【試堂@ BabyGym 動身又動腦】

啱啱呢頭完左CPDA,個頭就 join 左方sir試堂。

原來想join Sam sir,不過Sam sir 班full到做唔到試堂，提議我搵方sir果邊.

查實大早係年頭 Starting blocks，都心癢癢都試，不過陳姑娘建議家希報番學前，所以咪打消左念頭囉.
人地都係啱啱開門咋！呢度好Grand,佢唔只有GYM, 仲有其它興趣班學.

【大埔沙田遊】

辰咁早上完堂，係時候去衣肚！ 成日流流長有乜搞?

Papa一早諗定，拎定單車去大埔餵羊再去海濱公園踩單車.

有單車踩，呢個傻仔極開心，仲非常期待，叫極佢坐車瞓陣死都唔肯，驚死瞓左無得玩，仲向Mama我發爛，唔準我再叫佢瞓，你話激唔激死！

次次去親小白鷺都有Wedding Party,今次又唔例外，見個天陰陰地濕濕，真係連d羊都返歸了。

好彩係順路咋，如果唔係真係白行一趟.

唯有去下一個目的地，海濱公園，家希眼利, 遠遠就見到個Playgound, 係咁o益住要吹泡泡。

可能係中午時份，無乜人，Mama 我梗係搵個樹陰位啦!!

家希玩左陣泡泡就換轉要Mama玩，無非咪想追拍泡泡，呢個仔終於肯追吓泡泡喇！

【戒片初體驗】

呢一個禮拜, 婆婆決定要同家希戒片片, 朝早家希屙左吾後就唔再著片, 不過婆婆做法, 唔會時不時問家希要唔要去, 只係隔中問吓, 大部份時間都等家希自己講急, 至拿拿林同佢除褲, 頭第1日, 好多時家希講都無講就賴左出黎, 第2日, 有好轉, 不過呢頭講, 個頭就屙左, 又要抺餐死, 所以婆婆話要手快喎.

呢個Weekend, 我都效應番婆婆同家希戒片, 由於 Mama我唔想抺餐死, 唯有煩d, 時不時都問家希有無尿尿. 仲時不時捉佢坐啖罐o薯, 最好笑, 家希會拍 Mama 我個咀, 話唔好o薯, 佢要自己o薯喎 !!

【$150 任玩迪士尼】

期待而久迪士尼之旅終於到喇. 朋友仔係白金Annual Pass, 我地就可以用來150蚊任玩迪士尼一日.

150蚊咁鬼抵, 知道婆婆又未黎過, 決定帶埋佢黎玩吓.

迪士尼之旅, 準備功夫唔少得, 家希衫褲鞋襪後備一Set, 防曬防蚊做晒足. 雨褸雨遮風扇仔點少得. 仲有婆婆愛心涼茶同生果. 完全似去旅行咁.

今日上完堂, 接埋婆婆就去接軒軒, 食完晏就直踩入迪士尼.

未落雨前, 仲係好悶熱. 2個小朋友今日好襯喎! 

【第一至十堂@ CPDA】

【第1堂】
繼 Staring Blocks 結業後. 又煩惱搵過間, 再綜合陳姑娘建議, 決定報 CPDA.

第一堂, 全男班, 4 個小朋友. 老師比 SB 後生得多, 似幼稚園老師.

家希第一次去新環境, 有D 不自然, 經過磨練後,好快就溶合到.

頭10分鐘係小朋友埋枱玩玩具時候. 不過全都係併圖板, 興趣不大.

接住唱歡迎歌, 點名.

姐姐仲叫各小朋友自我介紹. 家希無抗拒, 肯行出去, 仲可以講出自己個名 "希希"

【Mother Day'2012】

今年母親節, 老公提議去食齋, 雲泉仙館個名聽得多, 婆婆話以前成日帶我地跟團黎過, 但我腦海一d 印象都無哩 !
好彩我地黎既時候啱啱d 團友散 Band. 如果唔係應該會人山人海囉.

【中銀炒票】

嘻嘻~ 某日打開信箱, 有封中銀信, 發夢都估唔到我咁好彩, 今次比我抽中2張中銀呀!

初初填分店, 諗都無諗就填左公司附近, 估唔到今次中銀安排禮拜日去拎, 仲要朝早10點.

好彩老公有揸車 !

抽到都要排隊拎, 排左都成差不多半個鐘, 順利購買2張炒票, 一出門口轉個頭就放左,由於唔係靚Number, 千二蚊成交.