【學生照】

最後作品, 上方好D 定下方好D 呢?


今年年尾, 開始要準備入紙申請K1.
朋友仔提醒, 要搵定好幾開, 去In 下攞下經驗, 仲要預早D打定去 Check下佢地幾時入得紙, 因為間間唔同.

【攝影班】

4月中已經報左一個攝影班,一連2堂, 每堂2個鐘.

上左第一堂, 已經覺得好有得著, 可惜到左第二堂, 我就啱啱病左去唔到, 真係好失望. 知道第二堂教既嘢亦係我想學既嘢.

事隔左2個月, 終於夾啱時間, 今堂係 Outdook 活動, 可以實習吓.

上方: 慢快門, 水柱似一條絲咁
下方: 快快門, 可以見到一點點水點.

【初試紙黏土】

包紙黏土買左成個幾月, 遲遲未拎出黎玩, 趁今日得閒, 比家希黎個初體驗.

其實 Mama 我自己都唔多記得點玩, 只係知道搓下搓下, 又掂下水咁.完全無Idea 整咩好! 
 

【搓泥膠】

知道家希一向都好抗拒接觸黐黐笠笠既嘢.

所以 Mama 我開始諗下計仔. 等家希多D掂吓唔同質感既嘢.

泥膠, 之前Starting Blocks 同 CPDA, 家希都接觸過. 唔算太抗拒.

平平地係屋企樓下既文具舖買左盒黎玩.有12舊泥膠仲有少少工具仔. 都幾抵玩.

【玩沙の端午節】

Mama 我趁今日又係端午節, 一於帶家希去沙灘玩沙.
我仲買多左大剷剷比佢到時舀畢沙玩.
個傻仔知道仲好開心, 開口埋口都話去畢沙.

今日慶在天陰陰, 如果唔係就曬到隻狗咁.
辛辛苦苦去到沙灘又搵到個位落腳

家希一除鞋, 佢隻腳掂到d沙就鬼殺咁嘈, 初初佢仲肯自己坐係墊度畢, 不過對腳仍然同d 沙保持距離咁.
後來仲話要坐係Papa 身上喎.

你睇佢對腳, 一於翹到實一實, 驚死d 沙有毒咁 .

【吹Bubble】

呢晚無嘢好做, 家希硬要吹 Bubble, 唯有入廁所玩餐飽啦.

12蚊店買既道具.

【Father Day' 2012】

今年係老公既第三年父親節.

無Plan 去邊玩, 只係簡簡單單一朝早落街食過早餐再去海旁吹吓Bubble.

尋日就落到狗屎, 今日就熱到出汁.

【無約之聚會】

今日禮拜六,成日陰陰天, 見咁大雨原本打算除消唔去紫婷家. 不過諗黎諗去, 又想比家希同D 小朋友一齊聚吓玩吓.


最後都揸車過去.

明明係樓下, 家希仲開口埋口話要同紫婷玩, 點知去到門口, 唔肯入去, 仲扭晒計.

最後要 Papa 格硬連人帶袋照入屋.

咪又係要時間 Warm up 囉 !

半個鐘後.....就見到呢個情景喇!!

【D.I Y 早午晚】

Mama 我無咩天份,係一個無飯主婦, 唸起整嘢食, 真係頭都爆.

每到 Weekend朝, Papa 返工就淨低我同家希,

又唔想成日食麵包做早餐, 呢隻3.6牛奶, 個個讚好,. d 牛奶味真係好濃好香, 加埋粟米片,都唔錯既選擇.

Tea Time, 呢盒嘢買左成個月, 終於o的起心肝試下 !
哎呀~ Okay 喎! 好易上手.

【閒遊星期六日】

唔駛返 Playgroup既禮拜六日係最多時間淨, 連續兩日家希倒塌咁早就起身.
咁早起身拿拿林做好家務就帶家希落街食早餐, 順便去埋公園玩.
今日熱到爆, 想搵個唔曬既公園都咁難. 仲諗住咁早, 又咁熱, 所以防蚊措施完全無做到, 點知去到呢個近屋企既公園, 鬼死咁多細細粒既蚊滋.搞到 Mama 我即刻折返屋企做番防蚊措施先.

大過仔, 唔駛扶, 已經可以自己企上去. 叻叻 !!

【梓軒の1歲生日會】

今朝諗住家希掟完籃球, 應該放晒電, 食個晏就比佢瞓番覺, 點知呢條友仔, 點碌都唔瞓, 搞到Mama 我有d 忟. 因為呢個家希每次無叉電既話, 一陣又會好扭計. 麻鬼煩囉.

罕有要求要坐車頭, 可能家希想近距離望車車呱.

短短條公路, 初頭仲好精神呢度望個度望, 搖多兩搖就瞓著左.   唉~~ 都估到家希會咁樣.

【蠔擦自助餐】

蠔癮又發作 ! 早排同同事傾開Buffet, 即心痕痕想去食.

花月庭對上一次已經係差不多1年前同老公倆公婆黎撐台腳, 個次又係食左成廿幾生蠔, 今次叫埋婆婆, 因為咁多間Buffet都係覺得呢度最抵食, 又多款式.

例排一開波就不停食生豪, Papa 同婆婆輪流都順便攞2份比我. 今次大大話話又係食左廿幾隻囉.