【玩到顛 の 海洋公園】

農曆前, 公司派左2張海洋公園飛, 終於夾到時間, 今日同枳熹佢地一齊黎玩到顛.
早一晚同家希講過, 晨早佢自動就彈起身, 食過早餐屙埋篤屎, 就出發.
老公幫我地Call 街車, 由屯門直去海洋公園.成惠二百二蚊. 咁樣就唔駛轉車, 轉黎轉去咁麻煩.

一去到, 淨係响個大門都搞左成半個幾9個字, 咪係影相囉. 新機落地, 又未熟手, 整黎整去都好爆光.
勉強影到呢一張算係滿意.

今日最失敗係錯誤選擇, 比個天文台誤道左, 仲話溫度得14-15c, 唸住個園咁空礦, 一定好大風又涷喇!
等我仲著左件冷衫…係 ! 估唔到我係個籠底摷番件冷衫出黎著. 點知熱到出汁.

一入園, 拿拿林邊度都唔去就沖入廁所, 幫家希除底衫, 換番條薄身D 既褲, 再一次失策係無帶多件衫. 最後都係頂唔順, 我地倆母子買左套親子T 恤, 未開始玩就已經駛錢喇.

搞得黎, 老公都到埋, 我地就向老街, 威威天地進發.

換左件衫, 成個人都爽晒.

好大條龍躉.

呢度真係好多地方可以取景, 最Prefect 係呢部相機一擊即中, 根本上唔駛再補影, 張張相對焦都好準, 又做到我至愛既景深.
買左佢真係明智決擇.

同時家希各表情我都可以即時捕捉到, 笑得咁開心既.


呢度有好多古色古香既佈置

接住排隊玩呢個環迴水世界, 即係旋轉木馬囉, 不過係魚唔係馬啫.
家希唔夠高, 一定要坐同家長坐孖位. 

老街呢度仲有好多攤位遊戲, 估唔到老公咁捨得比錢玩完一個又一個. 我就一於少理, 影相最緊要.

仲問d 姐姐拎隻公仔黎影相.


有架 1比 1大既電車.

家希見到呢個呔盤就嘈住要玩.

呢架熱狗退役前都無機會影過, 黎呢度就任影唔嬲.

連海洋公園都好似迪士尼咁, 有人扮公仔影相.
呢條魚慢慢行近家希度, 仲將個口蓋落家希個頭度, 好似想食左家希咁, 好搞笑.
睇下家希個樣, 幾無奈.

呢張相可以影到d 纜車, 仲自己擺舖屎添. Good !

家希可能都比 Mama 我感染左, 所以佢都醒目擺好多姿勢比我影.

去到威威天地, 又點少得要入錢玩遊戲.


玩射水搶救火, d 水彈到周圍都係, 傻仔就開心到不得了.

昇空奇遇即係摩天輪, 我地就無玩, 佢比冒險樂園個果仲要大.

蛙蛙跳, 又即係細路版既跳樓機, 家希有過之前既經驗, 當然一個人玩都唔驚. 仲好High 添.
其它小朋友都大過佢, 真係比個勇字至得.

隔壁個Playground, 家希同枳熹又點肯錯過.
攀爬, 家希仲主動叫我地教佢點爬.

倆個人一齊Sir滑梯.

時間關係, 去程揀左火車去對面山.

到達另一邊山頭, 對我地黎講呢個範圍係全新.,  早2年前黎既時候, 仲裝修緊.

樣樣機動遊戲都好激, 睇見到驚, Mama 我年紀大心血少, 唔再似以前咁大膽囉.

原本打算去企鵝餐廳衣肚, 可惜Full 晒, 唯有去隔離類似Food Court度食嘢.
一個豬扒飯+碗拉麵都百三蚊.

呢度唔止又有攤位, 仲不停播住d 好動感既音樂.
家希又陶醉住不停跳舞.

見到Papa 玩射搶, 又要玩埋一份.

海洋公園係3/29 - 5/5係高清動物月, 自費30蚊Join 個導賞團就可以去幕後睇D 工作人員點樣餵飼.
原本想揀企鵝館, 不過晨咁早就FULL 晒.

唯有揀熱帶雨林, 入到去, 原來只不過係睇d 紅眼樹蛙, 仲要超迷你, 跟住就好似聽講座咁, 勁無聊, 一心諗住可以睇D 動物BB.  晒鬼左我地半個鐘既時間. 又唔比影相, 其實都幾搵笨.


出發前, 每人都要貼番張貼紙.

呢隻就係全球最細既侏狨.


懶洋洋既樹獺，好搞笑，成日都發呆，郁都唔郁，仲以為假．


既然睇唔到BB, 唯有同假既樹獺影相喇

冰極天地, 用好多企鵝黎佈置.

南極館就睇企鵝, 真係好鬼凍. 好彩早有預備件外套比家希.
D 企鵝真係好得意, 係正你面前游黎游去.


北極館就係有北極熊, 北海獅, 海象.


要上2層扶手電梯, 周圍都有北極既佈置


北極熊就無得睇, 海獅海象就有.






呢個類似太空罩係睇海象.



南,北極館既出口都係通去同一個商店.
呢隻企鵝公仔真係好靚, 又得意.

佢地兩個細路都唔夠高, 基本上呢度所有機動遊戲都無得玩.

 

既然無得玩, 都比佢坐下.
扮好High 同好驚既樣都似模似樣.

呢度見得最多係雪糕.

最後買左支Haagen- Dazs. 食到Lam Lam味.


鯊魚館裝修中.

回程搭纜車


小朋友係最開心.

再經過老街, 仲有好多古色古香既佈置.

埋黎睇, 埋黎揀.

咁細既細路就出黎做小販.

周圍既牆壁都好懷舊.

 

入黑既老街. 仲梗加靚.

第一次見到呢個噴水池著晒燈, 真係幾靚.


 

Mama我同家希既親子裝