不過我地依舊發掘左好多新地方去玩, 係一個好好既回憶.
家希相對比往年更進步, 大過仔真係唔同D.
係時候回顧下 !!!
新一年第1日就去學人睇紅葉, 估唔到真係人山人海呀~
跟一班攝影媽媽團開 Blog 合作分享下攝影+生活趣事.
http://supermami.com.hk/
好耐都無出外玩過, 落實去澳門2日一夜.
專登揀係家希4歲生辰去, 順便慶祝一番.
想像唔到, 用左2 Day時間, 成個澳門差不多比我地玩盡.
係酒店吹蠟燭渡過4歲生辰.
2月份
我部 Iphone5最終都捱唔到過年, 趁仲開到機,拿拿林 Trade左佢, 再買過部5S, 金色機身+泵把框,真係靚到暈.
今年跟姑奶去年宵, 收穫豐富.
大年初一, 走左去荃灣仲遇見財神.
初二, 家希同表姊走左去摘士多啤梨.
初三赤口, 百無禁忌, 林村許願樹+小白鷺撐艇仔.
初四老公朋友Garthering.
初八開始又再朋友團拜.
初九去一去車公廟轉下個運.
下埸Blog友團拜.
初十老朋友見面,睿睿與家希.
咩事仔與家希.
一輪活動後, 我地兩母子開始輪流病, 家希一開學就要請病假一星期, 最後仲要生埋唇瘡.
童夢城有優惠, $320包 1大1細, 比家希試下打工滋味.
第一次去消防局Open Day.又好話好多野玩既.完全唔覺囉.
4歲既視力普查 Pass 左.
用左4年既冷氣, 第一次叫師傅洗冷氣, 原來係咁樣洗架.
3月份
入左支副廠鏡, 正!! 以後唔駛再人肉zoom.
學校生日會主題係角色扮演. 借左套鴨仔衫. 好可愛!!
第一次家長日.
再一次Blog友聚.
團購價$130 世界之窗, 約埋殷殷表姊北上去.
真正目的係為左呢個冰館, 可以滑雪.
今年係第一次BBQ.
呢個農莊既兔仔好精靈活潑.
Papa 居然買部扭蛋機比家希.
第一次觀課.
臨近4月, 遇上今年度第一次黑雨加落苞.
4月份
踏入4月頭, 家希又病足成個禮拜無返學, 兒童節加送一支抗生素.
另一個大Poject, 開始响BK度寫Blog分享生活攝影.
http://www.baby-kingdom.com/pub/customer/canon_family/
Annual Pass過期後無再申請, 趁優惠價$450 買左2張門票同家希入去玩餐飽.
初次北上深圳兒童遊樂場.
契媽生日.
復活節節目. 有幸被Super Mami邀請去 NOAH度玩番日.
跟表姊們去掘蛋.
首次同Blog友一齊去食Lunch Buffet, 6個人只比3人價錢,抵呀~
轉機及開始學用Kit鏡.
今年薪金都有調整.
公司阿姐因病開始放無了期病假.
5月份
再用團購重遊動物園, 比起上年99蚊更要平, 只係79蚊咋.
重點多左個水上樂園.
又到我病, 扁桃腺發炎, 全失聲,辛苦爆.
淨係呢兩個月, 我地兩母子不停睇醫生都睇左成3千蚊, 赤!!!!
入手第一對水鞋.
學人影雨下寫真.
家希長大了, 開始唔再驚溜冰, 嘗試自己踏出第一步.
家希夠100CM高, 終於可以嘗試撞撞車既滋味.High 爆!!
去樂安排買彩虹傘. 曬到暈!
不過好多玩具睇呀~
終於忍唔住,帶左佢返屋企.
開始迷上奶茶.
6月份
相隔半年, 終於同婆婆見面.其實佢都好掛住家希.
第一次食爭鮮,原來都幾好味架喎.仲以為平嘢無好嘢添.
受夠畫室 Hea住教既作風, 由今個月開始, 唔再去畫室畫畫, 經朋友介紹下, 由姐姐上門教, 起碼每一筆都會係家希親手做.
撞正世界杯, 再一次踏入影樓影相.
DIY杯麵今年又黎香港搞, 同家希去玩下.
重遊舊地, 春坎角!!
初試Strider Bike, 膽小鬼家希, 需要時間去適應.
踏入初夏,開始玩水喇 ------ 泥涌.
接著去尋星, 真係偏地海星. 好壯觀.
龍鼓灘影黃昏.
7月份
一返學, 又病, 好彩只係請左1日假.
由今個月起,轉去另一間中心上Phonics.
第一次食牛角, 哇!! 貴價唔飽.
Papa帶我地去食榮昌茶座食Tea, 呢度既紅豆冰出名好味~~
最唔想既事終於發生, ee提出唔再湊家希, 鬼咩~ 曳得濟,搞佢唔到, 煩惱~
經老公同ee傾計過後, 暫時8月休息下停湊,9月份會轉全日班, 到時對住時間會少d, 可能會好d.
放暑期前, 學校搞左個運動會.
今次仲比我認識更多媽咪.
第一次Join同學媽咪既活動.
第一次食份子雪糕.
製作過程好吸引,煙霧迷漫.
趕得切尾班車去 PMQ睇1600隻熊貓.
終於入手第一部防水相機. 玩水就唔再驚整濕部機啦.
K1完結前, 整左2張心意咭比老師.
散學禮, 家希刻服了心理作用.
老師大讃, 仲調去跳舞組表演.
無拿拿生左眼倉,都唔知係咪學校d化妝品唔乾淨.
西鐵故障, 由荔景返屯門足足用左2個鐘, 最後車費免費及送多張單程票作補償.
咁大個女第一次去書展, 豐富收穫.
最貴都係個部平板電腦, 但又送番盒LEGO當贈品.
學人買左支自拍神棒.
ee送左張首影飛, 家希又可以同多拉A夢合照之餘, 仲要係第一次入戲院睇戲.
原來西九龍都有得租單車.
由於ee今個月休息停湊, 幸運地搵左個朋友幫手.又去下姑媽同婆婆度住下. 咁就解決晒湊既煩惱.
經朋友幫忙, 家希可以去做學警. 幾型仔!!
踏入8月至有時間去沙灘玩,
申請左禁區紙入海下, 出名水清沙幼, 仲可以玩埋浮潛.
沙灘樂唔好比佢停, 啱啱曬完, 今個禮拜又去愉景灣.
OMG~ 多多防曬都唔夠.
原來雪糕都可以炒架.
好幸運, 遇見水霸排洪.
忍不住,買左支閃燈.
暑假即將完結, 再去一次農莊同大撻地.
我咁大個人都係第一次睇舞台音樂劇, 唔怪得張飛咁貴,不過真係好好睇, 都值得既.
又係時候同老朋友見面.
好耐無食過韓.
為答謝姑媽同姑姐暑假既幫忙, 同時提早慶祝Papa生辰, 係暑假完結最後1天去擦餐勁.
9月份
未開始放暑假前, 感覺上暑假好漫長,點知眨下眼就要收拾心情要上學去.
一開始適應都沒有就要返9放4點半. 頭1個禮拜家希好唔習慣,居然喊起上來.
我都明白既, 轉左全日班,同學仔大部份都唔認識, 識個d只係返半日就放學, 唔適應都理解.
開學日= Papa正日生日.
幸好, 只需一個禮拜, 慢慢接受.
全日班要帶埋被舖返去瞓覺啦~
差不多年年朗豪城都有Hello Kitty, 今年仲拎左幾個靚靚氣球.
亂打亂撞, 年初畫室有比賽, 家希有幅畫得獎, 可以上台拎獎狀.
多加訓練,終於可以食到隻雞亦乾乾淨淨.
經同事買到迪士尼預演飛.
夜晚個巡遊, 極之正~ 好好睇.
期待而久既曲尺梳化終於到.
以後我可以灘係梳化睇電視.
小丸子兒童8達通.
學校興趣班, 逢一,二五都係學校度上.
初遊郵輪碼頭, 又係一個好放電既地方.
10月份
因佔中關係, 紅遂暢通無阻, 難得一見.
久別石澳, 原來石澳個沙灘d浪真係好大架.
之後仲走去食 Soft Creme.
第一次去峰峰家玩,佢兩個豆丁真係好啱KEY.
話咁快就5年喇, 家希本護照夠期要換.
4歲9個月既家希, 發現有飳牙, 第一次面對補牙經驗, 好勇敢呀!
計劃左好耐既長洲之行, 終於落成, 最開心當然係家希, 又去玩沙喇.
海鮮必食, 平到笑~ 4樣海鮮+1碟菜都係208蚊咋.
日落之美, 下白泥睇日落係必選.
9月尾Apple又出新機, 其實我鐘意部 5.7寸既Plus多d.
而家用住部I phone6 都ok, 個Mon比起之前都大左.
依然愛土豪金.
踏入秋涼, 決定去西貢最東邊, 萬宜水庫東壩, 雖然車程真係好耐, 不過到達後既景色, 辛苦也值得.
等左成個月既相架, 終於貨到, 個廳即刻完美晒.
大埇海濱公園草坡吹Bubble. 估唔到好多人!!
11月份
又係踏入我既生日月份.
佔中已經一個月喇, 初次踏入旺角.
仲去食峰蜜雪糕.
今次輪到峰峰黎我地家做訪客.
兩條友仔成日爭玩具, 嘈到不得了.
轉頭又Friend番, 仲一齊去打冷添.
用左4個禮拜時間, 呢套港鐵車終集齊晒喇.
生日正日係星期一, 無特意安排節目, 買左個蛋糕同壽司簡單慶祝已經好滿足.
還收到好友既心意. 好意外!! 都係個句 【朋友, 常在心已足夠】
屋企個堆即影相紙得個擺字, 而家終於唔駛晒.
同事仔生左B女呀.仲有幾日才滿月, 好可愛呀.
睿睿又大過仔喇, 年初見面仲未識行.
合一亭真係取景一流.
老友記同我補慶生辰, 好豐富既BBQ.
另一邊, 小朋友們玩到顛.
再接著朋友聚會,一齊戶外親子樂.
11月最後一個Weekend入左去愉景灣,知道有呢個Funny sweetwalk, 啱晒家希,又黎跳彈床.
12月份
今年第一次參加同學仔生日會.
初次參加田徑比賽.
代表學校參加超級童聲比賽.
趁未收割, 初次接觸稻米田.
聖誕將至, 我地棵聖誕樹也亮燈.
唸住睇中醫調理下身體. 點知食左一劑藥,就乜都谷晒出黎,
唇瘡,發燒,牙肉痛,喉嚨痛. 這個聖誕名副其實要戒口戒口.
呢D係今年為家希準備了糖果袋及小食帶返學校分享.
今年聯歡晚會加插K2小朋友表演. 家希表演抬搼道.
好開心, 今年個聖誕吊飾同攝影比賽都得到獎.
又到一年一度聖誕巡禮,周圍影.
平安夜- 家希依然跟Mama我返公司開Party.
之後約埋姑媽姑姐去環球嘉年華.
聖誕節-同埋軒軒去數碼港跳彈床.
Boxing Day- 走左去一蘭朝聖.
除夕公司放半Day, 同家希倆口子去睇英雄大聯盟.家希好叻仔,全程都好集中又無四周擰.
沒有留言:
發佈留言