【蛋】

現今小朋友比我們那些年繁忙得多。

可能呢Ｄ就係活動教學啦！

呢期主題係「蛋」

家課要同學們回家與家長們，利用蛋製作蛋製食品及寫下製作過程再回校分享。

在家中，範圍較細，今次我用定焦EF 35mm f/2 IS USM配合EOS700D既反Mon就能輕易拍攝有關記錄項目。

材料準備好了，家希要出力幫手喎。

打蛋　－　家希好像雞手鴨腳咁，蘭花手揸住隻蛋，你見過未？

【K2 春季旅行 2014】

首次參加家希學校既春季旅行。目的唔係因為地點吸引，只係想比家希可以跟同學仔去下旅行玩下咋。

可惜同班同學好多都無參與。
不過誤打誤撞，整個旅行，家希都跟佢口中常掛住既小女孩－張希霖一齊。

【K2 秋之旅行 2014】

 

入秋後，學校舉辦第一活動就係親子旅行。

 

地點：佐敦谷公園＋西貢碼頭遊。

 

其實呢兩個地點我地黎講，都是閒時常去地方。 

不過我都希望家希可以與同學仔一齊去旅行，開心下，聯誼下。

【開學日。慶祝日】

眨下眼, 暑期完結, 又要收拾心情開學喇.
仲記得一年前既今日, 係忙於搵學校插班, 搞手續買校服, 咁快就一年Lu.

【首次 K1 家長日】

期待而久既家長日終於到, 心情又興奮又緊張.

在職媽媽既我, 又唔可以日日接放學, 通常靠ee把口轉達我知.

家希入呢間學校都係即 in即讀, 根本無時間比佢適應, 感恩個傻仔由第一日返學至今都無扭過計, 無喊過, 好勇敢.

仲日日都話好鐘意返學, 返學有好多玩具玩喎~

等我之前一直擔心佢喊既問題, 原來係多餘既想法.

可能佢自己都知生活上有轉變, 所以令佢都長大了.

上學期終完結.

等候中, 睇住家希份發展報告先.

【學校聖誕聯歡會】

一年之中, 咁多個節日, 聖誕節係最有氣氛既一個.

又係親身整聖誕咭比老師.
入面叫番家希畫下D波波同油顏色.

【K1 親子旅行 2013】

一年一度親子旅行, 終於到喇 !

地點係沙頭角, 真係正~

橫掂未去過. 仲上網Seach定d 資料, 睇下有咩玩.

點知同我相象真係差得遠.

一大早, 9點幾係學校課室集合, 真正見到家希成日口中個幾位小朋友.

全校加埋出席人數只係4部車, 唔知算多唔多人呢. 4部車, 共有4個領隊. 原來親子旅行咁似參加一日遊咁既.

坐左成個鐘既車程, 終於到沙頭角.

我地成車人跟住領隊沿住條村一直向上行, 仲搵個地方照番張合照先.

【學校Open Day】

今日家希間學校 Open Day, 見無乜節目, 一於返學校睇下有咩玩.

一早食完個早餐再去Bank 搞埋d 私人嘢, 差唔到中午, 就過去學校睇下咩環境.

 

哇~ 估唔到佢地Open Day 有咁多遊戲玩.

又有水玩, 又有畫畫.

 

我地足足玩左3粒鐘. 勁~

【學校 の┢┦omeWork】

返左十幾日學, 係中秋節前開始有功課要做.


K1既功課來來去去都係填下色, 畫下線.

之前班主任都同我地講過, 功課全部都用粗身顏色筆做, 暫時唔用鉛筆.

【學校 の 病菌】

自從家希學校生日後當日.

聽見老師對另一個家長話佢個小朋友有d 鼻水之後, 隔2日就到家希流.

雖然唔係好嚴重, 但就隔唔中流下, 我已經不停比暖水佢飲.

一見佢有鼻水就捉佢伸晒出黎, 就幾多伸幾多, 唔好積埋積埋, 一陣鼻水倒流就手尾長.

最後中秋前都係忍唔住, 要EE 帶家希睇一次醫生.

【親子賣旗日】

一開學, 就收到好多通告, 其中一張係親子賣旗活動.

 

老實講, 我咁大個人都未諗過幫手賣旗, 難得仲要係親子活動, 梗係參加啦.

 

晨咁早未夠9點要返學校集合,  時間為9 至11.  

 

今次都係幫番學校個機構 「仁愛堂」.

【學校首次生日會】

返左學10日, 學校就舉行 8,9月份生日會.

唔駛著校服, 只係拎住個生日袋 (包括手巾盒同杯) 返學就OK.

【回顧開學週】

9-2 星期一
全城開學日，各人忙住開學，而我就偏偏係呢個時間忙住搵學校,  一早同 Sharon 請左假, 再準備個朝係新校搞  Interview,  其實都唔想比家希咁大壓力, 無奈....一定要係我區搵到學位.

幸運地，家希表現非常好，仲即時搞入學手續., 再老遠出觀塘搞退學 ，然後去葵興買校服影學生相， 趁等快相既時間,  我地一家三口拿拿林攝個時間衣肚.  半個鐘快相終於到手.

【開學前の前奏】

經過3日適應班後, 2個鐘既家長會, 更加了解呢間學校既嘢. 已經非常期待 9月正式開學大日子！

點知臨開學發生大單嘢，一夜間將所有計劃打破，同時關係都同時破裂! 

【 Day 1 - 3 ✎ 新生適應班】

話咁快就到8月尾, 一連3日既 K1適應班由今日開始.
校服可以唔駛著.  時間由09:15 - 10:30am.

而我就同平時返工無分別, 7點就要出門, 要成個幾鐘既車程至去到婆婆度, 鬼叫我住咁遠咩.

瞓醒無耐既家希, 仲係腫口腫面.

Papa 叫佢做個 V 手勢影張相. 唔知係咪怕面懞既家希, 成個人生硬至於, 個V 手勢睇佢放得幾低.

【開學前の準備】

家希間學校只係用一套運動服做校服, 所以黑鞋都唔駛買, 淨要白波鞋.

本身打算臨近開學, 即8月尾至買鞋, 點知早排同朋友傾開呢個問題, 叮囑千期唔好咁晏至買.

到時 D 碼唔齊喎~

心水波鞋都定左唔係Nike 就係DR KONG.

【Sharonの註冊日】

今日原來係小1放榜, 而家希間幼稚園咁啱今日搞註冊.

早一個禮拜, 己經收到學校既通告, 上學期既書簿費+茶點, $1511, 要自已入錢去佢地指定既銀行.

拎番D 收據回條, 今日返學校註冊之餘, 仲要拎校服.

 記得Mama 我果個年代, 呢間學校係分校服同運動服. 2 年前轉晒一套運動服走天涯. 都幾方便呀 !

睇見家希著左校服個樣, 感覺佢大過仔. 唔再係BB 喇!!

可能呢排家希高左, 個書都唔係大好多啫.

【2013-2016 の學卷】

早係2月頭, 經Blog 友通知,今年年度2013/14の學卷接受申請.

我都第一次搞, 真係唔知頭唔知路, 去番佢個網站睇下d 簡介. 再打去個Hotline 問多少少既程序.

因為人地都需要時間去搞, 所以拿拿林係新年前, Download 左份表, 填完就寄出去.

之後同D 朋友講開呢件事, 佢地又話係由幼稚園寄份表格比佢地搞, 仲問我做乜咁心急去搞. 其實預鬆D 都無壞啫, 梗何況佢地有經驗又唔同我分享, 只一味話到時就識就知. 求人就不要求己.

同時我又覺得好奇, 點解家希間學校完全音訊全無既.

又係3月頭, 終於收到學校既信, 自上年封取錄信後. 今次係第1次收信, 係安排返學校訂校服, 同時當日學校就派埋申請學卷份表.

就係今日, 收到封政府公函, 乜東東呢 ?

拆開....原來係學生資助個邊寄黎既學卷正本.

【Interview 結果の觀浸】

終於收埋另外個間既取錄相.

封信係禮拜一, 婆婆去完Sharon交完留位費後就發現.

不過係婆婆既口吻, 佢想家希入讀Sharon多d.

當然地點真係優勢好大原因, 此終湊果個係婆婆, 佢辛苦時, 我都唔多好過.

距離交留位費仲有一段時間. 仲可以考慮下.

【Interview 結果のSharon】

Interview 完, 莫過於就係等結果.

只隔左2日, 今日收到 Sharon既取錄, 可以鬆一口氣, 起碼有呢間做後備.

不過時間無多, Sharon 下個星期二就要交留位費, $250, 嘩~ 咁平既, 我仲以為6舊水添.

Mama 心儀係KTBC, 不過又唔想婆婆辛苦, 返學放學要斜路落斜路上.

Sharon, 勢在方便.

暫時未知觀浸結果. 真係心急死 !!