【悠閒星期六】

悠閒星期六, 最好不過莫過於去公園玩.

呢個傻仔成日最鐘意就黎公園吹Bubble. 仲成鬼日走埋去d 小朋友度吹, 我明佢心態, 佢想撩人地一齊玩.
唔通無兄弟姊妹真係咁悶嗎 ?
呢個老鼠洲兒童遊樂場, 搭車經過就見得多. 真正第一次黎. 佢以木製製成一架大木船, 周圍都好新淨, 老公話佢已經比D不良青年燒左3次, 唔怪得同新既無乜分別喇.

點解要燒佢, 咪貪玩囉, 呢度主要係用木製嘛 !

Mama 我都醒, 基本上將佢玩既Bubble 用密實袋袋晒, 咁就方便拎出街. 又唔會整烏糟.

玩完Bubble, 梗係要真正落場係個公園度玩囉.

 

Mama 我最鐘意捕捉家希d 神韻. 

呢度又有呢d 平衡木, 多d比佢練習下都好.
訓練下佢d平衡同膽量都好呀!

連攀爬都有.
家希, 你攞d勇氣出黎呀! 成日鬼殺咁嘈做乜鬼.

之後過去海鮮檔附近. 有個小碼頭, 有d 船家泊埋左一二邊吹水, 我地3個人, 20蚊就載我地返對面. 的士錢都唔止喇. 仲可以比家希親身體驗呢d 吥吥仔既感覺, 船程只不過係5分鐘左右.
呢d 特色已經少之有少. 


去番屋企附近, 當然又去踩單車,
Papa仲答應左, 如果家希高度去到100cm就會買架單車比佢.
所以呢個傻仔次次返黎我地度, 都企埋個櫃度量. 仲自己講, 我要100就有單車. 要食多多飯.

Papa話今次自己都要租埋喎. 次次都用對腳跟住家希黎行, 真係幾辛苦吓.
今次租埋車, 咪可以同家希一齊踩, 一邊睇住佢咁話喎!

例必踩完單車會過隔離公園放電,  細路d精力真係旺盛, 玩極都唔識攰咁.

這個舖屎幾有型喎!