呢一個禮拜, 婆婆決定要同家希戒片片, 朝早家希屙左吾後就唔再著片, 不過婆婆做法, 唔會時不時問家希要唔要去, 只係隔中問吓, 大部份時間都等家希自己講急, 至拿拿林同佢除褲, 頭第1日, 好多時家希講都無講就賴左出黎, 第2日, 有好轉, 不過呢頭講, 個頭就屙左, 又要抺餐死, 所以婆婆話要手快喎.
呢個Weekend, 我都效應番婆婆同家希戒片, 由於 Mama我唔想抺餐死, 唯有煩d, 時不時都問家希有無尿尿. 仲時不時捉佢坐啖罐o薯, 最好笑, 家希會拍 Mama 我個咀, 話唔好o薯, 佢要自己o薯喎 !!
當然唔係次次坐都有得出, 不過 Mama 我想家希有個習慣去屙. 試坐幾次, 真係成功屙左出黎, 連吾吾都一樣, 好有成功感呀 !
去街街, 咁點算好 ? 照同家希著學習褲, 以防賴濕就死伙, 每次食完嘢又或都咁上下時間, 都會問家希有無尿尿, 其實佢話無都好, 經過廁所, 我都叫Papa 帶家希入廁所試下.
今日又成功左喇, 所以返到屋企, 條學習褲都無濕過.
計過1日都用唔到2塊片. 睇黎唔駛幾耐, 真係可以搣甩埋片片喇! 加油 ~
家希成功係公廁屙到尿尿, Papa 無聊到同家希影番張相, 仲要做埋V手勢, 笑死 !!
沒有留言:
發佈留言