【親子大阪遊 の Day 3】

今日行程，一直改完又改。又想去大阪城，又想去天保山，又想去萬博紀念公園，又想去奈良！　分身都唔掂。

最後決定了去萬博紀念公園 + Expocity + NIFREL。

到出後前１晚，左思後想，決定加插去奈良呢個景點。因為我真好想親眼去睇下鹿群！！

Check過路線，由日本橋去奈良近１小時，但由奈良返去萬博紀念公園，點樣都要回頭經日本橋再去，車程要近２小時。

所以晨咁早未夠８點就出發！

酒店左邊係難波站，右邊係日本橋站，其實都好方便。
搭近鐵，無咩人！

去到奈良，５號出口搵番１號車站，再搭２,６號巴士都可以經奈良公園。
其實好易搵，一出就係。

架巴士一開動無耐，馬路兩邊行人路，已經見到鹿群啦，其實唔洗去到公園都見，有衝動想即落車。

大約３個站就到公園。

入口處已見一班鹿群靜靜係度抖涼。

隻鹿郁都唔郁，眼都唔眨，好似假咁。

急不及待買鹿餅，每檔價格都一致，150Yen一份！！

家希手忙腳亂，將ｄ鹿餅夾晒係格那底度做咩？

ｄ鹿真係好鬼醒，一見你埋檔口買餅，就自動行埋黎。

佢地好乖，目標都係ｄ鹿餅，知你無晒鹿餅，就會自動行開。

呢隻好似小鹿芭比。

呢ｄ就叫做比鹿圍。

草叢裡，有一大堆係亭下抖涼，任影唔嬲。

另一邊入寺方向，又有一隻乖乖坐埋一邊，好似守口門咁。

逗留左個幾鐘，食埋類似湯丸既小食就回程囉，真係到此一遊。

排擋口有砲冰 又有Cremia，不過太熱，未食應該會溶晒。

搭左個幾鐘車程，終去到Expocity。

撞啱Lunch Time，周圍食放肆都排長龍。
最後揀左高達Cafe。


飽肚後，家希目標當然係去Pokemon Expo，我地無入去打機，只係兜下買精品，佢望住人地打戲都咁開心。

撞正比卡超出沒，太多人圍住佢，ｄ人唔係自在同佢影相咁，反而不停地摸佢。

接著就過去NIFREL，見識下佢地既博物館。

家希初初都驚，玩多兩玩就唔願走添。

撞正今日係日本假期，所以NIFREL都較多人，只可以遠望！

Ｄ大咀鳥無得放出黎行，唯有隔玻璃睇囉。

最後點少得行精品店，唔買都黎影下相。

行完NIFREL，就入去Expocity呢個大型商場。
又撞到有遊戲機中心。

臨走，家希仲話要玩佢地對出空地既小機動遊戲。

搭番單軌電車去山田站，呢度都有個大型商場及AEON超市。
我地就係度嘆雪糕，真好好！

返去心齋橋只不過係06:30，Book左釣魚茶屋，無得提早入。
唯有行下藥妝消磨下時間。

經Tripla book釣魚茶屋。一直擔心係咪真係Book左架？

原來真係有 record。

order坐係船上，原來船上釣魚要比100Yen魚餌。

相反過去另一邊，用魚勾就唔洗錢，只係勾到咩就計佢重量。
家希真係好認真咁勾。

又真係比佢勾到上黎！

雖然唔係大魚，但已經好開心。


再過隔離勾龍蝦。

又好好彩，家希自己勾到隻上黎。

條魚同龍蝦揀左鹽焗，一樣咁好味！！


家希意猶未盡，又走去勾多一條魚上黎。

再Order左個兒童餐同我至愛壽司。

 

杯生啤好似好好飲咁。

咁係咁，減埋預先print定coupon，呢餐12XXX Yen。