過關再等行李，最後 23:45成功到達月台，真係一額汗！！
近１小時車程，佢倆父子已經眠了。
第一次自由行，到達當地係半夜時份，真係搵路較難。 最後靠 Google Map，
夜機關係，一早 E-mail 比酒店講定會半夜才Check-in，所以一入到 Receiption時，我既資料一早已經 Ready左。
酒店還送了這個暖水杯給我們。
呢間房就係一連住５晚。木地版，我鐘意，感覺比地毯乾淨Ｄ。
由於睇過好多酒店床單都無人換，搞到我都驚驚，自備床單兼枕頭套。瞓番自己個Ｄ，個心都舒服Ｄ。
廁所同沐浴間係分開，咁就正啦，唔洗爭。
已經半夜１點時份，酒店樓下係７仔，超方便。老公去執左ｄ小食黎衣肚。好好味既飯團！
沒有留言:
發佈留言