【玩沙の端午節】

Mama 我趁今日又係端午節, 一於帶家希去沙灘玩沙.
我仲買多左大剷剷比佢到時舀畢沙玩.
個傻仔知道仲好開心, 開口埋口都話去畢沙.

今日慶在天陰陰, 如果唔係就曬到隻狗咁.
辛辛苦苦去到沙灘又搵到個位落腳

家希一除鞋, 佢隻腳掂到d沙就鬼殺咁嘈, 初初佢仲肯自己坐係墊度畢, 不過對腳仍然同d 沙保持距離咁.
後來仲話要坐係Papa 身上喎.

你睇佢對腳, 一於翹到實一實, 驚死d 沙有毒咁 .

Mama 我見咁既情況唔對路, 一場黎到, 點可以咁架.

一於照將家希放係地度, 佢就喊到四萬咁口, 仲成身硬晒, 好似比人點左穴咁.

諗住帶佢落去水邊, 玩吓水啦. 見住D浪一個一個沖埋黎.
家希唔驚水,唔驚浪,  但佢應該好討厭踩住D沙石既感覺.
拿拿林比佢著番對鞋. 不過條友仔都仲唔滿意, 要返上去喎!!!

睇佢呢副尊容真係唔知好嬲定好笑, 佢郁都唔肯郁, 皆因成腳都踩住沙囉.
最後仲好似o益晒救命咁係咁話「唔玩沙, 要返屋企 !」而呢個時候, 我地一個就一揪二袋, 另一個就忙緊執嘢.  阿仔~ 你比d 時間我地, 好無 ?!

 

由於Mama 我一時大懞, 唔記得拎防曬.
搞到要即場係士多用高價錢成舊水黎買呢支嘢, 仲要因為家希極度唔Enjoy 之下, 只係逗留左10分鐘既沙灘.

完全係覺得梗加晒錢買呢支嘢囉.

無理由家希會唔鐘意玩沙, 橫掂住得咁近沙灘, 一於呢個暑假再黎過