【復活節第二擊 の荃灣樂】

完左畫班, 天陰陰, 仲有幾滴雨, 其實無乜戶外地方可以去囉.

一於去荃灣行下, 食個Tea.

經過荃灣廣場, 一早知呢度有活動, 起初以為只係 D 跳彈床, 原來天雨關係, 跳彈床Close左. 點知比我見到呢個親親乳牛.拿拿林排隊買遊戲劵, 10張, 最後買左5張黎玩下先.

【完結 の 點叢虫畫班】

最終都要了結呢間畫室. 老實講, 真係唔多捨得.
家希確實上得好開心.

亦係呢間畫室, 令家希成功可以自己一個人上堂, 唔駛黐實Mama. 唔再係一個喊包.

【復活節第一擊 の 深圳野生動物園】

落左成個禮拜雨, 真係好悶囉. 
復活節第1日, 一早安排北上.

擔心左成個禮拜, 今朝起身, 天公造美, 雖然唔係咩陽光普照. 起碼無雨, 已經心滿意足.

9點9 食早餐, 10點3出發去深圳灣過關. 從未見過呢個關口咁多人. 真係好嚇人.

幾經辛苦過到關, 又要再排隊等的士.

4個字車程, 30幾蚊人仔.

最後搞到差唔多12點至到達.

【大信封】

今日做做下嘢,  突然被招入房, 真係好意外驚喜.

原來有人工加喇!

對上一次係2011年, 足足2年至有薪加.

今次個幅度都唔錯.

期待埋下個月既 Bonus.

 

【激玩機動遊戲の冒險樂園】

今日個天陰陰, 唸到個好地方.
o益埋婆婆一齊去一趟.



黃埔, 主要原因係黎玩機動遊戲.
100蚊有5張飛, 抵過散買黎玩.

一黎到, 玩海盜船黎Warm up 下, 不過家希唔夠高, 要家長陪同.

【單車樂の悠閒Weekend】

由於晏晝要去新畫班試堂, 落堂都成4點幾Lu.

又帶家希去踩單車, 開心死佢.

老公依然租兩架車, 而Mama 我又係坐埋一邊, 呢度租車有個好處. 隨意換車又得.
佢地2個一人一架, 踩左半個幾鐘都開始攰, 加多少少錢轉左呢架家庭車.家希見到個呔盤,雙眼都發晒光.

最不可思意係, 前面個小座位居然係Mama 我坐, Papa 負責踩, 家希就全程揸住個呔.

【試堂の創意畫室】

比Papa 哦左我好幾次. 又話唔信相屯門區無畫班囉.

每星期六都要佢安排一大輪, 尊登兜我地去深井, 真係幾晒時間下.

唯有Mama 我再積極上網, 討論區係咁Seach. 終於有D 眉目.

無意間見到有小朋友响呢間畫班畫既畫同點叢蟲差不多, 都係多元化. 唔會單一只係用粉彩.

膽粗粗留言問吓Blogger, 最後仲安排埋試堂.

呢日, 朝早畫完食個晏抖左陣就去試堂, 都知道辛苦了家希.

傻仔初初仲扭計話, 今朝咪畫左囉.

呢個Miss 好建談, 一去到, 講左幾句就埋位上堂.

家希唔知係咪長大左, 我地話去買嘢比佢食, 轉頭返, 仲問佢想食乜, 佢大大聲話要雪條

之後我地倆公婆就閃人.

【2013-2016 の學卷】

早係2月頭, 經Blog 友通知,今年年度2013/14の學卷接受申請.

我都第一次搞, 真係唔知頭唔知路, 去番佢個網站睇下d 簡介. 再打去個Hotline 問多少少既程序.

因為人地都需要時間去搞, 所以拿拿林係新年前, Download 左份表, 填完就寄出去.

之後同D 朋友講開呢件事, 佢地又話係由幼稚園寄份表格比佢地搞, 仲問我做乜咁心急去搞. 其實預鬆D 都無壞啫, 梗何況佢地有經驗又唔同我分享, 只一味話到時就識就知. 求人就不要求己.

同時我又覺得好奇, 點解家希間學校完全音訊全無既.

又係3月頭, 終於收到學校既信, 自上年封取錄信後. 今次係第1次收信, 係安排返學校訂校服, 同時當日學校就派埋申請學卷份表.

就係今日, 收到封政府公函, 乜東東呢 ?

拆開....原來係學生資助個邊寄黎既學卷正本.

【親戚由遠方來】

家希個舅公一行3人Join 團來港旅遊.
婆婆又想招呼佢地.
知道今日係最後一日, 今晚夜機走.
晨早流流我地食埋早餐就趕住出老尖會合婆婆再去搵舅公.

最後轉轉接接係車公會廟度會合.

車公廟, 其實我都係第一次黎, 唔係正月時間黎, 真係無咁多人. 好流暢.
家希, 你比番d 笑容好無 ??
  

【悠閒星期六】

悠閒星期六, 最好不過莫過於去公園玩.

呢個傻仔成日最鐘意就黎公園吹Bubble. 仲成鬼日走埋去d 小朋友度吹, 我明佢心態, 佢想撩人地一齊玩.
唔通無兄弟姊妹真係咁悶嗎 ?
呢個老鼠洲兒童遊樂場, 搭車經過就見得多. 真正第一次黎. 佢以木製製成一架大木船, 周圍都好新淨, 老公話佢已經比D不良青年燒左3次, 唔怪得同新既無乜分別喇.

點解要燒佢, 咪貪玩囉, 呢度主要係用木製嘛 !

【相識10週年】

眨眼間.我地已經相識10週年. SARS 都係同年同月發生架話咁快就10年, 仔都3歲Lu.

最估唔到, 老公仲搵人送左扎花黎我公司. 計起上黎, 今次都係第二次係公司收花. 但咁大扎都係第1次.
呢度有10支玫瑰, 老公話代表呢10年喎!

【一切正常】

等左4日, 今日終於有報告.

如醫生所講, 只係頭骨生得唔靚.

x 光片報告一切正常 .

我呢個緊張大師, 總算鬆一口氣.

唸番轉頭, 當日係咪過份緊張呢? 好似發晒茅咁. 成晚羅羅攣攣, 係咪好傻?

起碼照左, 可以比我安心.

【連踩 2 日迪士尼 の 遊】

禮拜六朝, 照樣要上畫班, 接住急急腳趕去學校訂校服再Join 同事食完個晏.

同事係白金咭, 我地又可以免費泊車, 2點幾到達迪士尼. 真係好鬼熱. 好有夏天既感覺.

一入園就灰熊山谷進發, 皆因老公仲未去過.

老公單人玩極速礦車, 單人排隊只係15分鐘.

之後夾埋時間, 仲可以同米奇影相添.

【三聖の海鮮宴】

同事們撩起食飯.

今次仲話去三聖食海鮮, 其實係我屋企附近.
不過我就從未食過.

確實好吸引.

湊埋家希一齊食, 今晚家希好乖. 無扭計又唔駛我勞氣.

呢度最多人都係自己買海鮮再係附近D酒樓度煮.只係比烹調費就可.

好耐都無食過海鮮, 真係好好味 !!

【又驚又險的一天】

早係上星期六, 老公突然摸到家希頭後會點解凹左既. 再摸兩摸, 似有舊嘢咁喎.

禮拜二晚, 問過婆婆覺唔覺家希個頭有唔妥. 其實家希由出世個頭形都生得一岩一忽.

不過經過今次我地越摸就越擔心. 擔心到成晚無胃口食飯. 第二朝請埋假, 都係帶家希睇醫生, 照一照安心d.

晨咁早起身. 搭成粒鐘既車程, 去到婆婆執埋d 林審嘢就Call 車返屯門.

掛左號都等成個半鐘. 點解會咁多人架. 有電話玩, 家希坐停停無嘈嘈閉.

醫生摸完都有講可能係頭骨生得唔靚, 不過都可以寫紙去照一照.