同事係白金咭, 我地又可以免費泊車, 2點幾到達迪士尼. 真係好鬼熱. 好有夏天既感覺.
一入園就灰熊山谷進發, 皆因老公仲未去過.
老公單人玩極速礦車, 單人排隊只係15分鐘.
之後夾埋時間, 仲可以同米奇影相添.
其實今次有準備衫, 不過都唔係太想比家希玩水變落湯雞.
淨係影吓相就算喇.
比人困左去坐監都咁開心.
咖啡杯, 每次黎到都想玩, 不過人多到哩.
今次唔理lu. 只係排左半個鐘都唔駛.
老公唔轉得, 唯有等我陪家希玩.
可能我一直都尊注住家希, 又唔覺得暈喎~
再過去巴斯度拎Fast Pass.
又有得玩水.
玩左陣, 個頭就濕晒.
好彩今日總算好熱, 都唔怕佢冷親既.
再去過Toy story.
呢個Shop 已經開左喇. 但門外佈置吸引我多d.
同事一早叮囑, 要準備飲品. 皆因次次都係園度用幾廿蚊買野飲.
所以今日做番個精明者. 逗留左成日, 只係駛左18蚊咋. 就係呢支雪條.
次次都無機會睇3D, 今次趁唔多人就睇一次.
傻仔知道有得戴眼鏡就不知幾咁開心.
家希都係第一次入院睇大電影. 全程Papa 抱住. 睇見佢都ok唔驚.
可能佢唔知發生咩事.
原本計劃會睇埋煙花, 不過玩到6點幾, 都係放棄. 眼見家希都謝謝地.都係返歸.
估唔到, 我地會一連踩2日, 老公話又唔駛錢泊車, 就當去冒險樂園玩咁喎.
尋日無騎木馬, 今日騎番夠本.
點知中途發生不愉快事件.
個死肥婆一個羅霸3隻馬都由得佢, 讓佢, 最後我揀最埋邊既馬, 總算係家希前面, 方便我影相.
點知個肥婆話我搶佢隻馬, 都痴Q線, 連橫3隻馬都比佢霸左, 好話我搶佢隻馬, 把口仲唔收仲不停講.
度氣真係忍唔到囉, 最後同佢開戰.
職員調解, 問我地拎左d資料仲問有咩遊戲未玩, 就寫左張紙我地唔駛排隊都可以玩既彈曲狗.
家希都係第一次玩呢類型既機動遊戲.
哈哈~~ 佢把尖叫聲响到就快震聾我隻耳.
又經過噴水既地方.
整濕少少, 就係咁望係咁摸, 仲話濕左濕左.
最High 爆都係响巴斯個邊. 玩到成身濕晒不得止.
中水蛋, 好好笑 !!
開心到話自己夠高可以掂到.
玩左起碼成半個鐘9個字.
係時候要返婆婆度.
條友仔玩到唔願走, 仲大喊添. 真係醜死怪.
今次醒目, 連毛巾都帶埋. 換埋衫經過商店街, 點都要同d 氣球影吓相.
真係好鬼驚你會放手.
轉頭仲話要入舖頭睇玩具, 大過仔, 成日經過玩具舖都唔捨得走.
米奇金像獎!!
離開樂園, 見到外面仲有水玩.
小朋友真係好鬼鐘意玩水囉.玩極唔嫌.
沿路去酒店方面, 有呢個公園仔.
又有一舊一舊水柱.
而家次次落樓梯, 佢都唔要我地拖, 自己落.
沒有留言:
發佈留言