【忟薑 の 迪欣青衣城遊】

由於婆婆有d事, 要星期一晚至可以返黎, 所以難得成個 Sunny唔駛撲, 我地又出發去影相.

今日行程 : 青衣城泊車轉港鐡去迪欣湖.

Hea 到2點餵飽家希就出發, 泊低架車去搭港鐡, 啱啱 miss 左架車, 要等10分鐘. 家希一放入BB車已經唔制, 又o益又叫, 嘈不停, 諗住分散佢注意, 點知唔 work, 最後無法一定要抱, 激死 !!

明明臨出門口先食過粥仔, 無理由得個個幾鐘就肚餓咯. 點知拎支奶出黎, 又真係要飲喎. 個陣係3點3. 唔通係Tea Time ?

搞到入到迪迪尼車箱都影唔到相, 個衰豬仲飲緊奶. 真掃慶 !!!!

唯有係月台影啦. 飲完奶又真係心情好番d 喎.\

話口未完, 一放落車, 又開始發爛, 睇佢個衰樣, 個刻我差d 著火.

今日唔入迪迪尼, 而去迪欣湖, 用4min 打斜繞開停車場, 再行多十幾分鐘至到. 沿途條友仔唔肯坐車仔, 我對手就黎斷, 行到一半路, 老公先至拎揹帶出黎, 頂 ~

你睇佢個樣, 幾 Happy~ 就知到佢既奸計得逞.

終於到達迪欣湖.好彩我地無渣車黎, 睇見條等車龍, 長到繞左成個圈.



呢個所謂噴得好高既水池, 都唔覺得有咩特別. 由於家希全程唔多合作, 根本好難影到張似樣既相.




又係度扮無辜既樣. 唔知好嬲定好笑.

 

最後行左一半就撇, 臨尾仲諗住影多張相, 哎呀~ 家希又再一次扭計, 激屎人啦...火火地唔鬼影, 返屋企啦 ! 好明顯我已經比家希搞到無晒Mood.

去番車站, 原來家希扭眼瞓, 就咁.................瞓得幾冧.

希望出年入迪迪尼既時候, 家希聽聽話話就好 Lu.

搭番港鐡去青衣城, 全程家希都無醒, 睇黎佢真係好攰咁喎, 不過我覺得我地對手同個膀頭攰d 囉.


啱啱瞓醒, 好似幾精神咁喎.
 

 

唔知有d乜嘢, 令家希定晒神 ! o益極佢望鏡頭都一於少理.