【0105 卜友初相聚】

籌備左成個月之既約,  今日終於到喇~

由11月初, 某日Bolg 友一句「大家有無興趣聖誕前出黎見下面」, 就係呢句, 我地5個Family 都踴躍參與.

人多時間係難約D, 不過我地都無灰心.

好開心, 今日呢個約會真係如期進行.

佢地5個小朋友相紀差唔多, 最大距離都係差半年, 所以大家都好啱玩.

額外今日順便同其中3個1月之星搞左小小生日會.

一點起蠟燭, 個個都O候咁眼昅住, 吹完又再點又吹.

食蛋糕, 家希梗係要整古做怪

食完蛋糕, 問吓邊個要禮物, 個個都舉手, 家希同靖恩隻眼就昅實D 禮物.

家希全程口不停, 真係同以前唔同左好多. 好快脆就同人混熟, 唔怕生保.

食完蛋糕, 攞埋禮物, 就向我地今日目標出發.
Playhouse, 咁多間黎講, 呢間係唔算多人, 咁小朋友玩起上黎, 都放心D.

家希真係進步左好多. 仲係甩繩馬騮咁, 好多時Mama 我淨係响下面睇佢, 佢自己一支公走吓走.
但我都一路o益住, 話係下面等佢, 佢都好安心走吓走. 爬呀爬. 禽吓禽.


難為Blog友D 爸爸, 家希成鬼日捉住佢地一齊禽上去Sir 滑梯, 完全玩到High 晒.

而我地大人就時不時望錶,咦~ 乜時間過得咁慢架...
中場休息.

家希真係大膽左好多. 自己一支公走左上去呢個3層樓高既sir滑梯, sir落黎.

家希忙於執波中.

呢部機,真係好吸引小朋友.



幾經辛苦, 終於捱到6點, 玩左成2粒鐘, 真係成身散晒, 但班細路仲未識得攰.
我地提早去食飯.


家希無時無刻表情總係咁浮誇.

飯後, 黎番張合照先.
可惜宇正狀況唔太好, 佢地Join 唔到食飯.