又係响大阪難波搭阪神難波線直去神戶三宮，今次要揀急行車，只係停幾個大站，其它都會飛站。
去到神戶三宮，再轉Portliner架空地鐵去京コンピュータ。
係Portliner入閘隔離有個票務中心，係呢度買埋神戶動物王國門票，會包埋Portliner來回，咁就抵左程來回車費。
三宮呢個係總站，所以上到月台，左右兩邊是旦一架都可以上。
到達京コンピュータ，一出閘落樓梯就係神戶動物王國，超方便。
曬到眼都睜唔大，拿拿林入去嘆冷氣。
有個好大既 Locker區。
未入場，已經望到貓貓區。家希急不及待，要去摸貓貓。
隻隻都好乖！
仲有狗狗區。
接著係兔兔區。
好大隻賓尼兔，成隻貓咁大隻呀！！Ｄ毛好軟棉棉架！
夾埋餵食時間。
天竺鼠又係食紅蘿白。
呢兩隻兔好長毛。
家希睇下天竺鼠點飲水。
最興奮有餵企鵝時間，每人只可買一份。
我地３個人就每人一份，由於佢地限制人數，每次都係得放２—３個人入去餵。
餵完企鵝都出晒汗，走番入去冷氣區睇動物。
水豚，個樣好傻。
不過佢棚牙就........
日本人好自律，無人守候住，自助入錢買草或糧食。
無拿拿唔知邊度有隻巨龜出沒。
咪以為佢行得慢，想停低影張相，我都走左幾次位。
仲有呢Ｄ唔知叫咩動物，有少少似袋鼠樣。
玩夠就出去睇下鴨。又有得餵架！！
好多呢Ｄ唔知咩動物。工作人員好好，知你影相，會專登引佢地响你面前。
呢度都有魚仔食死皮。
家希玩慣左，唔再驚啦～
夠鐘睇飛禽時間。
完結後，可以同貓頭鷹影相，Ｄ毛好soft。
Lunch Time，係呢個好似花園既地方食，環境正！
再出去騎馬仔。
又餵棉羊。
袋鼠區呀～
佢地隻眼好似睜唔開既，好好笑。
又有草泥馬。
四圍都有洗手區。我地基本上餵完就洗，洗完又餵又洗。
佢兩父仔想點？ 捉龍蝦！！
又真係比佢地捉到喎。
由於太熱，係戶外時間不能逗留太耐。
又返去嘆杯雪糕降下溫。
另外有個小鳥區，每人100Yen。
得到１份雀籽。做少少動作示意比Ｄ雀知道，佢地就會飛去你手上停留。
家希幾咁開心。
距離今晚已book燒肉餐廳仲有時間，即興加插一個景點去阿倍野Qs mall。
黎左日本第５日，終於可以食到刺生飯啦。
我去Shopping，家希去打機。
商場實在太大，太多嘢睇，只係逗留短短２個鐘，真係唔夠喉呀～～～～
今晚晚餐揀左呢間大多係日本人黎食既燒肉店，响堺筋本町站附近。
用Google map邊搵路邊行，呢個就係自由行既樂趣。
順利係7:30pm前到達。又係用Tripla book位。
由於大多係日本人黎食，所以連menu都只係日本咋。
之前係d 群組度cap定左有翻譯既menu。所以好順利就order。
家希要做小廚師。
沒有留言:
發佈留言