今日行程要去遊樂場，所以當地時間８點就出發。
酒店一出，行幾步就係地下街，直駁難波站。先到客戶中心買左兒童版八達通，要填表及出示 Passport。張咭會印左家希個名。
日本地鐵可以食嘢，所以差不多朝朝早晨都係坐係地鐵度開餐。
係Ｄ Forum 睇過，去淀屋橋車站買枚方公園門票，會包埋京阪線全日通車票，相對去杖方公園呢程車飛唔洗錢。
去到枚方公園站，唔洗識路，遠處都見到個遊樂場，沿住行５-８分鐘就到。
睇日劇就睇得多，落閘火車駛過。大嫏里～～
係門口出示番响淀屋橋買個張門票再黎買任玩 Express，即９折優惠，大小同價 2700 Yen.
一入園都未開始玩，已經感受到火爐般熱，影左幾張相，頂唔順，要搵間餐廳坐底飲下嘢，解下熱。雪糕新地！
睇下地圖有乜玩！！
周圍都有呢ｄ噴霧。
第一個遊戲係向山上進發，基本上任何遊戲都唔洗排就玩得，有Ｄ似 Legoland咁。就算得你一個人，都會照開動遊戲。
腳踏式過山車，只有上斜段路會自動郁，其餘地方，唔踩係唔郁喎，又要考佢地腳骨力。
過山車，呢度有好幾款過山車，除了一個，家希唔夠高玩，其餘都玩到。
咁大膽，居然坐車頭～
唯一要排，就係呢個滑浪飛船。
日本人真細心，架船設計到咁高衝落黎．
佢地都可以一ｄ濕都無。
玩左唔夠一半，又真係好熱，順便去嘆冷氣＋衣肚。
抖完，又去玩過。有好多遊戲，家希都話自己玩。買 Express，真係抵番晒！
家希話好正，吹住風，要求再玩。又唔洗排，下一 Round接住玩。
玩到咁上下，係熱到咁上下，我又要去搵冷氣地方。
呢度有個小型室內動物園。正～又有得餵動物，又有得嘆冷氣。
有得餵動物，我地係發晒顛架，要入埸費都唔介意，另餵食每杯印象中係300Yen。
鴨都有得餵，笑死我。
呢隻唔知叫咩！？
死呢隻草泥馬好為食，成日係咁追住要食，食，食。
當我地已經餵左好多杯，起碼４杯以上。點知要走個刻至發現原來有樓上架。哎呀～～又要倒水啦！！
呢度有貓又有狗，就唔餵得，可以摸佢同佢玩。
自助機買乾糧，好似扭旦機。
呢隻羊，好鬼醒，見你係自助機前，已經不停咁叫你。
好似叫你快ｄ咁。
天竺鼠，第一次接觸，好可愛。用筷子餵，好搞笑！
Keroppl咖啡杯，係滿足阿媽我既要求。
玩呢個有ｄ超齡。
曬到眼都睜唔大。
臨走仲見到怪獸。
玩到４點幾５點。要離去啦。返酒店沖過涼就準備晚餐。
今晚食磯丸水產，係我最期待既一餐，酒店附近都有兩間分店。
不過佢地無禁煙區架，所以帶住小朋友，唯有張就下，盡量坐Ｄ無咁多煙民既位置。
個蟹蓋真係好好味，而家仲好回味。連家希都話好好味。
磯丸後，隔離街就係 Round 1，家希嘈住要夾公仔，隨便入左100Yen，撳左１下向左未黎得切反應就鬆手。
哎呀！其實我未睇位架，唯有算啦！！ 再撳埋向前，點知符碌勾到比卡超個條繩，就咁.......比卡超跌左出黎。
沒有留言:
發佈留言