【自家學習】

眨下眼, 仲有4個幾月, 家希就返學喇 !

每個禮拜 Weekend, 家希返親黎, 唔係玩呢樣玩具就係玩個樣, 再唔係就篤Ipad. 總係覺得佢一事無成. 只慣玩既心態.
又無返N 班, 學習既嘢已經少左. 係時候要積極D.

教材, 其實屋企有好,  成日見到就買買買, 買左返黎又擺埋左一邊.

要O的係心肝, 比佢做下D 練習, 準備下自己.

呢盒圖, 係方Sir Playgroup 度買落.

分別有一大疊每張不同既圖案咭, 一塊磁石板. 一堆圖案磁石.
將D 圖案磁石根據番咭仔上既位置, 原原本本咁黐番係張磁石板上面.



記得第一次做既時候, 真係好勞氣. 佢又Hea 住做, 明明佢自己都可以講得出咭上咩圖案打咩圖案, 但都係一樣黐錯晒, 仲要無個樣,黐個樣, 完全無拎個心出黎做. 搞到Mama 我嬲得濟, 將Ipad 入面所有既Game 都剷晒.

足足鬧左成4個鐘. 我辛苦時, 佢又陰公.

艱苦過後, 當係 Mama屋企時, 每日總要做一次, 完成後才可以玩玩具. 



早排同舊同事Gathering後, 介紹左呢幾本書仔. 平平地, 10蚊本咋.
一於買黎同家希玩下.

 

家希對揸筆畫嘢都幾有興趣. 
 

呢本畫公仔, 一個Step接一個Step咁畫, 畫到出晒界, 是正常嗎?
老公話我要求高, 出界係好正常, 反醒過後, 咁又係既, 家希又未正式返學, 手仔揸筆力度大少仲未控制得到.

而家, Mama 我改觀後欣賞家希願意完成小習作.

貼貼紙, 唔知係咪小朋友都鐘意呢?
對家希黎講, 真係好鐘意
 

每日只限家希做一頁,費時咁快就比佢做完一本. 

同時可以訓練佢小肌肉.
對準位置貼落去.



小手工. 有次行街見到.
親子時間可以同家希一齊黐.
 

當然要Mama 我引導佢黎黐, 如果唔係, 應該睇唔出佢黐d乜.