【梓軒の1歲生日會】

今朝諗住家希掟完籃球, 應該放晒電, 食個晏就比佢瞓番覺, 點知呢條友仔, 點碌都唔瞓, 搞到Mama 我有d 忟. 因為呢個家希每次無叉電既話, 一陣又會好扭計. 麻鬼煩囉.

罕有要求要坐車頭, 可能家希想近距離望車車呱.

短短條公路, 初頭仲好精神呢度望個度望, 搖多兩搖就瞓著左.   唉~~ 都估到家希會咁樣.

泊埋車家希都唔願醒, Mama 仲要去 Toyru 買禮物架嘛 !!!

Papa 唯有抱住佢黎瞓. 睇玩具都唔醒, 一定係好攰!

係被嘈醒既情況下起身, 家希無乜Mood.

而家係咪麥當當既開心姐姐唔識搞氣氛呢?  全場最大個小朋友都係得6歲咋. D  姐姐係咪應該就番D 年齡黎玩遊戲呢 ? 完全唔吸引小朋友囉. 仲要無咩禮物派喎!

 

切蛋糕, 係個個小朋友最期待既一Part, 睇吓家希個樣, 已經準備就緒 !!

朋友請左我地學攝影既Miss 黎影相, 臨完場, 黎番張大合照!!

 

呢個半鐘既生日會, 家希狀況不佳., 係唔知幾時開始, 學識左唔想留係度就會O益住: 要走呀 ! 要走呀! 朋友仔好多心思, 仲扭左好多個三眼仔做回禮禮物.