【升Grade了】

升 Grand 喇我, 真係估唔到我最終都係轉左單反, 仲記得自己曾講過, 唔會用呢d 黑色既機, 咁Man 咁. 所以鐘情Olymplus 呢類無反相機, 又可以換鏡.

但原來人既要求係會不斷提升. 就算我換左大光圈既鏡, 做到景深效果.  但感應此終唔夠快. 仲有陣時唔夠光線既地方就無法影到靚相.

Canon 必定係我首選, 咁多個型號既單反真係搞唔清. 最後同個Sales哥哥傾左好耐, 就揀左呢部650D. 初階機. 再另外配支F1.8 既大光圈餅鏡, 呢支鏡好抵玩, 只係七幾百咋.

** 小插曲 **

其實買呢部單反, 部機都係5千幾蚊啫. 不過我前前後後駛左成萬蚊.

話說, 起初我係買左Canon 最新Model 個部無反, 點知呢頭買完個頭就去公園試機之際, 心急得濟, 部機係手只不過唔夠5分鐘就跣手, 成部跌左落地, 個刻個心真係好似插左一刀咁, 真係好心痛, 好赤 !!

機身花左不得止, 點知連支鏡都爛左, 測唔到光.  哇! 天呀~ 新機落地就跌爛, 個種心情難以形容.

雖然有保養, 但拎去原廠整, 零件一定另收費就梗架啦, 就算唔係錢既問題, 個心都有條刺. 此終整過,

最終明蝕都照拎部機去放. 收番千七, 再Trade 埋自己本身個部舊機加鏡頭, 再收番二千蚊. 就買過部新機,

可能命運總總係有安排, 同時係想比次機會我去揀, 經過個唔夠5分鐘試機後, 此終未達到我標準. 最後決定都係升 Grade, 喇 ! 點知部單反仲平過部無反.