【2014年大事回顧】

話咁快又一年, 2014年對我黎講比2013年, 由於犯太歲,所以好多嘢都預左唔會太順利.
不過我地依舊發掘左好多新地方去玩, 係一個好好既回憶.
家希相對比往年更進步, 大過仔真係唔同D.

係時候回顧下 !!!

新一年第1日就去學人睇紅葉, 估唔到真係人山人海呀~

【曲奇樂】

佳節將至，與友人一齊動動手親子樂。
由於雙手經常會沾污糟，帶備EOS 700D，貪佢夠輕巧，隨時隨地拎上手影相都方便得多。
家希第一次動動手製曲奇。
初次接觸篩粉，有點束手無策。

【稻米呀！大開眼界。】

想像唔到, 原來香港都有稻米田.

之前收集過資料後, 鎖定目的地就進發.

呢度四周圍都係菜田, 零零舍舍有幾幅金黃色, 就知道佢係稻米田喇. 好好彩仲未收割.

老實講, 我都係第一次見到稻米田咋.

我地食既米就係咁種出黎.

【田徑比賽初體驗】

家希4歲幾, 終於可以參加田徑比賽,由姑姐給予資料,決定報呢個基構.

原先10月初就舉行, 點知因佔中問題, 大會決定延期, 最後改為12月初其中一個星期六初進行.

【Funny SweetWalk】

 

早排無意發現呢個SweetWalk 活動係响愉景灣搞.

一向都好鐘意愉景灣呢個地方, 零靜舒服, 隔中入黎Releax下都係個好好既活動.

【郊遊樂】

還記得以前同Papa拍拖時,，差不多一年總會去長洲一次。
自家希出世後，再無踏進長洲呢個地方。
今日終於抽到時間入長洲逛逛。

【K2 秋之旅行 2014】

 

入秋後，學校舉辦第一活動就係親子旅行。

 

地點：佐敦谷公園＋西貢碼頭遊。

 

其實呢兩個地點我地黎講，都是閒時常去地方。 

不過我都希望家希可以與同學仔一齊去旅行，開心下，聯誼下。

【泡泡樂逐個追】

相信很小朋友都好喜歡玩Bubble，自小家希喜歡做主導而不是追逐個果。

真係有點奇怪，不是做追逐那個會比較興奮嗎？

新購買既Bubble，明顯中伏了，太長之餘，我地還有每次要插入再取出係非常艱難，何況仲要係個小童。

【東壩遊】

今日向西貢最東邊出發，目的地就係萬宜水庫東壩。
由於這個區域屬禁區一部份，一般只可以乘搭的士出入。
我們由屯門揸車到北潭涌再轉的士，足足用左兩小時才到達。
雖然長途跋涉，不過到達後眼前風景真係嘆為觀止，再辛苦也值得。

【夕陽無限好】

難得今個週日無節目。 

Papa提議去粉錦出名茶座嘆Tea。 

呢度係紅豆冰，好好味!!

【九月忙不了】

無經無險, 這個9月快要告別同時即將向夏天Say GoodBye.

我愛既秋天終於要來臨喇.

開學差不多1個月, 因全日班關係, 功課係學校辨妥, 咁我就慳番D勞氣同埋唔駛再死細胞.

K2一開始就要寫字, 亦因為個Summer Hoilday 有比家希練下字,及早適應下. 咁樣開學見佢都唔算太辛苦.

【開學日。慶祝日】

眨下眼, 暑期完結, 又要收拾心情開學喇.
仲記得一年前既今日, 係忙於搵學校插班, 搞手續買校服, 咁快就一年Lu.

【懷緬暑期 】

開左學2日, 日常生活上終於變番有規律.  又開始要煮飯買餸喇~

過去個兩個月暑期,  話咁快就完結. 感覺上有好似仲有好多節目未進行.

 

這個暑期, 家希初試離家投宿, 估唔到完全無難到佢. 仲好Happy 添. 

保姆姨姨休息一個月, 由朋友代湊, 又去婆婆家, 前前後後住左6 日, 又去表姊家過夜. 相對我地倆公婆可以二人世界.

 

懷緬下呢個暑假做過D乜!!

由7月初, 學期完結前, 學校搞左個運動會.
 

【大水霸小家庭】

藍天白雲，又是外出郊遊的好時機。
今天選取香港東的大潭水塘，對我地黎講，這個水塘好方便。
駕車可以駛至水壩入口相近的路邊，行幾步就見到這個宏偉水霸。
今天幸運了，剛巧遇上排洪。
仲無意中發現天上的白雲有點像心心！

【沙灘樂】

繼上星期海下之旅後, 沙灘樂唔好比佢停.

今個禮拜即興走一轉愉景灣.

其實我地好鐘意愉景灣呢個地方, 泊車又方便, 係欣澳轉一程巴士就到.

呢度勝在無乜強國人, 係我至愛之一.

未玩前去衣肚.

【海下之旅】

呢個夏天, 拖到而家至黎下水禮.

今日決定山長水遠入黎海下游, 貪佢呢D水清又乾淨.

【學警出更】

相信好多人童年志願都想做警察。
從小家希口邊不停掛著，將來要做警察，原因應該係覺得警察好叻，好威嚴。
某日在面書上得知舉辦「鐵騎巡警暑假學堂」，好好彩，有朋友邀請一齊Join媽咪會組團參加。
在面書預告中，得知有車揸，男孩子的家希當然興奮到不得了。

【鬧市中的綠地】

一向都覺得站在西九龍海濱長廊望出去個 View 好正.

撞啱今日藍天白雲, 好美的天空 !

呢度勝在人唔多, 好舒服 !!

仲有個大草地, 鬧市中難尋一塊乾淨係草地哦~

【嬉水樂趣】

炎熱夏天，不是逛商場嘆冷氣，就是去暢泳。
今日選擇唔駛去沙灘，泳池都可以玩水。
東薈城對出既大空地，總會聽到一群小朋友歡呼聲。
今日帶家希來個盡情耍樂。
遠處望見，已急不及待，要衝去喇！

【純潔友誼】

眨下眼，K1學期完結了，今日有幸參加家希學校散學禮。
家希有份上台表演，真係好難得。
因為家希一向都唔會在人前跳舞，今次老師讚賞，由啦啦隊調至跳舞隊。

【黃昏下之黑灘】

其實新界西有一個黑沙灘。

仲要好多影相發燒友專誠入黎取景。

家希第一次黎，遠望個灘已經高興不得了。

要嘗試水上飄喎～

【炎夏登山日】

夏天來臨了，近排活動多數選擇親親大自然。 趁今日藍天白雲，帶家希黎一次登高，仲要係香港最高的山：大帽山。
老實講，三十幾度氣溫，踏入最高峰的山頭上，真係想講一句：「好熱呀！」
炎熱天氣登山，盡量攜帶最輕便器材，700D就最理想不過，陽光足夠既天氣可選用P Mode，自動ISO，陽光充足，任由相機全自動設定，我也可以邊玩樂邊拍照。
家希第一次登山，興奮極了。

【尋星記】

繼上星期親親大自然後，今個禮拜再接再勵。

天陰左２個星期，個天終於放晴，曬到眼都掙唔大。

今日我地決定去尋海星，香港某個地方，都算係保育區，聽聞好多海星出沒。

【潮退之樂趣】

遊山玩水，尋求新景點，係我地一向作風。

今日Papa帶我地遊山貢，經過西沙後，有個地方叫【泥涌】。

它是一個石灘，撞正家希著水鞋最啱不過。安全起見，無謂赤下腳子。

【踏之初體驗】

家希一向對車類興趣甚大。
今次俾家希試試新玩意－ Strider Bike
Strider Bike同一般單車不同之處，就係無腳踏，是學習平衡既一種好途徑。
雖然當日無藍天白雲，加上拍攝小朋友，但我選用咗TV Mode (1/400秒) 加AUTO ISO。較快速度的快門容易捕捉到小朋友的快速又突然的動作，AUTO ISO就方便相機自動調校光暗。
咁樣就唔會錯過小朋友既每一個動作及表情。
準備上堂前，點點名。

【挪亞方舟之親子活動 】

 

復活節當期榮幸得得到Supermani 邀請參加親子攝影活動.

我特意比約定時間早半個鐘到, 原因爭取時間四圍影下相.

 

平時周末, 這裡都係一對對新人,  影相聖地嘛 ~ 

【畫在家中】

家

希3歲未返學就已經上畫班, 原因Playgroup 超齡要退役.

而我想家希嘗試獨立上堂.

由深井畫室A轉至市中心畫室B, 大大話話都學左年半喇~

畫攻有無進步, 見人見志 !!

不過最唔鐘意畫室姐姐做槍手, 一次再一次, 感覺變質了.

邊玩手機邊教授, 小朋友又能夠學習嗎 ?

無法忍受及經朋友推介.

【合味道工作坊】

一年前錯過左呢個工作坊.  意外地, 經面書得知今年再次舉辦. 興奮極!

齊齊動手 DIY 杯麵, 其實只不過係 DIY一個獨一無二既圖案, 再自選材料.

【Golf之趣味】

家在大西北，附近唔止有沙灘、單車場，連高爾夫球場都有，非常方便！
趁週末咁好天，一於去曬下同吸收下維他命D。
而家康文署旗下設施可以網上Book場， 極之方便。由於表姊有球杆，我地只用了12蚊（一小時）租場，好抵玩！！
咁大個Golf？唔係，原來係垃圾桶！好特別喎！！

【初碰滋味 】

夠高喇,夠高喇 ~

終於夠100cm,可以嘗試碰碰車滋味！ 又期待又興奮！

 

其實我覺得碰碰車都幾危險,怕佢撞擊力太大而整親,所以再三叮囑Papa加倍小心.
幸運地, 其他對手都係差不多年齡亦由爸爸相伴, 咁就安心得多.
可能男孩子關係，家希總是特別熱愛車, 亦熱愛自己控制呔盤.
當哥哥話 : 呔盤位置要由成人控制時, 他即死去活來樣子, 多麼悽涼！十萬個不願意

【溜冰的樂趣 】

好多人話, 小朋友相差一年, 差好遠.
同時小朋友學嘢好快, 今日唔識, 聽日可能無拿拿學識.
半年前, 家希第一次溜冰, 當時we嘩鬼叫皆因無安全感係佢最大致命傷.
就算有企鵝伴行, 最終10分鐘強行離場.
堅決以後唔再溜, 列入為黑名單喎~

【雨下寫真 】

 

邊個話落雨唔出得街. 赻今日仲係烏雲蓋頂, 出發拍寫真噢 !!

小朋友著起雨衣, 水鞋+小雨傘, 感覺好可愛.

【「Cheese! Mami」兒童攝影工作坊】

今日參加埋一個Event.

兒童攝影工作坊, 啱晒家希喇, 因為佢都鐘意影相, 可惜部Canon傻瓜機壞左. 所以都無咩機會比佢影下.

 

【親親動物園】

深圳野生動物園, 上年以團購價 HK99 首次帶家希北上親親動物.

 

玩過番尋味,今年仲抵, 只需HK79咋~ 小朋友未夠120CM可免費入場.

【卜聚 】

由寫Blog 令我認識一班媽媽們. 仲訂立「十年之約」,  到時我地要執番d 眼耳口鼻出黎聚下, 唸起都好好笑 !!

唔知10年後, 我地會變成點呢?

 

今日我地單拖D細路出去學下闊太High Tea.
 

【尋蛋樂 】

難得個復活節, 家希居然病, 好好地既假期就泡湯了.

抖左又悶左幾日, 最後一日假期終於可以出去吸下新鮮空氣喇.

 

沙灘尋蛋去.

 

姑媽姑姐一早準備晒D 蛋, 仲好有心機畫晒公仔, 好Kawaii~ 

【久違了。迪士尼 】

 

2013年度, 因為有Annual Pass, 差唔多2個月就去1次. 玩餐飽.

Annual Pass 到期, 老公話要暫停一下抖抖喎.

啱啱今個月, 朋友用Annual Pass 優惠價幫我地買左2張入場飛 ($225/1張)

【深圳市兒童樂園 】

今曰興致勃勃, 帶埋家希即興北上去玩咯~
目的係為呢個兒童樂園.


位於深圳福田區農林路有個兒童樂園,佢係一個好大既公園又有機動遊戲玩既樂園.
有部份遊戲係免費.
其實交通都好方便, 落馬洲站再轉地鐵,再步行10分鐘就到.
不過我地去程揀打的, 探一探地形, 癈時浪費時間搵.
打的就20分鐘左右到. RMB大約30-40蚊.

【再 Encore 環保農莊】

隔左1個禮拜, 我地約埋姑奶, 3個表姊弟又再黎環保農莊.

今次決定要燒埋雞奕. 成人都係$110, 小童半價, 真係平到邊度搵呀?

【向世界出發】

早一個月前, 團購價 $ 130蚊就有一張世界之窗入埸飛,  家希未夠130cm高, 唔駛錢, 拿拿搵埋姑仔 Join埋去一趟.

仲記得自己細個果陣, 身邊D 同學都去過晒, 而自己都係响家希出世前2年, 先至第一次踏足. 真係 OUT 左D.

相比家希真係幸福得多!!

最快捷方法又深圳灣口岸過關. 估唔到今日唔多人喎~

【環保農莊】

踏入春天時份, 又係時候去郊遊.

老公搵到個好地方 【環保農莊】.

【4小無猜の卜友聚會】

3個女人一個墟, 4個細路會係咩 ? 咪係嘈嘈吵吵嘻嘻哈哈.

隔左成9個月無見, 估唔到佢地一見番就可以咁Friend.

【首次 K1 家長日】

期待而久既家長日終於到, 心情又興奮又緊張.

在職媽媽既我, 又唔可以日日接放學, 通常靠ee把口轉達我知.

家希入呢間學校都係即 in即讀, 根本無時間比佢適應, 感恩個傻仔由第一日返學至今都無扭過計, 無喊過, 好勇敢.

仲日日都話好鐘意返學, 返學有好多玩具玩喎~

等我之前一直擔心佢喊既問題, 原來係多餘既想法.

可能佢自己都知生活上有轉變, 所以令佢都長大了.

上學期終完結.

等候中, 睇住家希份發展報告先.

【家希愛打工 】

其實早係一年前, 已經知道呢個地方.

雖然佢話明3歲就可以Join, 不過個陣又覺家希仲細, 未必聽得明指示.

而家4歲, 加上又返左學, 多唔少都知道人地講咩 .

加上新春優惠, 成人唔駛入場費, 咁就抵玩好多.

專登揀番平日仲要係情人節添, 貪佢一定唔多人.

如我所料, 真係得十幾個. 所以玩得好Free 影得好Free.

【團拜忙不停】

繼新蒸頭忙完一連4日後, 返左2日工過冷河後, 又繼續開始忙團拜.

團拜前, 仲抽左少少時間帶家希去影相.

奧海城.

【甲午新春記】

 

今年起, 大年初一唔駛再撲出去拜年, 老公又係例排做通頂, 所以齊齊又瞓又Hea到中午.

【4歲 Happy Birthday】

 嘩！真係眨下眼，呢個小豆釘就4歲.

呢4年, 好多野都轉變左好多, 真係有血有淚.

4年前既今日, 家希出世個刻,我望住佢個樣直至而家我仲好深刻.

【澳門遊- 下集】

終於有時間寫埋下集.
老實講, 龍床真係不如狗竇. 我地兩公婆成晚都好似無乜點瞓, 碌黎碌去, 又發下夢又醒下.
未夠9點, 個傻仔都起身LU.
都4歲咯, 自己去梳洗, 應付到既.

【澳門遊- 上集】

期待而久既澳門之旅, 終於出發喇.

老實講, 我都未正正式式過澳門玩過, 所以有好多地方都好想去.

 

本身唸住直接向酒店Book房, 不過左Check右 Check, 其實發現係同網購買都相差唔1,2佰蚊咋, 最後癈事煩, 直接網購都好方便. 去番分行拎船票同 Confirm Email 去Check in就搞掂.
而家網購2大1小連埋船票+夢工場早餐都係 $32xx.
 

尊登Plan 好1月中出發, 過左聖誕, 又未到新年, 唸住唔會太多人, 加埋就當為家希慶祝4歲生日.

雖則瞓得1晚, 查實帶埋小朋友出門, 都幾多林審野要拎, 索性拖喼去, 等老公唔駛咩得咁辛苦.