【家希&貓近距離】

天寒地涷, 貓貓至愛抱埋一二舊, 三隻貓迫埋一個兜取暖, 會唔會迫得沛呢 ? 我怕個兜會爆囉. Carpet 仍舊最愛自己一個匿埋.

睇貓貓又點少得家希份, 今次係大膽之作, 家希近距離同貓貓一齊係地度爬.平時坐住戰車, 近極都有架車護住.

 

 Carpet 見到小主人. 仍然係想過黎索索, 嘩~~ 家希與貓相距1尺都無.

 

老公仲捉住家希去摸仔仔, 睇見仔仔係咁避係咁縮, 就知道嚇到鼻哥窿都無肉啦...

 

不過自從呢次咁近距離, 家希又愛又驚. 次次見到d 貓都尖叫不得止, 仲係咁捉住我地要籃, 真係比佢激死, 驚又要睇, 睇又要驚 !!