【挪亞方舟之親子活動 】

 

復活節當期榮幸得得到Supermani 邀請參加親子攝影活動.

我特意比約定時間早半個鐘到, 原因爭取時間四圍影下相.

 

平時周末, 這裡都係一對對新人,  影相聖地嘛 ~ 

【雨下寫真 】

 

邊個話落雨唔出得街. 赻今日仲係烏雲蓋頂, 出發拍寫真噢 !!

小朋友著起雨衣, 水鞋+小雨傘, 感覺好可愛.

【80's Old School Look】

終於有時間可以執下d 相, 早係開學前, Join 左Jenny 既80後Old School 攝影.
呢個Topic 我極Like,  幫家希入K1前影番輯學生Look.

【新鏡+配件】

自4月升Grade 後, 一定都好滿意單反既作品. 真係比一般 3/4無反既感應快靚正.
最重要連唔夠光既地方, 都可以Keep到一定水準.

之前跟機另配支50mm定焦, 貪佢平平地, 7佰蚊有交易又係 F1.8大光圈.

【Studio初體驗 】

一向都唔會晒錢比人影相.

今次唯一改變我呢個唸法, 係因為見平平地, 又想支持下Miss搞既活動.

Package 原本只係一個鐘攝影, 因大家太投入, 最終影左成個半鐘.

Jenny真係好識氹小朋友, 由最初Cool 爆既家希, 只需10分鐘, 即變Firend 晒.
又玩又笑又顛咁影.

最後影左成二百六十幾張相.

Package 只包15張咋, 真係幾難揀. 差唔多張張都好正.

我同老公商量過後, 唔太想駛太多錢, 最後額外揀多10張相.
 

【新玩具 - 即影即有】

呢排即影相機好鬼 Hit ! 早2個星期朋友仔買左部 Mini 8, 雖然我無真正過手玩過, 不過當晚聚會, 狂掃左4盒相紙, 真係影到上晒癮.

早幾日又到我心思思想買番部, 查實部機唔貴, 5佰蚊有找. 貴在係相紙.



知道元朗有間賣相紙平好多.

【升Grade了】

升 Grand 喇我, 真係估唔到我最終都係轉左單反, 仲記得自己曾講過, 唔會用呢d 黑色既機, 咁Man 咁. 所以鐘情Olymplus 呢類無反相機, 又可以換鏡.

但原來人既要求係會不斷提升. 就算我換左大光圈既鏡, 做到景深效果.  但感應此終唔夠快. 仲有陣時唔夠光線既地方就無法影到靚相.

Canon 必定係我首選, 咁多個型號既單反真係搞唔清. 最後同個Sales哥哥傾左好耐, 就揀左呢部650D. 初階機. 再另外配支F1.8 既大光圈餅鏡, 呢支鏡好抵玩, 只係七幾百咋.

【相機 の保護】

呢個品牌係我 Miss 介紹.

一直以為相機袋都係大大舊舊, 好似皮料書包款, 唔係我杯茶.

點知個日Out-door上堂, Miss 用緊果個幾鬼型, 又唔土. 就咁愛上了.

可惜衰衝動, 買左個細size, 雖然呢個 Size 係好輕便, 亦啱啱fit 晒位塞到部機, 不過想帶多個鏡頭都無可能.

思前想後, 都係後悔, 仲要返到屋企乜鬼牌都剪晒不得止, 連張單隨手掉埋囉.

想換都難啦!! 

尋日又心思思再去睇過, 老公多口問過 Sales, 點知佢肯比我換, 總知係7日內就OK.
真係好開心, 仲諗住要洗多舊錢買多過. 而家又可以慳到錢之餘仲唔駛浪費個唔 Like 既袋.

【攝影班】

4月中已經報左一個攝影班,一連2堂, 每堂2個鐘.

上左第一堂, 已經覺得好有得著, 可惜到左第二堂, 我就啱啱病左去唔到, 真係好失望. 知道第二堂教既嘢亦係我想學既嘢.

事隔左2個月, 終於夾啱時間, 今堂係 Outdook 活動, 可以實習吓.

上方: 慢快門, 水柱似一條絲咁
下方: 快快門, 可以見到一點點水點.

【新相機】

一向好鐘意影相既我，去親邊, 都會影一餐.

無論以前貓貓地又好, 又或者今時今日有左小朋友都好, 一得閒無聊就會影影影.

本身個部係 Canon, 我好鐘意呢部機, 個mon又勁夠大, 不過要影郁黎郁去既家希, 一定差少少, 要影幾廿張至有1,2張得OK.

單鏡機影就一定GOOD, 不過又嫌大部, 拎出拎入好唔方便.

朋友仔又買左呢部機, 影出黎既相就係靚好多, 快門好快, 影郁黎郁去既家希都無問題. 連夜景都好靚, 傻瓜機 Canon 影夜景就差左d. 所以次次影完都要係電腦到執相.

最後氹左老公資助我一半. 哈哈 ~ 最後得手左.