【鐵板燒】

連續2日都黎荷里活, 其中原因ID Number 度有2013其中一個數字就可以泊車免費3粒鐘.

原來呢度都有我地平時食過個間鉄板燒喎, 以後唔駛山長水遠入東涌食喇!

最正係會响你面前燒, 套餐最平果個都係48蚊, 真係幾抵食吓.

我地Order 2個Set, 3人食. 唔記得提個師傅唔好落黑椒添, 搞到家希狂o益住辣.

淨係食配菜都津津有味.
(其實影呢張相既時候, 係Mama 我要走去隔離座住, o益家希自己夾同埋食番啖黎睇.佢又真係照做足, 真搞笑)

【軒軒の 4歲必勝客 生日會】

今日一早要準備梳洗出門.

軒軒係Pizza Hut搞生日會, 不過時間要係佢地未開門做生意前搞.

所以我地就倒坑咁早要出門.

家希知有得玩,梗係開心喇.

【美國雅培EyeQ醒目BB運動會】

話說, 早10日前, 有個陌生人留言, 佢邀請我參加佢公司既Event.
膽粗粗既我, 就答應左, 根住佢就Sent D 資料比我睇, 原來係雅培贊助既活動.

佢地同埋Fist Little Step 一齊搞左個Baby GYM. 費用全免.

當日預早些少上去, 已經好多工作人員响度.
一黎度, 工作人員即邀請我地係塊佈景板番張即影即有既相.
張即影即有既相, 質素真係好差, 真係好唔明點解咁多人仲鐘意用呢D機影相.

好彩Mama 我有出動埋自己相機喇.
 

【初次摘士多啤梨】

其實大早好耐之前都好想去摘士多啤梨家希, 不過天氣又太凍, 又唔想去.

原本又打算家希生日正日去, 不過老公唔方便用車.

幸運地, 今日天氣好好, 晨早起身Check 過, 有20度, Good !!

順道約埋婆婆去食齋.

今日唔多人, 家希知道有得摘士多啤梨, 不知幾鬼開心.

驟眼睇, 個園好多唔多士多啤梨, 但慢慢逐少逐少咁睇, 其實都有好多又紅又大既士多啤梨匿埋左.

只係教左家希幾下, 佢就好快上手, 仲好鬼快剪落去.

【生日快樂 @ 3 歲生晨】

Woww~~ 3 歲喇 !! 眨下眼, 就3歲, 呢隻馬騮已經唔再係BB, 確確實實係一個細路.
自2歲半識講嘢後, 把口真係唔停架, 嘈嘈閉, 乜鬼嘢都關佢事. 八掛公一名.

駁咀雖然未真正識, 不過佢好多時用番平時聽到我地講既嘢, 運用番出黎講, 有陣時, 真係 O 晒咀囉.

扭計指數都係一樣咁高, 越叫佢唔好做, 佢梗係偏要做, 好似全心同你作對咁.

對住呢條友仔, 真係死左好多細胞.

家希總係令我EQ無法上升, 原本唸住正日忍下口, 最終都係要比我鬧至安樂.

【3歲前大回顧】

【2 歲】
一日仲係Keep 住2-3餐奶, 既然佢仲係飲奶, 當然繼續 Keep 住啦.

片片仲未搣得甩, 不過當佢屎急尿急會向我地表達有吾吾, 比佢坐 Potty又唔肯.
閒時係婆婆家口不停咁食, 可能生活比較規律, 所以連吾吾都屙 2-3次, 相反黎到Mama屋企, 玩得顛, 太多嘢吸引佢, 搞到佢亂晒龍.

【0105 卜友初相聚】

籌備左成個月之既約,  今日終於到喇~

由11月初, 某日Bolg 友一句「大家有無興趣聖誕前出黎見下面」, 就係呢句, 我地5個Family 都踴躍參與.

人多時間係難約D, 不過我地都無灰心.

好開心, 今日呢個約會真係如期進行.

佢地5個小朋友相紀差唔多, 最大距離都係差半年, 所以大家都好啱玩.

額外今日順便同其中3個1月之星搞左小小生日會.

一點起蠟燭, 個個都O候咁眼昅住, 吹完又再點又吹.

【元旦日‧舅侄生日】

元旦日. 老公一早就要去睇醫生, 咪又係感冒, 仲係咁咳.

抖左整個朝早, 晏晝出發.

帶埋婆婆家希去食火煱雪糕, 雖然貴左少少, 不過未食過, 試下, 大家又開心吓 !

家希居然對生果興趣大D 喎, 咁都好, 仲驚佢會狂食雪糕添.

不過話是話, D 雪糕真係好迷你囉, 一口可以食晒.

不過條友仔未開餐, 見到個火煱有蠟燭係個底度, 係咁吹呀吹.
叫佢唔好吹, 佢就尊登係我地不經意時, 再吹.