一日仲係Keep 住2-3餐奶, 既然佢仲係飲奶, 當然繼續 Keep 住啦.
片片仲未搣得甩, 不過當佢屎急尿急會向我地表達有吾吾, 比佢坐 Potty又唔肯.
閒時係婆婆家口不停咁食, 可能生活比較規律, 所以連吾吾都屙 2-3次, 相反黎到Mama屋企, 玩得顛, 太多嘢吸引佢, 搞到佢亂晒龍.
有陣時對住家希真係好忟, 要控制自己EQ確實係幾難吓.
尢其餵佢食嘢, 最唔聽話, 當佢飽左1/2, 就周身郁, 最激氣Papa 唔幫手不得止, 仲要係側邊攞玩具黎引佢, 搞到我又要發火.
【愛生果】
家希勝在鐘意食生果, 所以响婆婆度成籃生果任佢食, 唔怪得吾吾一日幾次.
反而响Mama 度, 吾吾就無.
所以Mama 我要改變一下, 買番d 生果等家希返黎都有得食.
最易搞就係橙. 今次搣左成個橙.
【2歲1個月】Mama 我感覺上家希改變左, 變左無1年咁, 成鬼日係又唔係咁扭計喊.
而家話佢, 又或者我地Say NO, 基本上都肯聽.
潔辟既佢無10成都有8成. 都Good 呀, 愛整潔.
家希有種怪辟.對每樣玩具既螺絲位好有興趣. 仲一路講 扭扭扭, 一路停問我地拎嘢, 咪就係拎螺絲批啦.
佢對呢方面又真係好尊注. 可以坐係度扭好耐, 不過扭極都扭唔開咁啫.
【2歲2個月】
最鐘意同家希傾計, 有回佢有對答, 好好笑 !
家希成日見親我地都要 I-poo, 由於唔想佢慣性老憑, 所以教導家希問人借嘢要點講呀. 習以為常後, 家希開始會向 Mama 我講 ”借 I-poo 比比”, 其實佢係想講 "借I-phone 比我". 不過講到咁多個字已經好叻叻.
早排家希手多多, 搞公公靈位燈制, 曾一度驚驚左幾日. 其實我同婆婆懷疑家希可能見到…… Anyway,我知公公唔會嚇家希.
呢輪隔唔中同家希傾計時, 都會問公公有無同你玩呀 ? 個傻仔真係答我有.
尋日家希又想曳曳, Mama我話唔得架,公公會鬧, << 呀~ 家希居然回答我 : 公公唔會. >>
之前健康院姑娘建議同家希戎夜奶, 邊咁容易呀. 呢鋪癮 ! 唯有要勤d同家希刷牙, 原來婆婆已經教識家希”lur” 水, 睇黎唔駛幾耐可以用牙膏刷牙.
呢日成日天陰陰, 時大時細雨. 又變番氣溫得個十幾度, 討厭到爆 !!!!
家希成朝係咁o益住 ”吹泡泡”. 又雨地滑, 不宜出街, 唯有……
某日, 家希係都要拎六合彩飛黎畫畫畫
婆婆嚇驚 ! 皆因家希畫完居然識得自己拎去地主公公度合緊及拜拜, 小朋友, 你好老積丫!
【2歲3個月】
終於明日d 人成日話, 唔駛驚佢唔講嘢, 到佢講嘢就煩死
家希每事問, 答左佢又重覆問, 哎呀, 有陣時都覺得煩煩地, 呢d 咪係要有耐性囉.
不嬲餵食比較煩, 家希成日都郁黎郁去, 有陣時唔想食仲一手推開, 搞到碗嘢揸唔穩, 倒到周圍到係既時候, 我d 火就升上頭.
婆婆只係同家希講左一次, 唔食就講飽飽, 唔好推.
點知第二日, 食到咁上下, 佢就講飽飽.
婆婆話家希日日都會問:
家希: 爸爸呢
婆婆: 返工
家希: 比希希食
家希: 阿ME 呢
婆婆: 返工
家希: 比希希食.
呢個傻仔,每次叫 Mama 我都係叫阿ME, 哎呀, 佢又點知Mama 個名既. 查實係因為Mama 我之前成日同家希自稱 "Ma 咪," 就係咁, 佢成日都叫我做阿ME.
講話多左既家希, 有陣時佢會自己係度念口王, 1,2,3,4,5,8,9,4 又有陣時佢會講泰文: 輪, 爽, 散, 死, 蝦, 哭, 直, 伯, 九, 攝, 所以婆婆決定教家希講泰文同潮洲話喎.
家希由6個月起, 婆婆訓練家希洗頭過水係抬高頭, 一向如事.
【2歲4個月】
細路仔學嘢快, 珍珠都無咁真囉
雖然家希未識駁咀, 但佢識寸咀囉.
記得有次家希做錯事, Mama 我要家希望實我, 聽我訓話, 點知個衰仔唔肯望住Mama 我不得止, 仲話睇電視.
佢意思好明顯話我知, 我唔望你, 我要睇電視呀.
大過仔, 好多時要扮大人,每次Mama 我地買嘢比錢, 佢梗要爭住話:希希比希希比.
自理能力, 家希有樣好, 好多嘢都想親力親維, 我話佢貪新鮮就真, 次次換完片片要著褲, 佢都一手搶住話希希著, 又一爆笑位, 一拎起條褲就話坐凳凳著褲, 穿完左腳到右腳, 有陣時烏龍到左右腳都穿去同一個褲腳度就企身休褲, Papa 仲笑家希, 你估著裙咩.
今日既傑作, 佢梗係想幫我地部 Notebook 大起底. 一不留神, Mama 我昏睡 Papa 落街買賣中, 家希無枉管. 靜英英坐埋一二邊,搣呀搣.
【2歲5個月】
話咁快又過左1個月, 29 個月家, 好多自理能力都做得到.
自理能力,自從婆婆教識家希 Pooh 水後, 大約2歲2個月就開始要家希用牙膏刷牙, 一直都係Mama 我幫佢刷, 咪因為驚佢刷得唔乾淨啫.
不過呢個仔一直都好抗拒, 我估佢抗拒成口牙膏呱 !
近呢排, Mama 我放手, 由家希自己刷. 佢真係刷得似模似樣咁.
接住就Pooh 水 !! 不過成日都整到件衫濕晒 !
睇到家希呢個樣, 感覺得大過仔好多. 唔再係BB 了.
【2歲半】
Trouble Two 嚴重得很. 人仔細細, 已經駁咀高手.
咩嘢都話唔好唔好, 明係唱反調. 真係比佢激死好多細胞.
Mama 我每個禮拜都自個檢討, 每次同自己講要冷靜, 唔好鬧, 唔好動氣.
不過.....最終都係做唔到.
Mama 我唔係驚家希會因為咁而討厭我, 而係覺得佢係學緊我地. 呢d咪身教囉....
唔扭計時, 真係好鬼鐘意佢.
破壞威力唔睇得少, 同事送既o麥太, 一過家希手唔駛10秒就比佢扭斷左.
佢知道o麥太揸住個支係 fit fit.
因為家希已經試過fit fit 既滋味. 不過呢個仔好硬頸, 唔會喊, 只係眼紅紅. 唉~~
片片方面, 帶家希出街已經無再著片片 Lu, 夏天唔著片真係爽好多既.
不過小朋友真係成日掛住玩唔去屙囉, Mama 我成鬼日都要提佢. 其實家希有得o著佢都會開聲講, 只係Mama 我過份擔心驚佢瀨濕啫.
終明明白咩叫做喊到瀨, 條友仔次次出街梗有花款. 提左佢去屙又唔去, 轉頭扭計一喊, 就會瀨尿 !
講話方面, 叻左好多, 識得表達自己鐘意玩咩, 想要咩. 有陣時想搞搞震, 仲叫我地合埋眼瞓覺覺.
經過籃球場想打波波, 仲識得叫Mama 我企係度等, 然後吩咐Papa 返上樓拎.
人人都話小朋友學嘢快，確實千宜萬確，只係講左幾次我地既全名，家希已經記得晒！勁！
【2歲7個月】
31個月, 呢個歲數其實可以入得學. 見好多 Blog 友既小朋友仲細過家希, 呢排已經入學喇! 家希仲有一年至返K1, 希望到時佢會好快適應啦 !
說話方面, 家希真係一日比一日進步, 少見家希既朋友, 隔左幾個月, 又話佢進步不少.
家希仲未開始掛咀邊問點解呢樣點解個樣.
不過管家公就非佢莫屬. 電話響又好, 我地是旦一個人行開又好, 家希總要知, 總會問邊個黎架, 去邊呀, 做咩呀 ?
Papa 泊完車, 佢會走埋 Papa 度問, 泊完車喇 ?
有次聽到有Be Bu 聲, 家希仲問, 咩聲黎架 ? 呢d 好普通既說話由一個2歲幾既小朋友講出, 真係覺得佢好老積, 好搞笑 !
【2歲10個月】
呢幾個月黎, 家希講嘢強左好多. 經常每事問.
通常會問呢D 咩黎架, 邊度買架, 去左邊呀.
好似8卦公上身. 我地做乜都好, 佢都追住你黎問直至答佢為止.
有陣時見佢講句子真係好努力用盡汁表達, 果個樣真係好好笑.
當佢唔想做既嘢, 次次都借尿遁, 幾經辛苦搵到個廁所, 佢又會話尋晚屙左, 一陣先屙.
駁咀都唔差, 婆婆曾經話過家希, 剪左你個蕉蕉, 家希即話, 剪左咪無得屙O署O署囉, 真係 O 晒咀. 哈哈
人仔細細仲識得投訴, 乜而家D 2,3歲既細路真係咁厲害 ?
試過幾次, 家希喊住打比Mama 我, 後來至知, 原來佢曳曳比婆婆打同鬧, 電話未通, 家希都無咩, 一聽到接通了就嘩嘩大聲咁喊.
吐價還價都好叻. 想要既嘢, 想食既嘢, 會向我地玩一次, 二次, 三次.
最窩心係, 家希成日笑妙妙行埋黎同Mama 我講: Meme, 我真係好鐘意你.
一向家希叫Mama 我做 Meme, 有一次, 家希唔知想要d乜, 居然叫媽咪, 我想要xxxx
其實聽到佢叫我做媽咪, 個心真係好甜架.
片片戒甩左好耐, 真係慳番唔少. 其實夜片都搣甩左, 婆婆家已經全天候無片片著.
不過係Mama 度, 都係唔方心佢瞓覺會賴, 橫掂仲有成半包, 用埋都唔好晒.
唔知點解, 出親街, 家希都話要屙o署o署, 幾經辛苦搵到個廁所, 又話無得屙, 玩嘢! 激到Mama 我好嬲.
唔鬧都唔得啦.
呢個傻仔每個禮拜返黎都唔願瞓, 皆因太多玩具玩, 今日又有新玩具, 太爺送既槍.
不過呢支槍唔多合適佢呢個年齡玩, 好易夾親手.
沒有留言:
發佈留言