黎到呢個旅程最後一日，今日Plan左會自駕遊，唸住拎左車返酒店 pick埋行李後就向景點出發之後就可去機場走，咁就唔洗再行回頭路返酒店。
今早決定去黑門市場。
不過原來佢兩仔爺，一早起身對Ｄ燒物係無興趣喎，話要食番普通早餐，真掃興！
食完後差不多９點，Ｄ舖頭就啱啱開到七七八八啦！
其實我好想試下海膽，原隻即開海膽，1500Yen。我一個人食，真係好奢侈！
見到有水果，哈密瓜，500Yen。真係好甜美！
家希個樣完全係昅實你食幾多舊咁。
之後見到好多長腳蟹呀，燒凡立貝呀，和牛呀.......全都無食囉，因為佢兩仔爺話飽喎！唉～
沿路經千日前線方向去難波Toyota 拎車。
呢度就係我地酒店對面，晚上人山人海呀～
跟住個Google Maps黎行，其實都唔難搵。
辨好手續後，就可以去拎車，我地揀左P2 車種，係東Ｘ遊度book，仲要信用咭優惠，都唔洗 HK$500。
出外自駕遊都係第一次，Papa亦第一次用導航，佢話佢係香港自己咪係導航囉～
返酒店拎完行李後，就向今日個景點＂Harvest Hill＂出發。
其實大阪好多景點搭地鐵都到，揀呢度就係知佢要地鐵再轉巴士，較繁複！
今日曬到爆～～眼都睜唔大咁囉～
大熱天時黎滑草，真係好顛！！300Yen可玩15分鐘，不過家希玩左 2 round就放棄。
又見到摩天輪，大阪真係好多摩天輪！
天鵝水上單車，好趁呢個湖～
呢度仲有得揸牛奶，假牛就玩得多，真正一隻牛，我都係第一次。
不過.............太多烏英啦，搞到我自己都驚驚地，更何況家希，熱到佢成瞼紅噹噹。
隔離就有得玩水，免費的～
家希就正啦，有水玩，我就乾蒸到身水身汗。
呢度仲有更衣室比你換衫！
之後準備去Outlet，路途中，見到老麥，一於試下日本既老麥。
兒童餐玩具分左男同女，家希揀左男，而個玩具係密封，唔似香港咁就得揀，有神秘感。
去到Outlet，Kids GAP真係好抵，又有收穫。
行到６點幾就去機場，其實Outlet同機埸都係只隔左條橋啫。
機場又有比卡超。
可惜今晚班機又delay
今次旅程既收穫，終於比上次更豐富更滿足。
沒有留言:
發佈留言