【深圳市兒童樂園 】

今曰興致勃勃, 帶埋家希即興北上去玩咯~
目的係為呢個兒童樂園.


位於深圳福田區農林路有個兒童樂園,佢係一個好大既公園又有機動遊戲玩既樂園.
有部份遊戲係免費.
其實交通都好方便, 落馬洲站再轉地鐵,再步行10分鐘就到.
不過我地去程揀打的, 探一探地形, 癈時浪費時間搵.
打的就20分鐘左右到. RMB大約30-40蚊.

話明係個大公園, 梗係唔駛入場費而入去兜個圈唔玩都得, 不過我地一場黎到, 梗係要玩啦~

門外或園中都有售票處可似買遊戲卷, RMB $5張.

我地買住少少黎試玩下, 6張 / RMB $30.

唔駛錢既遊戲, 梗係多人排隊, 多極都唔會似迪士尼咁多人. 只係排10-15分鐘.
一入去, 家希已經比呢個坐船仔又射水槍迷倒了.

睇佢一坐上船, 開心到暈 !!!

接住再行入d, 見到個類似降落傘.

我地一家三口坐, 就用左RMB$15.

上到去先至知原來係企係度, 仲唸住可以坐係度抖下添.

一升高, 原來呢個樂園都好大, 仲有好多遊戲係入面.

海盜船 --- 家希之前係冒險樂園玩過. 不過係勁碎料.

而呢隻船彷似迷仔版. 同時都有離心既感覺架!

呢度周圍都有枱凳比人坐下休息食下嘢.

國內好似周圍都有類似台灣腸. RMB$3

國產小飛象.

小火車, 都係唔駛錢.

架車只係兜一個圈. 終於等到排頭位, 可以坐車頭.

其實呢度仲有滑浪飛船, 過山車, 碰碰車, 由於有高度限制, 家希只得100CM, 所以有好幾樣都玩唔到, 勁灰爆.

拿拿林帶家希玩佢可以玩既遊戲, 心情即刻開番晒.

巨型摩輪, 好 Colourful.

個樂園仲有一般公園既設施, 不過無理由老遠黎到玩呢D 架嘛~

所以就Skip左佢.

雙層旋轉木車, 好少機會見到.

可惜佢地上層係停止開放, 咁我地都慳番唔玩LU.

整體黎講, 呢個樂園都估唔到都好乾淨, 2011年新建至今, 有11項遊戲要比車, 另有3項係免費.

都值得黎玩.

回程, 我地嘗試搭地鐵, 太陽下山了, 慢慢咁行10分鐘路程到達地鐵站都OK.

由橋香站上車, 搭6個站到市民中心再轉線去福田口岸, 全程大約35分鐘. RMB $4, 未夠130CM唔駛錢.

福田口岸出閘就係落馬洲站, 再轉火車就番黎上水LU.