繼 Staring Blocks 結業後. 又煩惱搵過間, 再綜合陳姑娘建議, 決定報 CPDA.
第一堂, 全男班, 4 個小朋友. 老師比 SB 後生得多, 似幼稚園老師.
家希第一次去新環境, 有D 不自然, 經過磨練後,好快就溶合到.
頭10分鐘係小朋友埋枱玩玩具時候. 不過全都係併圖板, 興趣不大.
接住唱歡迎歌, 點名.
姐姐仲叫各小朋友自我介紹. 家希無抗拒, 肯行出去, 仲可以講出自己個名 "希希"
【第2堂】
家希仲有D怯, 好彩唔駛一陣, 已經無咁緊張肯自己去拎凳凳坐.
每堂都有呢Part, 不過對於咁細既小朋友, 好似深左d.
小工藝時間, 今彩玩水彩.小朋友要著圍裙.
仲記得之前係Starting Blocks, 家希極之抗拒.
睇吓~ 家希仲好認真咁聽老師講解.
【第3堂】
今日遲到, 搞到唔夠時間比家希Wake up, 一開波就貼身膏藥, 仲呆吓呆吓. 點名無反應.
一開始係對物件配對, 要將相同物件放埋一齊, 之前係Starting Blocks, 我見家希付付碌碌,今次家希抽到牙刷, 佢能夠配對啱, 可惜其它小朋友已經混亂不堪.
【第4堂】
今堂家希多扭計. 搞到Mama 我好多時都好兇咁對住佢.
最後搞佢唔掂, 要Papa 出手渴止.
分離時間由落堂前5分鐘改為15分鐘
老師照同小朋友拉拉手唱歌, 而我地家長就慢慢係不經意既情況離開課室.
應該我行出課室都未夠5步, 入面4個小朋友已經哇哇大喊.
【第5堂】
今日入到課室唔見Emma老師，淨係得Fenix 老師同埋另一個成日都唔出聲既妹妹仔.
真係想像唔到一陣會點.
淨係Fenix 老師, 原來佢都可以帶動到氣氛.
又到落堂15分鐘，今次分離做得差好多，一個小朋友喊，
相對第二個又喊，Mama我都未有機會閃，家希就意識到，
仲攬實
Mama我係咁講唔好唔好！唯有硬住心，照走！！
又係淨番家希同灝灝堅持喊到底
不過最搞笑，家希一路喊一路上堂，又玩又喊咁。
終於落堂喇！個傻仔當然見到我地就喪喊，好似向我地投訴咁.
家希你幾時可以唔再喊呀 ?
明明上堂前同家希傾掂數要自己上堂, 佢仲識答我唔喊. 點知都係喊既收場.
【第6堂】
到左第六堂, 家希一出Lift 就即扁咀唔肯行, 喊晒口, 搞到個刻個心有D "那" ,全程係咁叫抱抱. 又喊晒口成隻樹熊夾實晒.由今堂開始, 提早落堂前半粒鐘就分離時間.
之前同Emma 姐姐傾過, 一致決定我地家希靜悄悄咁離開.
不過家希咪一樣喊到拆晒天.
呢度已經係中段時間, 仲比佢偷望到我, 開始收聲.
【第7堂】
左諗右諗,都係唔安樂.打算淨番個 4堂, 到分離時間, 我地唔分離, 提早帶家希走
之後再同朋友傾埋, 都係打去中心個邊傾吓. 如果佢肯退錢梗係好啦, 唔駛煩.
當然退錢係無可能啦. 佢地提議比家希轉班完成埋淨低個4堂.
【第8堂】
家希係呢班新班既第二堂, 今堂婆婆陪我一齊帶家希上堂.
總括黎講, 今堂Mama 我好滿意, 上一堂玲玲姐姐已經講過今堂茶點後, 家長盡量坐係窗邊, 同小朋友有番D 距離.
【第9堂】
今堂完落, 安排家長係門口度接放學, 家希一知 Mama 我要出去, 當然喊爆, 全班6個小朋友, 得家希同另一個女同學狂喊.
家希呢個表情, 咪又係投訴 Mama我做乜走左去囉.
【第10堂】
終於到第10堂喇~
今堂 Mama我照舊同家希保持幾個身位既隔離. 之前好多時老師提問既時候, 我都會係家希背後篤吓佢, 提佢答.
不過今堂我大多都唔出聲, 唔想再咁Take care 住佢, 等佢自己比反應. 反而效果幾好喎. 真係唔駛 Mama 我提, 佢隔中都有反應比老師.
沒有留言:
發佈留言