【親戚由遠方來】

家希個舅公一行3人Join 團來港旅遊.
婆婆又想招呼佢地.
知道今日係最後一日, 今晚夜機走.
晨早流流我地食埋早餐就趕住出老尖會合婆婆再去搵舅公.

最後轉轉接接係車公會廟度會合.

車公廟, 其實我都係第一次黎, 唔係正月時間黎, 真係無咁多人. 好流暢.
家希, 你比番d 笑容好無 ??
  

其實家希都好誠心, 成日都o益住要自己插香.


插完香, 家希就已經見到呢個鼓, 仲自己急急腳走埋去, 打打打. 


之後見到個箱就係咁問我地拎錢添香油.
仲一路入一路口up up許願 


見人地求籤, 我地又貪得意比20蚊拎個籤筒黎求下.
家希都係第一次接觸, 感覺好新奇


拜完車公仲有大把時間, 我地係廟有外面d 長凳抖下.
今日唔算熱, 但好曬, 好彩有d 風, 所以坐係度都好舒服.
家希又學做Waiter幫我地落單.


次次搵到個靚位影相, 呢條友仔梗係扭扭拎拎, 又話尿急喎

等左2個鐘, 我地d 親戚終於到喇! 佢地拜完就甩團跟我地車出發.
趁佢地飛前, 有3個鐘自由時間, 我地帶左佢地買左少少嘢, 再係尖沙咀附近影吓相.

1881, 其實我地成日都黎, 但估唔到最高個層既景係咁靚, 等我仲次次都無上過去.

呢棵老樹, 我覺得佢好靚. 最景好正!!

呢個係Mama 既表弟, 即係家希既表舅父, 雖然佢咁細, 仲未搞得清既關係.
只係同佢玩左陣. 三兩下就會同人混熟, 真係同以前既佢好唔同.