【$150 任玩迪士尼】

期待而久迪士尼之旅終於到喇. 朋友仔係白金Annual Pass, 我地就可以用來150蚊任玩迪士尼一日.

150蚊咁鬼抵, 知道婆婆又未黎過, 決定帶埋佢黎玩吓.

迪士尼之旅, 準備功夫唔少得, 家希衫褲鞋襪後備一Set, 防曬防蚊做晒足. 雨褸雨遮風扇仔點少得. 仲有婆婆愛心涼茶同生果. 完全似去旅行咁.

今日上完堂, 接埋婆婆就去接軒軒, 食完晏就直踩入迪士尼.

未落雨前, 仲係好悶熱. 2個小朋友今日好襯喎! 


等待入場中.

 

點知隻腳一踏入, 就即一滴滴雨水. 入左商店街逛吓,唔買影吓相都好吖 !

朋友仔仲搵埋佢d FD一齊幫我地霸定位睇巡遊, 雨又開始大, 巡遊改為5分鐘就遊完, 同上年比較, 今次家希一見到佢地出場, 就好開心, 仲碌到隻眼鬼咁大.

未瞓晏覺既家希, 巡遊一完就係車仔度瞓著左Lu. 朋友仔仲帶我地去睇高登Mickey, 有Annual Pass, 完全唔駛排隊, 仲優先入埸霸頭位. 可惜家希瞓左, 唯有Papa 捱吓義氣, 係外面睇住家希, 而Mama 我帶埋婆婆同埋同事仔們入去.

半個鐘, 好快過啫, 點知坐定定準備開場之際, Papa 急Call, 家希醒左係咁搵 Mama 我, 唉~ 臨尾香添!! 唯有代朋友照顧住婆婆繼續睇 Show, 急腳出去湊仔啦.

見時間差唔多完 Show, 我同Papa 去定排隊影相.

家希一見米奇就係咁叫米奇鼠吖! 米奇鼠吖.

影完相, 臨走仲要錫左米奇鼠既鼻哥一下, 好搞笑~ 


Mama 我有自備相機, 梗係唔會放過狂影既機會啦.小朋友見到佢地就最開心.


過去城堡影埋影就去巴斯.
朋友仔幫我地拎左Fast Pass, 時間就啱啱好.

一人推住一架車, 小朋友, 你地係咪比賽緊呀 ?

 

家希揸住唔停手, 係咁撳丫撳.

2隻小青蛙影番張相做個記念呀! 

因乜解究, 呢2條友仔咁開心, 咪比部吹風機吸引住, 玩到唔停手.



一直以黎, 朋友仔都有比閃咭我, 今次入左一轉, 又拎左幾張, 今批閃咭, 連 Mama 我都讚, 真係好靚. 仲有一大堆貼紙添