【K1 親子旅行 2013】

一年一度親子旅行, 終於到喇 !

地點係沙頭角, 真係正~

橫掂未去過. 仲上網Seach定d 資料, 睇下有咩玩.

點知同我相象真係差得遠.

一大早, 9點幾係學校課室集合, 真正見到家希成日口中個幾位小朋友.

全校加埋出席人數只係4部車, 唔知算多唔多人呢. 4部車, 共有4個領隊. 原來親子旅行咁似參加一日遊咁既.

坐左成個鐘既車程, 終於到沙頭角.

我地成車人跟住領隊沿住條村一直向上行, 仲搵個地方照番張合照先.

最後係個大操場就停左係度.

仲以為再等人齊再出發. 點知呢個操場就係我地既終點.

小朋友一個二個都係度玩Bubble, 玩左陣就要返上車, 唔怪得學校向每個小朋友都派左支Bubble 槍喇.

難得可以影到家希同佢D 同學仔.

 

家希返學以來最Friend 既同學, 李詩奕, 估唔到高過家希成個頭.

仲成鬼日都要拖住人地隻手.

等集合又有人遲到, 搞到我地成車人係度曝曬. 辛苦到攞命.

接住就去飯館. 呢度前身係浪漫滿屋. 預左團餐唔好有啖好食, 真係無錯. 唯有食多碗白飯喇.

又識到一個同學仔既媽咪.

之後行程會去桑田園 .

 

仲以為係d 咩地方, 原來係一個推銷既地方. 仲有晒凳比我地坐係度聽講座.

 

每人送你一杯桑果茶.

 

完全無興趣既我地, 寧願走出去空地玩 Bubble.

家希仲同同學仔采霖一齊玩.

逗留左成個鐘, 終於可以走. 等車中見到呢架剷泥車.

 

最後一個景點就係河上鄉. 任食豆漿同豆腐花喎.

一落車就有陣陣既豬屎味. 聞完呢陣味黎嘆豆腐花, 真係第一次囉.

 

仲有成群烏英相伴.

 

任食又點食到呀, 都係每人食一碗就閃.

 

對面就係美真棧. 就係咁, 我地就完左1個親子旅行, 點解我地既

 

親子旅行無集體活動既?