【試堂の創意畫室】

比Papa 哦左我好幾次. 又話唔信相屯門區無畫班囉.

每星期六都要佢安排一大輪, 尊登兜我地去深井, 真係幾晒時間下.

唯有Mama 我再積極上網, 討論區係咁Seach. 終於有D 眉目.

無意間見到有小朋友响呢間畫班畫既畫同點叢蟲差不多, 都係多元化. 唔會單一只係用粉彩.

膽粗粗留言問吓Blogger, 最後仲安排埋試堂.

呢日, 朝早畫完食個晏抖左陣就去試堂, 都知道辛苦了家希.

傻仔初初仲扭計話, 今朝咪畫左囉.

呢個Miss 好建談, 一去到, 講左幾句就埋位上堂.

家希唔知係咪長大左, 我地話去買嘢比佢食, 轉頭返, 仲問佢想食乜, 佢大大聲話要雪條

之後我地倆公婆就閃人.



一個鐘頭轉眼就到. 去到已經畫完仲响度同Miss玩緊掟波波.

諾言梗係要遵守. 一邊塞左支雪條比家希, 另一邊就同Miss 了解下家希上堂情況.

Miss就話頭半個鐘, 家希一粒聲都無出過, 對眼淨係望住其它小朋友, 一邊觀察一邊隻手畫畫, 不過完全無望住自己畫咩囉.

半個鐘後, 小朋友落堂, 淨番佢一個, 佢就 be lee 巴拉咁講嘢.

最Good 就係, 佢全程都無喊過. 呢點真係好安慰.

就係咁. 我地就交學費.

 

 

今日作品.
好老實講, 第一眼, 我真係睇唔到係乜. 只係覺得好綾亂. 不過經 Miss 解畫後, 都開始睇得出.
橙色個隻係貓頭鷹.黃色個舊係月亮.
以後就要用呢個就畫袋喇.