【燒不停 の 5日4夜 】

禮拜三晚,  夜媽媽, 收到婆婆電話, 都知唔會好嘢.

家希發燒, 唔通去完撓蝌蚪搞到病.

仲要唔止發燒咁簡單, 腳上仲出左好多粒類似蚊「喇」既紅點,  即刻就唸起, 會唔會因為婆婆屋企個D 蚊滋架.

第二朝請假拿拿林倒塔咁早去湊家希返入黎睇醫生.

雙腳起晒紅疹, 醫生又話呢個歲數唔會係玫瑰疹,  暫時覺得係風「喇」

【自家學習】

眨下眼, 仲有4個幾月, 家希就返學喇 !

每個禮拜 Weekend, 家希返親黎, 唔係玩呢樣玩具就係玩個樣, 再唔係就篤Ipad. 總係覺得佢一事無成. 只慣玩既心態.
又無返N 班, 學習既嘢已經少左. 係時候要積極D.

教材, 其實屋企有好,  成日見到就買買買, 買左返黎又擺埋左一邊.

要O的係心肝, 比佢做下D 練習, 準備下自己.

呢盒圖, 係方Sir Playgroup 度買落.

分別有一大疊每張不同既圖案咭, 一塊磁石板. 一堆圖案磁石.

【親親大自然 の 港島遊】

今日尊登山長水遠去港島親親大自然.

沿路仲有幾幅塗鴉牆, 又真係幾靚.

即時叫家希埋位擺Pose先.

【家希與仔】

家希未出世前, 其實我地倆公婆係與貓為樂. 可以叫做貓癡.

最高峄有十幾隻貓.
家希頭1歲前, 我地都仲有4隻貓架.
不過因為抽到屋, 無辦法再養佢地, 搵有心人收留左佢地.
呢隻仔仔, 係Mama 我第1隻買返黎既貓.
蘇格蘭直耳貓.
而家由老公既舊同事收留左, 當佢如珠如寶, 我地都好安慰.
間中呢個姨姨都會帶仔仔黎我地度.
相信仔仔已經忘記左我地.

【卜友包包の4歲冒險樂園生日會】

今日卜友邀請參加佢為女女係响冒險樂園度開既生日會, 真係好期待.
回想番, 呢個卜友其實响家希未出世前無意間Seach 而識左.

估唔到Keep Contact, 都Keep 住4年喇.

黎之前, 已經單聲比家希知, 唔好吹人地支蠟燭. 癈事一陣家希失儀. 因

生日會開始, 小丑Show Time, 好多小朋友排排坐, 連家希睇得好入神, 好開心.

【久別相聚 の 大和燒】

呢個約會, 搞左成個月, 今日個約會終於成事.

其實帶住細路仔去食放題, 都幾唔抵下, 通常都係用高度作準, 家希咁細粒, 梗係唔駛

大和燒, 我第一次幫襯, 佢價錢較平, 食物質素都OK, 最美中不足係成日都漏單.呢兜刺生係第一Round 落, 明明Order 左50片三文魚, 40隻甜蝦, 但樣樣嘢都將份量減半, 真係忍唔住要問下, 係咪落錯Order.

點知解釋原因話廚房d 師傅會因應人數喎而出Order 喎. 預計無人只比5片三文魚, 唔計就再落過單.

但佢地落親既單, 唔係漏單就勁遲都仲未黎.

【郊遊 の 好箂塢】

一向黎親迪士尼, 唔係去樂園就只係去迪士尼酒店, 好箂塢從未踏過.

一向都知好箂塢內有個大草坡, 確實好吸引.

落左差唔多成個月既雨, 終於放晴, 朝早上完畫班, 返屋企休息陣再食埋晏就出發喇.

黎呢度, 又係可以操下我部相機.

今日居然有車場管制, 只有代客泊車. 想Free 泊都唔得添. 後來至知, 原來曾志偉今日包場, 所以搞到2間酒店既Parking 都好緊張.

呢間酒店無咁多人, 老公就周圍昅下佢地D Buffet 係咩價, 相比起, 價錢唔算貴, 下次可以黎試下.

【第2堂 の 創意畫室】

話咁快, 又到第2堂畫班.

因為家希Join 左綜合畫班, 所以1堂畫畫,1堂做手工.

家希適應左, 仲自己入去又同Mama 我講Byebye.

之後Mama 我又走去鬼祟位去昅家希.

唔知係咪因為今堂唔係Miss Chen, 而係第一次既歐Sir, 所以家希都係粒聲唔出.

而Papa 就話,起碼家希無喊無周圍走, 坐定定.已經好好.

唸深一層, 咁又係既, 我又唔係要家希畫d 咩畢家索畫, 只係想訓練佢既專注力, 守下秩序.

【玩到顛 の 海洋公園】

農曆前, 公司派左2張海洋公園飛, 終於夾到時間, 今日同枳熹佢地一齊黎玩到顛.
早一晚同家希講過, 晨早佢自動就彈起身, 食過早餐屙埋篤屎, 就出發.
老公幫我地Call 街車, 由屯門直去海洋公園.成惠二百二蚊. 咁樣就唔駛轉車, 轉黎轉去咁麻煩.

一去到, 淨係响個大門都搞左成半個幾9個字, 咪係影相囉. 新機落地, 又未熟手, 整黎整去都好爆光.
勉強影到呢一張算係滿意.

【升Grade了】

升 Grand 喇我, 真係估唔到我最終都係轉左單反, 仲記得自己曾講過, 唔會用呢d 黑色既機, 咁Man 咁. 所以鐘情Olymplus 呢類無反相機, 又可以換鏡.

但原來人既要求係會不斷提升. 就算我換左大光圈既鏡, 做到景深效果.  但感應此終唔夠快. 仲有陣時唔夠光線既地方就無法影到靚相.

Canon 必定係我首選, 咁多個型號既單反真係搞唔清. 最後同個Sales哥哥傾左好耐, 就揀左呢部650D. 初階機. 再另外配支F1.8 既大光圈餅鏡, 呢支鏡好抵玩, 只係七幾百咋.

【第1堂 の 創意畫室】

繼2個禮拜前既試堂後, 而家逄星期日朝早就去畫畫喇!

啱啱瞓醒食埋早餐就趕過黎畫室. 傻仔仲好似未清醒咁.

帶左家希入去後, 我地就閃人.

原來係側邊個有窿住可以昅到家希.

我足足昅左佢成10分鐘. 哎呀~  Miss chen 一行開, 呢條友仔隻手淨係揸住支粉彩, 但對眼就周圍望, 每次都要Miss chen 埋佢身邊提佢畫畫.

都無眼睇lu..... 

【初次嘗試 Glof 滋味】

落雨落左成2個幾禮拜, 今日終於見到太陽喇
而家轉左畫室, 所以禮拜六可以瞓晏少少, 唔駛趕頭趕命.

Hea 左成朝, Papa 收工返黎一齊去食晏.

之後去左高爾夫球場行下, 上次聽表姊話原來係度租場打Glof 好平架.

60蚊包1支Q 玩1個鐘.

【反轉新界遊】

返2日工, 又放假喇 !

今日兒童節, 又係清明, 同時又係我地倆公婆10週年拍拖紀念日.

難得又放假, 又係時候去郊遊.

但個天色唔多靚, 又係陰陰天, 好彩無落雨.

第1站, 我地去摘士多啤梨喇. 趁季尾加上枳熹未摘過. 今日我地又去新場「觀光士多啤梨園」

季尾又加上落左幾日雨. 真係唔多有靚既士多啤梨囉.