【聖誕 2010】

【平安夜2010】

今年平安夜唔諗住出街 Lu, 人太多, 諗番起早幾年, 我地倆公婆出去趁熱鬧, 淨係响尖咀搭船去中環都用左2個鐘, 諗番起真係好似受苦多過享樂.

 

而家仲有埋家希, 梗係唔駛諗. 大人捱到苦, 小朋友又點會捱到呀.

 

所以決定邊到都唔去, 留係屋企睇電視.

 

早收工, 經過屋企樓下, 買左份聖誕禮物比老公, 好似已經好多年都無咁過呢個驚喜Lu. 哈哈~

 

返到屋企, 婆婆終於可以放假喇~ 呢個家希無聊極點, 拎住個水樽都可以玩餐飽. 係咁用手指整個奶咀. 好肉酸呀 !!!

【公司平安日】

平安日, 公司放半Day, 原本係開心事. 點知一早返去......壞機 !!! 真係大事不宜, 臨收工至work 番, 頂~~
做到趕頭趕命既時候, 估唔到公司派X'mas gift. Sogo 萬寧各 1佰蚊Coupon.

最後同同事換左張Sogo返黎, 咁就可以買化妝品喇~

【家希&貓近距離】

天寒地涷, 貓貓至愛抱埋一二舊, 三隻貓迫埋一個兜取暖, 會唔會迫得沛呢 ? 我怕個兜會爆囉. Carpet 仍舊最愛自己一個匿埋.

【試堂@My Kiddy Gym】

終於抽到時間帶家希去試玩Playgroup. 試玩堂係free 架 !!! ((多謝blog友介紹))不過要過海就麻煩 d, 泊車貴丫嘛 ~

之前一直都擔心家希況態, touchwood !! 好合作無扭計, 仲玩得好開心.

未人齊, 可以比家希係場d warm up 吓先, 睇佢就知道, 好好玩啦 !!!

【忟薑 の 迪欣青衣城遊】

由於婆婆有d事, 要星期一晚至可以返黎, 所以難得成個 Sunny唔駛撲, 我地又出發去影相.

今日行程 : 青衣城泊車轉港鐡去迪欣湖.

Hea 到2點餵飽家希就出發, 泊低架車去搭港鐡, 啱啱 miss 左架車, 要等10分鐘. 家希一放入BB車已經唔制, 又o益又叫, 嘈不停, 諗住分散佢注意, 點知唔 work, 最後無法一定要抱, 激死 !!

明明臨出門口先食過粥仔, 無理由得個個幾鐘就肚餓咯. 點知拎支奶出黎, 又真係要飲喎. 個陣係3點3. 唔通係Tea Time ?

搞到入到迪迪尼車箱都影唔到相, 個衰豬仲飲緊奶. 真掃慶 !!!!

唯有係月台影啦. 飲完奶又真係心情好番d 喎.\

【3rd Wedding ♥ Anniversary 】

1201 係我地 3 週年 Wedding Anniversary

記得第1年因為公司有 free ticker, 所以拎左半day leave 入去迪迪尼, 第2年都已經唔記得左lu…哈哈 !

今年安排左一齊去salon 剪頭髮再去扒皇度据扒. 入到去, 簡直以為自己包左場, 全場得我地一paris. 可想而之佢地有幾得閒啦, 上菜都快過人.

我order 左個鐵板牛柳, 難得去扒皇, 梗要据扒啦…

【愛貓貓】

相信每一個小朋友都好鐘意寵物, 相反寵物就好驚小朋友 Lu.

究竟有d 乜嘢令家希睇得咁入神, 眼都唔眨?

【生病了】

忙左幾日, 繼煩家事同時家希又病倒了~~~

 

自家希3個禮拜大時睇過醫生後, 直至而家真真正正生病.....

無拿拿發起燒, 仲諗住退左燒就安樂喇~

點知兩堂鼻涕不停流加埋咳 !

 

而家幫佢抺, 又唔比我抺, 唔知係咪痛痛哩 ? 梗係啦, 佢成日自己卒, 又唔就力, 實比佢自己卒損左都似. 但唔抺, D 鼻涕乾左痴住咪仲辛苦.

 

呢2個佢脾氣好差, 成日都好忟, 我估佢梗係覺得個鼻好唔舒服, 所以成係咁周圍打. 同時比我發現佢第3 & 第4隻牙仔已經標緊出黎啦.....

【Mid Autumn @ 2010】

今年係家希第一年過中秋, 可惜天宮不做美, 原本打算帶家希去公園逛吓, 感受一吓氣氛, 最後都留左係屋企, 簡簡單單咁渡過.

第一年過梗係買番個燈籠仔, 不過家希好似唔多鐘意咁囉. 望都唔望 ! 唯有等出年家希大過仔自己去揀番個.

【乙型肝炎 + 四合1 + 肺炎鏈球 の第3針】

又到打針既日子, 今次揀左 Saturday, 仲要晨咁早 9 點, 家希起身都成 8 點, 搞得呢樣個樣, 最後遲到 45 min, 仲比姑娘話....遲到要再約過, 好彩 10點半有位比我攝, 下次都係揀番 Friday既晏晝, 時間容易 D就.

 

去到健康院, 婆婆又同其它Mama吹水, 問吓人地個 B幾大, 雞啄唔斷. 其它6個幾月既B, 真係大件好多. 好聚手, 人地既B撩家希玩, 唔知係咪眼瞓, 唔睬人不得止, 仲發老皮.

6個月多D得7.49kg, 即係16.4磅, 係mama心中, 家希仲係好奀, 護士長就話跟家希出世至今屬正常. 一定要分 Size, 就屬中型偏瘦.

 

都係個句, 最緊要食得瞓得同玩得. 個個BB發展都唔同.

身長 70cm 頭圍 45cm

 

做左少少 Test, 比件玩具家希, 但佢淨係用單手渣住, 仲要唔多想渣個隻, 平時响屋企嘈嘈閉既表演完全收埋, 所以9個月大要再黎多次, 咁都好, 可以磅吓幾重, 哈哈 ~

 

入房打針, 呢個家希好似知發生咩事咁, 婆婆話佢成個人彊硬晒, 拮落去第一支針已經標晒眼淚, 再拮多2支, 唔駛講, 梗係喊到拆天加上扭眼瞓, 抱左陣就瞓著左.

 

今呢3支針, 唔駛係咪勁得沛, 家希前後發左 3次燒.

 

 

【B．貓相遇】

終於有時間, 可以帶家希見吓d貓貓, 自己湊住呢個家希, 真係少左時間搞貓貓地, 確實令佢地唔多開心. 唯有隔中拎罐頭氹吓佢地.

 

每次貓貓地都會由房偷望出黎, 好想知道除左貓房外, 其它係D咩世界, 無奈...我仲未可以比貓貓地周屋走.

 

第一次帶家希入貓房, 之前試過係房門昅過幾次, 不過無咩反應, 可能家希仲細未睇得真.

【BB ♥ Lai @ 6 Month】

話咁快家希就 6 個月大, 即半歲喇 ~

仲記得初初湊住呢個家希, 真係好辛苦, 24小時stand by, 不眠不休, 湊一個 Baby真係唔易 !

 

家希而家可以食晒成1碗粥仔, 每日keep 住有 4餐 180ml 奶奶 + 蕉仔, 日日有吾吾, 非常good !

【半歲前大回顧】

【BB ♥ Lai @ 0 Month】
出院第二日, 第一次同家希沖涼.


12 朝家希仍然最愛瞓覺.



【BB ♥ Lai @ 1 Month】
1個月, 表情多多


1個半月, 大件左好多.


【BB ♥ Lai @ 2 Month】

家希2個月, 已經比1個月前梗硬淨. 仲識好多嘢添 !! 
 

片片濕左識得話我地知, 又識得用口推開個奶樽, 有陣時仲懶得推開, 照擘大個口, 唔啜, 由得D 奶奶 or 水水係口邊流走.

瞓覺前要人抱抱至乖乖入睡. 閒時無嘢做, 都要有人坐係佢視線範圍, 如果唔係會大叫.

仲識得望公仔添 ~ 

【黎papa の 父親節'2010】

老公第1次過佢第1年既父親節, 唔知感覺如何呢 ?

家希既公公離開左我地都有成年半, Mama 我仲不忘一定要返娘家上注香.

將來一定會同家希B講多D公公以前對Mama好好既事.

第1年既父親節, 無特別慶祝, 只係叫老公同家希影番張合照當為記念.

【一撻撻紅 】

都唔知搞乜鬼, 梗係日日有新鮮, 早前煩緊吾吾, 之後為轉奶粉煩惱, 然後pat pat 罅 keep 住紅既問題. 而家又到塊面喇~

 

家希咀仔四邊, 搞乜嘢, 一撻撻紅, 成個烏咀狗. 好樣衰 !!

又似癬又似敏感, 頸仔摺住又有一撻, 耳仔邊又有, 連膝頭罅都有, 鞋鞋 + 有少少甩皮, 究竟係乜傢伙. 背脊腰位又有紅點, 係咪轉用左 Huggies, 太高身, 焗住條腰呢 ? 但係都用到最後2塊喎......而家至有問題 ??

【四合1 + 肺炎鏈球 の第2針】

4個月多D, 家希又要到健康院左右肶捱 2 針.

頭圍 42cm, 身長 66cm, 體重 6.62 (14.5磅), 頭仔大左2cm, 身都長左 6cm, 但我覺得個體重較輕左. 

 

今次呢個姑娘, 個人應為, 學我老細話齋, 可以再做好D. 態度唔係差, 只係唔 Nice 囉, 問多句都好似唔多想咁.

 

循例都係問我有無咩想問, 我梗係想問吾吾呢個問題. 答案都係一樣, "只要吾吾係軟身" 2日1次都無問題. 

 

不過比佢話我沖奶既方法唔啱 !!  一向沖奶, 我都會另多加 10ml 水, 姑娘話咁樣唔得, 一定要跟足份量. 又話餐與餐比水BB飲, 唔好多, 只係濕吓口就好.  

【Mother Day 2010】

終於有時間 Update Mother Day. 

好耐都無一家人一齊 Dinner, 今次多左家希, 可惜公公唔係度.

帶住 BB, 所以唔去得遠, 去左附近既 "香辣屋". 可惜碟碟唔掂. 上菜慢到爆, 服務又差. 究竟佢同外面個D 係咪同一間集團架 ?

細佬比媽咪既意外Surprise ~ D.I.Y. 榴槤蛋糕 ! 味道唔係榴槤味, 食落都唔錯.

餐廳附送香檳 1 支 !

【2010 母親節の禮物 】

亞媽幫我湊家希, 確係辛苦. 話晒5十幾歲, 周身骨痛, 所以成日都係度埋怨 + 難聽既說話. 老公話佢都係發洩啫.

母親就黎, 原本打算買部 3G手電送比佢. 又可以等我平時返工視像見吓家希. 後來同事講開按摩機, 而我亞媽每日都要按, 老人家...骨質疏鬆呱.

OTO 呢部揼揼鬆, 同事讚好 !

同老公商議後, 按摩機實際D.

 

【第一次作品】

一向都覺得媽咪整既泰式鳳爪好好味, 所以拎返公司同同事Share.

 

趁禮拜六, 同事拜訪, 買 2磅雞腳, 平時都係坐埋一二邊睇, 今次自己試吓落手做.

【100 Day】

4 の 22, 家希 100日大.

 

心血來潮, 想買左 Cake , 但美❤ 聖記至少要 2磅, 我地 3個人又點會食得晒. 諗起細佬而家搞緊幫人整 3D Cake, 前1晚拿拿林打比佢, 搵佢幫手, 整個半磅 Cake.  好開心可以趕得切正日攞番返屋影相相 + 切蛋糕.

 

祝家希快高長大, 身體健康 !

【第一次發燒】

一直都擔心四合一 + 肺炎鏈球菌既副作用, 最唔想既事真係發生 !

 

由尋晚起, 家希已經無晒胃口, 原本 6安奶變成 4 安, 其中有餐仲飲得 1 – 2 安添 ! 

 

臨瞓前用奶樽餵開退燒水餵佢飲, 好彩家希都肯飲, 可能味道溝淡左.  之後半夜頻頻起身比家希飲水水 + 探熱 ! 成晚 Keep 住 37.1 - 37.5

 

今朝最高去到 38.2, 試用針筒餵餵退燒水, 係咪太 "結", 佢係咁哇番出黎, 最後仲連d奶都嘔埋. 搞到雞手鴨腳 ! 

呢隻寶貝豬成個樣 down 晒, 心痛死 !  拿拿林幫佢貼退熱貼, 好似無乜料到. (唔知係咪我無雪响雪櫃呢 ?) 

【四合1 + 肺炎鏈球 の第1針】

2個半月既家希, 頭圍有 40.2cm, 身長 60cm, 體重 5.72 (12.5磅), 姑娘話屬中型 BB, 成長得唔錯 !  計起上黎, 2 個幾月已經比出世重左 4磅 8 喇 !

 

見完姑娘就準備帶家希到隔壁房打四合1 + 肺炎鏈球疫苗第 1 針!  一次過要打2支係各左右肶度.

 

上次因為掛住影相, 今次真真正正睇住家希比姑娘桔完左邊再桔右邊, 睇見家希捱左第1針時, 個樣又白變紅, 喊得好痛咁, 條氣都未順就要捱多針, 嘩~ 個o下個心真係有D up up 地, 好陰公!!! 

 

好彩係我亞媽抱住, 幫家希禁實, 所以佢淨係喊左幾下就收聲, 跟住只係嗚嗚嗚聲咁叫....好似想話比我地知, 嗚嗚...好痛好痛...嗚嗚 !

【元宵佳節拆利是 @ 2010】

拆...拆...拆...

哇~ 呢堆係家希今年逗既利是, 雖然唔算好多, 但家希第一次收利是, 等媽媽幫家希儲起去!

第時留比家希讀書用. 哈哈 !!!

【媽媽VS家希の大比評】

望住呢個仔, 每日都好開心好滿足. 摷番自己童年照, 同家希B有幾分相似咁喎, 都話家希似媽媽多過Papa 啦.

 

今日同家希著2件頭, 即刻變左大個仔.

【乙型肝炎第 2 針+ 辦妥出世紙】

湊 BB ♥ Lai 終於有佢既名字 lu ~ ※※ 黎家希 ※※

 

呢個名係佢 Papa 改, 意思係我地黎家既希望.

由於中午要去健康院打針, 又要同 BB沖涼, 所以辦理出世紙既任務交由老公負責.

【BB ♥ Lai 滿月】

 

終於到滿月既日子, 同時我唔駛再閉關又可以光明正大用花灑沖涼洗頭 Lu.

媽媽整左堆紅雞蛋.

【BB ♥ Lai 滿月前回顧】

BB ♥ Lai出世已 1 個禮拜, 湊B 日子真係好辛苦, 每日淨係餵奶換片掃風沖涼, 基本上所有時間都放晒係BB 度.

 

仲要有2粒痣倉跟埋 BB ♥ Lai 出現, 搞到心情好差, 好痛好痛.又去唔到廁所.

 

今日終於好番 D, 有番少少精神, 終於可以上一陣網 Relex 吓.

盡量每 Day 都會幫 BB 影相, 第時可以整番個相冊.

 

2 個禮拜既湊B 生涯, 比起初初已經習慣左好多, 至少粒痣蒼好番, 可以正式投入湊B 日子.

由初初 2 個鐘到而家可以 3 個鐘至餵一次奶, 起碼我可以有 2 個鐘休息時候.

【公司's Gift】

由於 BB ♥ Lai 過期居留 6 Day, 原本放前 2 後 8 既我, 仲要再放多 6 Day 至可以返工.

尋日終於同 HR 個邊傾好個 6 Day 用 No pay 定 A/L, 最後可以比我用 A/L 代替, 仲要著情地計 Working Day, 即係扣我 4 Day A/L 就得.

原本話送花籃, 點知變左生果籃 !

【新手媽媽の擔心】

湊 B 湊到變問題媽媽, 成日都擔心呢樣個樣.

BB喊, 通常夠鐘飲奶, 不過點解一時可以4個鐘一時就2個鐘, 咁飄忽架. 食得咁密有無影響 ?

飲完奶奶, 掃勁風都無, 見佢頭仰仰又 "蚊增" 既樣. 好似好辛苦. 一時飲完奶就乖乖瞓覺覺豬, 仲要好冧添, 一時就眼光光等天光, 唔知發生咩事.究竟仲有咩未做 ?

背脊出汗, 連床單都濕透, 熱得咁厲害 ? 但手仔腳仔又冷冰冰喎 !! 究竟點好 ?

打乞嗤 , 唔通冷親, 亦或有塵 ? 拿拿林開部空間清新機, 再抺地抺地 !

【BB ♥ Lai 生產過程 】

抖左幾日, 終於可以寫低生 B 既過程.

 

呢個過程真係好辛苦好難忘 !!

 

12號朝, 疊埋深水入院摧生, 奇怪成晚個肚既宮縮情況反而少左.

 

朝早6點去廁所, 嚇見見紅, 一D痛都無, 準備沖涼洗頭落街食餐入院, 不過今朝係最凍既1朝.

 

9點前入院搞手續, 9點9產前病房醫生檢查後, 原本係見紅變見血囉, 仲話等聽朝塞藥,  心諗唔係嘛, 仲要等 ?  

 

又唔知點解10點就推我去產房人工穿水.

 

產房地方真係好得人驚. 好多呻吟聲.

【2009年大事回顧】

眨o下眼又一年喇~ 又係時候回顧番呢個 2009 年 !

===January===
抗戰左 6 個月, 1．14, 爸爸終離我地而去 ! 同時同姓 "林" 呢家人姻斷義絶. 再無親戚做. 過左一個平淡既農曆新年. 煲Facebook game 熱潮慶起.

===February===
終於等到上山日子, 一切己完 !! 公司再度 Cut 人, 同組5位同事月尾 Lay Out. 老友Ling懷有 3個月既喜訊.

===March===
裁員風仍未停, Damco 一口氣裁減十幾人. 飲中藥調理身體, 為新生命作準備 !