【中銀炒票】

嘻嘻~ 某日打開信箱, 有封中銀信, 發夢都估唔到我咁好彩, 今次比我抽中2張中銀呀!

初初填分店, 諗都無諗就填左公司附近, 估唔到今次中銀安排禮拜日去拎, 仲要朝早10點.

好彩老公有揸車 !

抽到都要排隊拎, 排左都成差不多半個鐘, 順利購買2張炒票, 一出門口轉個頭就放左,由於唔係靚Number, 千二蚊成交.

收晒錢, 就過去 MEGA BOX 宜家食晏, Order 左成枱都係嘢食只不過都係50蚊咋.
家希一見到碟薯條就即急不及待拎起支叉去桔黎食.

由於熱氣呀, 所以只比家希食一條咁多啦.

飽飽後再買埋d 林嬸嘢就返婆婆度休息.

不過婆婆今日佳人有約, 同d 街坊參加左1日遊, 我地一家三口就hea 係婆婆屋企, 瞓吓晏覺. wow~ 爽! 瞓左2粒鐘, 叉足電可以落公園玩lu.

Bubble 隨身攜帶,家希零舍玩得騎尼.

家希仲揸埋架單車落黎鏈番轉.

大過仔, 咩都要親力親維, 落樓梯都唔要扶住, 要自己黎喎..