Papa一早諗定，拎定單車去大埔餵羊再去海濱公園踩單車.
有單車踩，呢個傻仔極開心，仲非常期待，叫極佢坐車瞓陣死都唔肯，驚死瞓左無得玩，仲向Mama我發爛，唔準我再叫佢瞓，你話激唔激死！
次次去親小白鷺都有Wedding Party,今次又唔例外，見個天陰陰地濕濕，真係連d羊都返歸了。
好彩係順路咋，如果唔係真係白行一趟.
唯有去下一個目的地，海濱公園，家希眼利, 遠遠就見到個Playgound, 係咁o益住要吹泡泡。
可能係中午時份，無乜人，Mama 我梗係搵個樹陰位啦!!
家希玩左陣泡泡就換轉要Mama玩，無非咪想追拍泡泡，呢個仔終於肯追吓泡泡喇！
玩到咁上下，真係好鬼熱，Papa話買支雪條消暑吓，玩飽影飽係時候閃喇~
戒緊片既家希，Mama 我無時無刻到每一個景點都要家希去一去，基本上而家 Whole day 玩完返到屋企，塊片都係乾，快 D唔駛著片,就會舒服得多，起碼個羅柚爽D無咁焗啦！
臨走, 見到呢個景好靚, 哎呀, 呢個家希係咁話唔影唔影, 仲要尊登背住我唔比我影, 最爆笑係 Mama 我係咁叫家希 V啦, 佢淨係背住我話唔影, 但雙手就舉高V, 真係笑死人.
接住去沙田, Papa 話去多次Snoopyland 喎, 對上個次黎, 家希15個月大, 仲未識行.
呢度有架船仔，次次都好多人排隊，仲以為要買滿幾舊水至坐得，原來求其一張發票就可以坐，老公排隊，而我就帶住家希影吓相，玩吓sir 滑梯
排左半粒鐘終於可以上船，家希好開心又好奇！其實Mama我都係第一次坐咋！ 真係大鄉里出井添！
順路黎到沙田，梗係踩埋去一田，真係人山人海，完全係迫住咁行，根本都睇唔真佢賣乜，老公仲話，唔講以為去左行花市喎！ 周圍都排晒隊，睇啱嘢都唔夠膽買啦，條人龍長到得人驚！
沒有留言:
發佈留言